Magzter Gold (Sitewide Promotion)

Magzter Gold (Sitewide Promotion)

Digital Delivery

Sarie March 1st, 2025 Digital Back Issue Cover

Sarie Mar/Apr 2025 (Digital)

(0)

Single Digital Issue

Mar/Apr 2025

$5.89

Powered By Zinio

Zinio

Satisfaction Guaranteed

Instant Start

Subscribe Instead

1 Year Subscription

6 digital issues

$21.62

($3.60/issue)

Go to Subscription

View Subscription Options

Also available on ZINIO Unlimited logo

Get unlimited access to Sarie (Digital) + Back Issues & 5000+ other magazines

1-month free trial

Renews at $8.99/month after trial.
Cancel anytime.

Get unlimited access to Sarie (Digital) + Back Issues & 5000+ other magazines. Renews at just $8.99/month after trial. Cancel anytime.

Start Trial Learn more

36 Articles

Dit boei lesers. Hóé ons besluit oor die stories in die tydskrif, hoe ons maak met die foto’s. Ek huiwer altyd voor ek dié vrae beantwoord. Nie dat ek nie wil sê nie, maar waar begin ek? Dis ’n proses, sê ek dan gewoonlik. ’n Láng proses. En dit ís. Weke se idees versamel, met mense praat, oplees, gedagtes vrye teuels gee, lyste van moontlikhede saamstel en dan die groot beplanningsvergaderings vir die groot kies: Een vir inhoud, een vir foto’s. Wel, só doen ons dit by SARIE. Kophou, dié moet ons. Daar moet iets vir elkeen wees – in lyn met die tyd van die jaar, vir seker relevant, die luim van die land in gedagte hou, ook die gemoed van lesers. Iets kleurryks wat inspireer, ’n bietjie pret,…

Dis Sondagmiddag, daar is nie ’n geluid in die omtrek nie, daar is ’n gevoel van saligheid in die lug (My verbeelding?), iewers op ’n geliefde rusbank sluit iemand sy oë vir ’n weeklikse dut, iewers in ’n boomryke straat groet ’n gesin hul gashere ná ’n lang, lang middagete, iewers op ’n stil strand stap ’n enkele figuur, luilekker en volkome ontspanne. Iewers gooi iemand ys in ’n lang glas, iewers in ’n vertrek met ’n muur vol boeke raak iemand verlore in ’n geliefde roman, iewers in ’n gang staan iemand met ’n skildery in sy hand, dis die tyd dat ’n ou kunswerk ’n nuwe tuiste kry. In my huis is dinge anders, daar is die weeklikse chaos: Kry alles wat vir Maandag nodig is, nóú in…

Om selfversekerde leiers vir môre te verseker moet jy in vandag se jonges belêZOALIZE JANSEN VAN RENSBURG, MEJ. WÊRELD SA SA SE SKONES JONGES MOET GESIEN & GEHOOR WORD Sy is een van ons jongste deelnemers aan Mej. Wêreld – net 18 jaar oud toe sy verlede jaar by Sun City gekroon is. Maar Zoalize Jansen van Rensburg (nou 19) van Pretoria, wat vanjaar die land in die Mej. Wêreld-kompetisie verteenwoordig, het haar nog nooit deur haar jeug laat stuit nie. Op 14 het sy al haar eie onderneming sonder winsbejag, Never Too Young To Advocate, gestig. “’n Veilige platform vir jongmense waar hulle gehoor en gesien en na geluister word.” Om jonges op te hef en te bemagtig was nog altyd haar passie, iets waarop sy ook as Mej.…

WENBREF VAN DIE MAAND ONS IS OUKEI NÁ ONS EERSTE ‘GESKEIDE’ KERSFEES Vanaand is my laaste aand saam met my kinders voor hulle vir hul eerste Kersfees weg is van my. My dogter (14) en seun (amper 16) is rustig, maar ek dink ons is almal akuut bewus dat ek hulle eers oor twee en ’n half weke weer gaan sien en dat alle skills wat ek hulle ooit geleer het, dalk uit hul “lewenstas van oorlewing” gebruik gaan moet word terwyl hulle weg is van hul mamma. Hulle is twee selfstandige, oopkop kinders wat die afgelope 20 maande van swaarkry tydens die egskeiding reeds op ’n baie jonger ouderdom as die meeste van ons moes besluit wat vir hulle belangrik is en waarvoor hulle “staan”. Ek lê langs my seun…

DIAAN sonder einde

Nes geluk nie ’n eindpunt is waarby jy aankom nie, is balans ook iets waaraan jy aanhoudend moet werkDIAAN Praat jy vandag van Paula van der Lecq om ’n braaivleisvuur, weet almal na wie jy verwys: 7de Laan se warkoppie, almal se “vriendin” – al was dié karakter in 2016 laas in Hillside te siene. Wie sou tóé kon raai dat die aktrise agter daardie borrelende blondine eendag aangestel sou word as uitvoerende hoof van die AFDA-filmskool? Maar om Paula se gunstelinguitdrukking aan te haal: Diaan Lawrenson het eenvoudig ’n sekere “je ne sais quoi” – daardie ondefinieerbare eienskap wat maak dat sy uitskiet, die aandag trek, en oënskynlik enige uitdaging tot groot sukses kan aanpak. Mense wat haar ken, is kwalik verbaas oor haar opgang. Sy het in Januarie…

