Die slanke nekke van sewe jongerige kameelperde buig amper tegelyk afwaarts waar die lippe eers versigtig met die water kontak maak voordat met diep behae gedrink word. Die voorbene staan wyd geanker, want waterdrink is ’n delikate operasie vir ’n dier gebou soos ’n hyskraan. Nooit word daar te lank gesuip nie. Iets laat hulle skrik: ’n Swerm duiwe wat met fluitende vlerke land of opstyg, of ek hier in die skuiling waar ek sit en tik en per ongeluk teen iets in die donker stamp.
Ek sit by die Buffelpan-skuiling in die Blouberg-natuurreservaat naby Vivo, Limpopo. Die skuiling is halfpad ondergrond gebou sodat jy op byna ooghoogte met die diere sit wanneer hulle kom suip. Die watergat is sowat 20 m van links na regs, en dalk 10 m van…
You're reading a preview of
Weg! (Digital) - 1 Issue, February - March 2021