DIAAN sonder einde

CASPER BOSMAN Daai brilletjie kyk fýn

Eendag, lank, lank gelede, het die agtjarige Casper Bosman en sy ma na die Mej. SA-kroning op TV gekyk, net soos elke jaar tevore. Suzette van der Merwe was dié keer die wenner. “Mamma, ek gaan eendag klere vir sulke mooi tannies maak,” het die seunskind gesê. Profetiese woorde. “Ek het al, laat ek vinnig tel, twaalf Mej. Suid-Afrika’s aangetrek. Dit was eintlik altyd deel van die droom, om mooi rokke te maak,” laat hy nou hoor. Sowaar, dié boytjie van Bloemfontein het verlede jaar die wenner van SARIE se Matriekafskeidrok én ons Bruidspaar van die Jaar aangetrek. In soveel van die honderde inskrywings wat ons jaarliks ontvang, duik sy naam op. Met SARIE se 70ste verjaardag in 2019 het hy ’n variasie van die bloes ontwerp wat die model…

CASPER
BOSMAN

Daai brilletjie kyk fýn

Ewe tuis VOOR ÉN AGTER die kamera

Simoné Pretorius, Lourensa Eckard en Reynardt Hugo – ons wéét wie hulle is, hoe hulle lyk, want hulle is immers gereeld in die kollig voor die kamera. Maar al drie het dit onlangs ook suksesvol gewaag in regie-, skryf- en vervaardigingsrolle. So maak aktrise en toneelskrywer Simoné in 2024 haar debuut as regisseur by die Silwerskermfees met die komediedrama Som van twee, wat sewe toekennings ontvang het – insluitend vir beste regisseur en beste draaiboek. Ook by die fees is Lourensa, bekend as aanbieder van die aktualiteitsprogramme In gesprek en Carte Blanche op kykNET, se kortfilm Marie se laaste dag bekroon met pryse vir die beste draaiboek en beste kortfilm deur ’n opkomende filmmaker. Tom Marais het ook gewen as beste kinematograaf. Teatermaker Mercy Kannemeyer was medeteksskrywer. Lourensa is ook…

Ewe tuis VOOR ÉN AGTER die kamera

15 TYDLOSE IKONE LANK SAL HULLE LEWE!

Trends kom en gaan, maar ikone? Hulle raak net beter. Kom saam op ’n nostalgietoer en herontdek die goue oues van die skoonheids-, kos-, dekoren modewêreld wat die tyd se toets geslaag het. PÊRELS ’n Vrou behoort stringe en stringe pêrels te hê, het die legendariese Coco Chanel verklaar. Sy het die ware Jakob saam met namaaksels gedra – en die dames in hoë kringe uit hul nate geskok. Eens iets vir net spesiale en deftige okkasies, kan jy pêrels nou elke dag en by elke uitrusting dra, sê die bekende modekenner Jackie Burger. “Baie mense kombineer ’n stringetjie pêrels met ’n kettinkie en nog iets en nog iets. Dit gaan oor speelsheid, pret. Terselfdertyd is dit tog ’n ode aan iets wat kosbaar is, aan erfgoed.” KERSE Oorbeligting is…

15 TYDLOSE IKONE LANK SAL HULLE LEWE!

SNAAKS, SNAAKSER, SCHALK

V Jy het as aanbieder van Amazon se 2024-reeks World’s Strangest Jobs die wêreld vol gereis op soek na vreemde loopbane. Wat sou jy wou doen as jy nie in die kunste was nie? A Ek’t nooit geweet hoe om daai vraag te beantwoord nie, want ek het altyd gedink daar is letterlik niks anders waarin ek belangstel nie. Maar ek is so lief vir die bosveld, ek sou nogals ’n wildbewaarder wou wees. Ek sou nooit verveeld raak van diere kyk nie. Wat ’n voorreg! Eintlik is dit nie soveel anders as om ’n komediant te wees nie . . . jy’s min by die huis en sien jou familie min. V Charlize Theron kom van Benoni, Arnold Vosloo van Alberton en jy het grootgeword in Kempton Park. Dink…

SNAAKS, SNAAKSER, SCHALK

OEMF VIR ’N ROK

KLEUR-WOEMA Die spel van groter en kleiner plooie en die sterk kleurkontras maak hierdie kombinasie van rok en korset interessante pasmaats. IN DIE MOU Breë armbande is hoogmode, nog beter as dit een aan elke arm is. Vernuwe jou rok deur breë armbande bo-oor die moue te dra. PÊREL-SENSASIE Met ’n wit hemp is die skouerlose rok perfek vir die dag, met ’n deursigtige top versier met kunspêrels en diamanté is dit sensasioneel vir die aand. WEN-WEN Jy kan heerlik speel met die klassieke hemprok in ’n treffende wynrooi kleur. Voeg patrone en teksture by om ’n wen-kleur in ’n wen-uitrusting te verander. DUBBEL EN DWARS Van deursigtig gehekel tot grofgeweef, items met tekstuur bo-oor ’n uitrusting verander die doodgewone in iets spesiaals. MINI-MAKSI Kry meer uit jou minirok deur…

OEMF VIR ’N ROK

MIDDELPUNT VAN AANDAG As ons so na die oorsese loopplankvertonings kyk, is vanjaar se moet-hê-bykomstigheid vir seker die belt. Breed of smal, van metaal of leer, plaas die fokus op jou middel. Sien koopgids op bl. 141…

bederfprodukte Luuks

1. Dié nuwe uniseks-parfuumreeks is ’n sensoriese ode aan die ryk erfenis van Montblanc. Die handelsmerk, wat in 1910 begin is om inkpenne te vervaardig, is nou ewe bekend vir hul leerware, horlosies en parfuums. Die vier nuwe geure, vermeng uit ’n kombinasie van kosbare en delikate bestanddele, is verpak in ’n replika van Montblanc se ikoniese inkfles. Die swart parfuumdoppie is nes die gesogte Meisterstück-pen met die stervormige embleem versier. Die geur Black Meisterstück het note van wierook, speserye en hout, terwyl Patchouli Ink ’n muskusgeur met patsjoelie en hout is. Extreme Leather bevat ’n leerakkoord met iris en muskus, en Vetiver Glacier is ’n vars geur met bergamot en sandelhout. Die Montblanc Collection (R2 999 elk vir 125 ml EDP) is te kry by Edgars, Foschini, Truworths en…

bederfprodukte Luuks

Rooitapyt-vel MET MINDER

Die dae dat die Suid-Koreaanse velsorgroetine – wat tot twaalf stappe bevat! – as goudstandaard gesien is, is vir eers verby. Die laaste paar jaar is daar ’n groot beweging na eenvoudiger velsorg, met vroue wat verkies om net ’n handjievol min-moeite-produkte te gebruik. Dié tendens is skinimalism gedoop – ’n kombinasie van die woorde skin en minimalism – en behels ook dat ’n meer natuurlike voorkoms, imperfeksies en al, die botoon voer. Dit gaan daaroor om jou vel met selfvertroue te omarm, sê Shannon Dougall, stigter van die plaaslike velsorgreeks SKIN functional. “Dis ’n wegbeweeg van skoonheidstrends wat foute wil wegsteek en onrealistiese idees van wat mooi en perfek is.” Nicole Sherwin, stigter van nog ’n plaaslike reeks, Eco Diva Natural, stem saam. “Nie net stel hierdie tendens ’n…

Rooitapyt-vel MET MINDER

3 WENKE SORG VIR GRYS HARE Deesdae dra al hoe meer vroue hul grys hare met trots. En ons is mal daaroor! Ouderdom is immers ’n ingesteldheid en die kleur van jou hare nie ’n weerspieëling van jou jare nie. Grys hare het egter spesiale sorg nodig. Dis gewoonlik growwer van tekstuur omdat die kopvel se natuurlike vervaardiging van olie begin afneem, wat jou hare vinniger bros en droog kan maak. Anita Nesbit, plaaslike bemarkingsbestuurder van die haardroërhandelsmerk Laifen, deel drie wenke vir ’n gesonde grys kroon: 1. Gebruik minstens twee keer ’n week ’n bevogtigende haarmasker. Besoek ook gereeld ’n haarsalon vir ’n professionele bevogtigende haarbehandeling. 2. Kies ’n sulfaatvrye sjampoe, want sulfate is geneig om jou kopvel en hare nog meer uit te droog. 3. Vermy oormatige hitte…

BRASILIAANSE VELREEKS NOU IN SA Vertaal uit Portugees is dié bekroonde reeks se naam “Januarie-son”, die tyd wanneer die son in Brasilië op sy warmste skyn. In die kenmerkende geeloranje verpakking is die Sol de Janeiro-reeks ’n gunsteling onder sterre soos Hailey Bieber, Selena Gomez en Hilary Duff, en met ons soortgelyke klimaat behoort Suid-Afrikaanse gebruikers aanklank te vind by die produkte. Probeer die gewilde Sol de Janeiro Brazilian Bum Bum Cream (R545 vir 75 ml), ’n lyfroom met klapperolie, of die Sol de Janeiro Cheirosa 62 Perfume Mist (R575 vir 90 ml) met die onweerstaanbare geur van pistasieneut, karamel, jasmyn en vanielje. By ARC Min dinge is so frustrerend soos ’n hardnekkige puisie of knoppie. K Phyto-Ceutical Clear Touch Blemish Patches (R168) vorm ’n beskermende lagie op die besmette…

WAAR BOME FLUISTER

Drie jaar lank het Toni en Graeme Twidale hul droomhuis gesoek, totdat hulle op ’n onderverdeelde erf afgekom het. Nie die erf nie, maar die pragtige, gevestigde inheemse bome het veral Toni se hart gesteel. Sy’t besef sy kon nie ’n enkele boom op hierdie erf prysgee nie. Sy wou tussen hulle leef en hulle uit elke venster sien. Die plaaslike argitek Gregory Katz (gregorykatz.co.za), welbekend vir sy kreatiewe, eksperimentele en dikwels onkonvensionele ontwerpe, se hulp is ingeroep: Hy moes die wiskundige legkaart om die huis tussen die bome te laat inpas, kom uitpluis. Die eindresultaat is hierdie twee lang strukture met afwisselende oop ruimtes weerskante en tussenin om plek te maak vir die oprit, binnehof en swembad. ’n Gang van glas wat Gregory die naelstring noem, verbind die twee…

WAAR BOME
FLUISTER

BO TOT ONDER Rooi bakstene, telkens anders gebruik, gee interessante variasie, soos te sien in huis Twidale. In dié badkamer is die mure van bo tot onder met vertikale baksteenteëls bedek. ’n Glasafskorting skei die bad en stort van die res van die badkamer om ’n nat vertrek te skep. Sien koopgids op bl. 141 Die eikehoutbankie wat ook langs ’n eettafel kan inpas, is beskikbaar in lengtes 1,2 m, 1,5 m en 1,8 m (vanaf R7 400), houtlander.co.za Die sagste organiese katoen is gebruik vir die plaaslik geweefde handdoek van 120 x 80 cm (R860), mungo.co.za As plek langs jou bed beperk is, laat installeer die muurlig waarvan die kop en arm s (R2 400), HAUS by Hertex Kies ’n duursame leerbank wat in ’n hoek pas en waarvan…

FOREL EN CROÛTE Vispastei op ’n anderste nuwe manier. genoeg vir 6 ■ 30 ml olyfolie■ 1 ui, fyngekap■ 2 knoffelhuisies, fyngekap■ 600 g-sak gekapte spinasie sout en varsgemaalde swartpeper■ 2 wiele feta, gekrummel■ 2 x 400 g-rolle blaardeeg, ontdooi■ 1 groot forelfilet■ 1 eier, geklits■ 250 g-houer basiliekruidpesto■ 60 ml koue water Verhit olyfolie in middelslagpot. Voeg uie en knoffel by en roerbraai tot uie begin verbruin. Voeg spinasie by en roerbraai tot spinasie sag word. Skep spinasiemengsel uit pot en geur goed met sout en peper. Laat afkoel tot koud. Voeg feta by en meng deur. Verhit oond tot 180 °C. Voer bakplaat met bakpapier uit en plaas een vel blaardeeg op uitgevoerde bakplaat. Skep die helfte van die spinasiemengsel in die vorm van die visfilet op die…

JOU BESTE BAKMAAT Van nostalgiese appelterte tot romerige quiches en hoenderpasteie vol troos – dié tertbak met sy pragtige riffelrand is net wat jy nodig het. Die hoëgehalte-erdewerk waarvan dit gemaak is verseker egalige hitteverspreiding, wat op sy beurt sorg vir ’n goudbruin kors en smelt in-die-mond-lekker vulsel. R949 vir Le Creuset se Heritage-tertbak (23 cm), in kleure soos cerise, meringue, perske en nektar Gee terte en pasteie die perfekte goudbruin glans deur ’n dun laag botter of eierwit egalig met ’n kombuiskwas oor te verf voor dit oond toe gaan. Dié olyfgroen een, deel van die Brabantia Tasty+-reeks, is gemaak van duursame silikoon en maklik om skoon te maak. R169 by @home Of jy deeg knie, room klits of beslag meng hierdie staatmaker is ’n aanwins vir bakkers wêreldwyd.…

JOHNNY DAVIDS 'Ek het nuwe asem'

Johnny Davids is effe onkant betrap. Sy outobiografie, Boytjie, is al drie keer herdruk. Hy is tot middel 2025 vol bespreek vir boekpraatjies en optredes. Sy enkelsnit “Nuwe Naam” is nommer een op Radio Tygerberg. En daar’s nóg planne in die vooruitsig – ’n luisterboek, ’n Engelse vertaling en ’n verhoogproduksie. “Ek is nie ’n skrywer nie, ek het net ’n storie gehad om te vertel. Ek het gedink as ek so 500 boeke verkoop, wel . . . sha-na-na! Maar toe vat dinge skielik vlam,” gesels Johnny op sy innemende manier oor ’n houertjie wegneemkoffie by ’n koffieplek naby sy huis in Edgemead, Kaapstad. ’n Wêreld verwyder van die agtjarige Boytjie van Kleinvlei wat in die bos moes gaan hout haal en hom dan soms verbeel het hy’s die…

JOHNNY DAVIDS 'Ek het nuwe asem'

Die trauma in jou gene

Ons kan groot treë gee om die toekoms te veranderJAWAAHIER PETERSEN “Ons Afrikaners is maar ‘donkerkykers’, ons gaan haal altyd die bobbejaan agter die bult.” En: “Elke Afrikanerfamilie het die depressie-geen.” Só skryf dr. Willem de Klerk in sy boek Afrikaners: Kroes, kras, kordaat (Human & Rousseau, 2000). Ook geen wonder nie, as jy na ons verlede kyk. Dit was traumaties om uit Europa te emigreer en ’n nuwe lewe in Afrika aan te pak. Daar was die Anglo-Boereoorlog, twee wêreldoorloë, die 1930’s se Groot Depressie, verstedeliking . . . Dis natuurlik nie uniek nie. Noem ’n volk onder die ondermaanse met geen smart, trane en wanhoop in hul geskiedenis nie. Tans is dit Gasa en Oekraïne. Môre . . . En nader aan ons eie vel: “Ons manne in…

Die trauma in jou gene

TÉ POSITIEF PASOP! DIT KAN SKADELIK WEES

Jy is jou werk kwyt. Sommerso. Ná twintig jaar. Jy voel hartseer, kwaad, onseker, verraai, teleurgesteld. Maar dan kom sê mense vir jou: “Jy is gelukkig, ten minste het jou man darem ’n werk.” Of: “Bly positief, jy sal daaroor kom.” Of: “Tel jou seëninge, jy het nog soveel om voor dankbaar te wees.” Eintlik wil jy net gaan sit en rou oor die verlies van jou werk, jou identiteit, jou jare lange kollegas wat soos familie was . . . en nou voel jy te skuldig om dit te doen. Kenners noem dit toksiese positiwiteit: Wanneer iemand oormatig positief en optimisties reageer, ongeag hoe pynlik of moeilik ’n situasie is, en in die proses “negatiewe” emosies soos hartseer of teleurstelling wegpraat of afmaak as niks. As jy aan die…

TÉ POSITIEF PASOP! DIT KAN SKADELIK WEES

VAT ’N RUSKANS

PYNE EN SKETE Van hoofpyn en spierspanning tot gereelde verkoues . . . Chroniese stres het ’n effek op jou spiere, immuun- en selfs spysverteringstelsel. Wanneer die liggaam aanmekaar stres moet trotseer, kry die immuunstelsel ’n knou, wat jou vatbaarder vir siektes en beserings maak. Fisieke ongemak is dikwels die liggaam se manier om te sê: “Stadiger.” Ignoreer jy dit, kan dit mettertyd tot erge gesondheidsprobleme lei. Voeg ligte, herstellende oefeninge by jou oefenprogram, soos joga of strek (sien ook bl. 20). Vermy strawwe oefensessies in tye van erge stres, aangesien dit fisieke simptome kan vererger. LUS VIR NIKS Almal voel nou en dan “af”, maar as jy aanmekaar sonder geesdrif is vir dinge wat jy eens graag gedoen het, kan dit op uitbranding dui. Jou passies en stokperdjies is…

Sonde met die mAAg

Eens was dit ondenkbaar om openlik daaroor te praat. Nou is dit ’n probleem wat selfs “mooi mense” kan hê. Op TikTok kry hutsmerke soos #hotgirlshaveibs, #guttok en #ibstiktok saam dermiljoene kyke. In Los Angeles en ander groot Amerikaanse stede beaam groot reklameborde dit: “Hot girls have IBS.” Dié frase verwys bloot na die groeiende aantal jong vroue wat sonder skroom op sosiale media oor hul lewe met prikkelbaredermsindroom (PDS of IBS) gesels en aanlyn ondersteuning by siele in dieselfde bootjie soek. PDS word gekenmerk deur simptome soos opgeblaasdheid, buikpyn, krampe, hardlywigheid en/of diarree. Hoewel dit nie lewensbedreigend is nie, kan dit jou lewe kwaai ontwrig. Jy wys dalk uitnodigings na partytjies en ander sosiale geleenthede van die hand omdat jy bekommerd is jou simptome vlam op. Of vermy fisieke…

Sonde
met die
mAAg

36% Die persentasie mense wat na raming voetseer is, meermale vroue. Hoëhakskoene en skoeisel wat nie goed pas nie, kry dikwels die skuld. Maar skoene met plat sole – soos sommige ballethofskoene en espadrille – is net so sleg vir jou voete. Dit bied nie ondersteuning vir die voetboog nie, wat kan lei tot rug-, heup- en knieprobleme. Sowel as ontsteking van die sagte weefsel aan die voet se onderkant (plantare fassiitis), wat pyn rondom die hak en voetboog kan veroorsaak. (Bron: theconversation.com) BABA OP DIE BREIN “Swangerskapbrein” of “bababrein”. Toekomstige ma’s kla dikwels hulle is vergeetagtig en verstrooid met ’n kop vol watte. En dis nie hul verbeelding nie, volgens een van die eerste gedetailleerde karterings van breinveranderings voor, tydens en ná swangerskap. Wetenskaplikes het skanderings van ’n gesonde…

AFGETREE? NÓÚ WOEL, DROOM ONS LEKKER

Op 65 is ons nie tannies nie met Cross Your Heart-bra’s en step-ins, soos my ouma op dié ouderdom, want vandag is anders as 50 jaar gelede. Mense leef langer. G’n wonder mense sê 60 is die nuwe 40 nie. Maar het werkplekke dié memo gekry? Want dit blyk uit werksbeleid die afsnypunt vir aftrede in Suid-Afrika is steeds om en by ses dekades. Dus: Hoe nader aan jou sestigs, hoe minder raak die sand in die uurglas. Uit gesprekke kom jy agter mense gaan deur ’n warboel van emosies met aftrede. Sommige voel die samelewing stereotipeer mense bo 60 steeds as oud en oor hul produktiewe rakleeftyd. Met verreikende gevolge, waarvan depressie een is. Dié emosies is gekoppel aan omstandighede, hoe gelukkig jy in jou werk was, of jy…

AFGETREE? NÓÚ WOEL, DROOM ONS LEKKER

70% IN SA Ál meer wil ander werk hê

Die dae dat jy dekades lank by dieselfde maatskappy werk en ’n goue horlosie vir getroue diens kry, is vir ewig verby. Volgens syfers van die Harvard Business School is daar sedert 2009 jaarliks ’n toename in werknemers wat groener weivelde soek. Nou is die persentasie die hoogste ooit. En dit lyk of dit plaaslik dieselfde storie is. Die Suid-Afrikaanse Kollege vir Toegepaste Sielkunde (SACAP) het in 2021 berig tot 70 persent van ons wil van werk verander. Kenners voorspel dié tendens sal voortduur. En ’n hoër salaris is nie ál oorweging nie . . . In 2023 het ’n gesamentlike peiling deur LinkedIn en Censuswide getoon die meeste werknemers wat van werk wil verander, is die Gen Z’ers (72%), gevolg deur millenniërs (66%), Gen X’ers (55%) en Baby Boomers…

70% IN SA
Ál meer wil ander werk hê

Die mooie MALEDIVE

Soos die boot deur die turkoois waters van die Indiese Oseaan sny, vul ’n gevoel van opwinding en verwondering die lug. Die souterige seebries, en die ritmiese gesuis van die boot se enjin is in harmonie met die sagte geklots van die golwe. In die verte begin jy die oord sien wat vir jou wink – ’n prentjie in groen, wit en die blouste blou. Hoe nader jy aan die eiland kom, hoe meer slaan die toneel jou asem weg – palmbome teen die helderblou lug en dit lyk asof die bungalows net bo die spieëlgladde water dryf. Dis verstommend hoe soomloos die oord by sy ongerepte omgewing inskakel. Wat ’n aanloklike belofte van die paradys-ervaring wat voorlê! Die poskaartmooi eiland lyk en voel werklik soos ’n toevlugsoord. Die oomblik…

Die mooie MALEDIVE

Die wêreld se wonderwerkers

Die syfers laat jou wonder: Behoort die wêreld eintlik aan die bye, en ons kuier net hier? Boonop toon die nuutste navorsing dat bye intelligente wesens is wat waarskynlik pyn voel, patrone en reuke kan onderskei en onthou, en selfs menslike gesigte herken. Hulle kan doolhowe en ander probleme oplos en eenvoudige gereedskap gebruik. Hulle is selfbewus en beskik hoogs waarskynlik oor ’n primitiewe vorm van bewussyn. Die navorsing sou ons oervoorouers dalk nie verbaas het nie. ANTIEKE HELDE Dwarsdeur die geskiedenis het bye ’n vername rol in beskawings gespeel as noodsaaklike bydraers tot sowel landbou as kultuur. In antieke Egipte is bye as ’n simbool van koninklike gesag en orde beskou, met heuning wat nie net as ’n versoeter gebruik is nie, maar ook as ’n offergawe aan die…

Die wêreld se wonderwerkers

’N MAN WAT SY TYD VOORUIT WAS Anton Rupert: Die lewe van ’n sakelegende is die verhaal van ’n merkwaardige sakereus wat een van Afrika se welvarendste maatskappye uit niks uit opgebou het. Ebbe Dommisse het vir dié biografie sy topverkoper van 2005 bygewerk. V Rupert het vooruitgedink, veral oor die deurslaggewende rol van vroue in die ekonomie. Jou kommentaar? A Hy was inderdaad die vader van die eerste maatskappy onder vrouebeheer in Suid-Afrika: die Eerste Nasionale Tee- en Koffiefabrieke (Entek), wat in die manlik oorheersde sakewêreld van 1955 gestig is. Dit was byna ’n dekade voordat aktiviste soos Germaine Greer met hul veldtog om gelyke regte vir vroue begin het. Entek se eerste voorsitters was Hobbie le Roux van Oudtshoorn en René Morkel van Stellenbosch. Rupert het besef dat…

STERBOEK VAN DIE MAAND GOING DUTCH Obie Oberholzer (X-Cargo, R999) Obie se lewe is ’n mallemeule, “a spinning happy-sad-carousel”, wat gepaardgaan met sy gebondenheid aan sy geboorteland. “Ek woon in ’n land van groot kompleksiteit, van vreugde en hartseer, rykdom en armoede, misdaad en korrupsie, ’n land wat met sy eie identiteit worstel.” Tog bring juis dié onvoorspelbaarheid vir hom ’n soort vryheid . . . om nie te weet wat die toekoms inhou nie. Jare al deurkruis hy Suid-Afrika om die skoonheid van die landskap én die bewoners se oorlewingstryd op kamera vas te lê. In sy sestiende koffietafelboek ondersoek Obie die land se historiese verbintenis met Nederland. Hy reis na nege dorpe in SA met naamgenote in Nederland. Op Alkmaar, Amersfoort, Amsterdam, Dordrecht, Ermelo, Haarlem, Marken, Rotterdam en Utrecht…

SKRYWER SE EIE LEWENSREIS LEI TOT ONTROERENDE VERHAAL

Rozaan vertel dit was ’n lang pad wat sy met haar seun geloop het en steeds loop. “Dit het tyd gevat om by ’n punt te kom en te verstaan oor die hoekoms van die lewe. Toe hy destyds gebore is, het die toetse en tegnologie nie bestaan wat vandag beskikbaar is nie. Ek was nog jonk, 33 jaar, toe hy gebore is. Al die sonars was normaal en niemand het vermoed dat hy ’n chromosoomafwyking het nie. In elk geval kon jy eers op sestien weke ’n amniosentese laat doen en dan was die baba al so ver ontwikkel, sou jy ’n aborsie wou oorweeg. “Kort ná sy geboorte is ek deur die pediater ingelig en dit was die skok van my lewe. Ek was geruk. Ek het hom…

SKRYWER SE EIE LEWENSREIS LEI TOT ONTROERENDE VERHAAL

FFoschini 0861 111 761, bash.com HH&M 0860 690 707, hm.com/zaHAUS by Hertex 021 914 3390, 0860 437 839, hertexhaus.co.za IIncanda 021 863 1965, incanda.co.za KKLûK CGDT 083 377 7780, klukcgdt.com LLovisa 010 143 0780, lovisajewellery.co.za PPoetry 0860 555 529, poetrystores.co.za QQueenspark 086 178 3367, queenspark.com SSissy Boy 021 506 4600, sissyboyjeans.comSuperbalist 087 362 7300, superbalist.com WWoolworths 0860 022 002, woolworths.co.za ZZara 011 302 1500, 021 446 8700, 031 536 6440, zara.com/za…

Is jy orraait, Elizabeth?

Toe Elizabeth vir Philip ná sy eerste twee weke by Huis Hemellig se rooibaksteengebou gaan haal, staan hy gereed, netjies in ’n swart jean en blou hemp. Die hoof het aanbeveel dat hy aan die begin eerder elke tweede naweek huis toe gaan om eers goed aan te pas. Sy skrik. Haar seun se lippe is spierwit en sy oë verwilderd. Hy lyk vreemd en verlate. Haar hart ruk aan flarde. Here, haar seun! Hy storm vorentoe en omhels haar inniglik. Laat nie los nie. Sy greep is so hard en bruusk, sy is bang haar ribbes gaan kraak. Al klouende en amper vallende stap hulle motor toe. Nie een kan praat nie. Haar oë is betraand; sy sukkel om te sien waar hulle loop. Hy het net ’n rugsak…

16 BLAAIE VIR DIE ONTSPAN, DIE PROBEER EN DIE PRET!

blok raaie GROOT BLOKRAAI Oplossing op bl. 158 FOTOBLOKRAAI Oplossing op bl. 158 blits blokraaie BLITSBLOKRAAI 1 Oplossing op bl. 158 DWARS 1 3 9 10 11 12 14 16 19 21 24 25 26 27 AF 1 In groepe deel (8)2 Gramskap (5)4 Krabbetjie (6)5 Botter, bv. (5)6 Spoorwaens rondbeweeg (7)7 Somervrug (4)8 Paar skote (6)13 Asook (8)15 Verset (7)17 Versorg (6)18 Nommer 4 en 5 in rugby (6)20 Sirkel (5)22 Gelykmaak (5)23 Skor (4) BLITSBLOKRAAI 2 Oplossing op bl. 158 DWARS 1 Smekende versoeke (4)3 Oor ’n kort rukkie (8)9 Seën uitspreek (7)10 In jou besit oorbly (5)11 Getal afdrukke van ’n boek (5)12 Telefoniese verbinding (6)14 Ou musiekopname (6)16 Wêreldversaking (6)19 Die wenner se posisie (6)21 Ondertoe daal (5)24 Gramskap (5)25 Aanvaarding (7)26 Verminder (8)27 . .…

16 BLAAIE VIR DIE ONTSPAN, DIE PROBEER EN DIE PRET!

My vriendin verjaar op 1 Januarie en vanjaar het ons haar 84ste verjaardag gevier. Laatmiddag, in die koelte van haar reuseappelkoosboom, sit ons met yskoue gin en tonikum in die hand. Die windstil somerweer van Rondebosch dra by tot die luilekker stemming wat gewoonlik tussen Kersfees en Nuwejaar heers. In hierdie rustige atmosfeer begin ons die jaar vorentoe bespreek – ’n jaar wat groot veranderinge vir ons almal beloof. Joy, die verjaardagmeisie en ’n versinnebeelding van haar naam, maak toe ’n voorstel wat so tipies Joy is. Sy vra vir elkeen om die tafel: “Wat is jou woord vir die jaar?” Haar uitdaging is eenvoudig, maar ferm – elkeen moet hul wens vir 2025 in slegs een woord vasvang. Aanvanklik lyk dit onmoontlik. Hoe som ’n mens jou diepste aspirasies…

In This Issue

Description

Details

Reviews

Recent Digital Issues Browse all

Recent Sarie Digital Issues Browse all back issues

Sarie (Digital) Subscription July 1st, 2024 Issue

Sarie (Digital) Jul/Aug 2024: $3.29

Sarie (Digital) Subscription June 1st, 2024 Issue

Sarie (Digital) Sarie Kreatief - Brei 2024: $3.19

Sarie (Digital) Subscription May 1st, 2024 Issue

Sarie (Digital) May/Jun 2024: $3.19

Sarie (Digital) Subscription March 2nd, 2024 Issue

Sarie (Digital) Sarie Trou 2024: $3.13

Sarie (Digital) Subscription March 1st, 2025 Issue

Sarie (Digital) Mar/Apr 2025: $5.89

Sarie (Digital) Subscription January 1st, 2025 Issue

Sarie (Digital) Jan/Feb 2025: $5.89

Sarie (Digital) Subscription December 1st, 2024 Issue

Sarie (Digital) Sarie Okkasie - Blom vir 75 Jaar: $6.25

Sarie (Digital) Subscription November 1st, 2024 Issue

Sarie (Digital) Nov/Dec 2024: $6.25

Sarie (Digital) Subscription September 1st, 2024 Issue

Sarie (Digital) Sept/Oct 2024: $6.25

Sarie (Digital) Subscription August 1st, 2024 Issue

Sarie (Digital) Sarie Woon/Décor 2024: $3.29

Sarie (Digital) Subscription July 1st, 2024 Issue

Sarie (Digital) Jul/Aug 2024: $3.29

Sarie (Digital) Subscription June 1st, 2024 Issue

Sarie (Digital) Sarie Kreatief - Brei 2024: $3.19

Sarie (Digital) Subscription May 1st, 2024 Issue

Sarie (Digital) May/Jun 2024: $3.19

Sarie (Digital) Subscription March 2nd, 2024 Issue

Sarie (Digital) Sarie Trou 2024: $3.13

Sarie (Digital) Subscription March 1st, 2025 Issue

Sarie (Digital) Mar/Apr 2025: $5.89

Sarie (Digital) Subscription January 1st, 2025 Issue

Sarie (Digital) Jan/Feb 2025: $5.89

Sarie (Digital) Subscription December 1st, 2024 Issue

Sarie (Digital) Sarie Okkasie - Blom vir 75 Jaar: $6.25

Sarie (Digital) Subscription November 1st, 2024 Issue

Sarie (Digital) Nov/Dec 2024: $6.25

Reviews

0

0

0

0

0

No reviews yet

Ask a Question

Click stars to rate

Please select a rating for the review.

Please enter title for the review.

Please enter content for the review.

Please enter order number.

Please enter your first name and last name.

Only letters allowed for first name and last name.

Please enter your email.

Upload photo

Cancel Submit

Processing...

Thank you for your feedback! Your review has been submitted and will be published soon.

OK

Be the first to ask a question about this product

Please enter content for the question.

Please enter at least 10 characters.

Your question can not be more than 150 characters.

Please enter your first name and last name.

Only letters allowed for first name and last name.

Please enter your email.

Submit Processing...

Thank you for your question! Your question has been submitted and will be published soon.

Answer this question

Please enter content for the answer.

Please enter at least 10 characters.

Please enter your first name and last name.

Only letters allowed for first name and last name.

Please enter your email.

Submit Cancel Processing...

Thank you for your answer! Your answer has been submitted and will be published soon.

OK

×