Magzter Gold (Sitewide Promotion)

Magzter Gold (Sitewide Promotion)

Digital Delivery

Die Tuinier Tydskrif March 1st, 2022 Digital Back Issue Cover

Die Tuinier Tydskrif March 2022 (Digital)

(0)

Single Digital Issue

March 2022

$2.07

Powered By Zinio

Zinio

Satisfaction Guaranteed

Instant Start

Subscribe Instead

1 Year Subscription

12 digital issues

$16.38

($1.37/issue)

Go to Subscription

View Subscription Options

29 Articles

Die weerpatrone is deurmekaar: Dis asof die dolosse gegooi is en niemand presies kan uitmaak wat dit se nie, so die beste is om glad geen verwagting te he nie! Vra net vir die pret drie mense om op hul gunstelingweertoep na more se weer te kyk – ek waarborg dat al drie oor alles sal verskil behalwe die datum! En namate ons versigtig in die maand van verandering ingaan, kan ek maar net wonder wat vir ons tuiniers en ons paradyslappies voorle. El Nino, La Nina – watter een ons ook al nou beinvloed – die weer is gek en onvoorspelbaar. Kort gelede het ek die naweek deurgebring op die warmste plek op aarde – die Wes-Kaap. Steeds stygende temperature in die hoe 40’s was eenvoudig te verskriklik om net te beskryf.…

Plant regte drama!

Echeveria ‘Black Prince’ Hierdie echeveria is ŉ hibried van E. shaviana en E. affinis, en is sowaar ŉ treffer met ‘n besonderse loofkleur. Dit groei stadig, vorm ŉ digte roset van blink, gladde sjokoladebruin blare met skerp punte en is 25 cm oorkruis en 15 cm hoog. As jy diep in die middel van die roset inkyk, sal jy smaraggroen tinte daar sien. Kry hierdie plant nie genoeg sonlig nie, word dit groen met ŉ sweempie swart, maar as dit in genoeg son gekweek word, verdiep die blaarkleur tot amper swart. Buigende skerms skarlakenrooi blomme verskyn laatherfs en in die winter. Dit is ŉ pragplant vir ŉ pot en sal mettertyd sylote maak wat van die moederplant afgesny kan word vir voortplanting. Die ander manier om voorraad te vermeerder is deur blaarsteggies. Agave…

Plant regte drama!

Grootte: 0,5 ha Bedford, die klein dorpie in die Oos-Kaap waarheen ons een maal per jaar reis, is bekend vir sy welige plaastuine, selfs tydens die voortdurende droogte. Ek het tydens ŉ onlangse besoek ŉ weggesteekte juweel ontdek wat in die buitewyke van die dorp aan die voet van die Kaggaberg geleë is. Nadat ek Janine en Bruce ŉ paar jaar gelede ontmoet en toe hul tuin gesien het, was ek verstom om te sien hoe dit in so ŉ kort tydjie so ŉ volslae verandering ondergaan het. Ja, ons het oor tuinontwerp en die belangrikheid van plantinhoud, die skep van kamers, kontrasterende loof en hoogte gepraat, maar ŉ tuin kan dit alles hê en jou na ŉ besoek steeds leeg laat voel. Wel, nie dié een nie! Die liefde wat Janine met…

Die Grondbeginsels van Biofiliese Ontwerp

Biofilie beskryfons inherente verbintenis met die natuur. Dit is nie toevallig nie dat dit ŉ gevoel van kalmte en rustigheid gee om in die natuur te wees en op ons plaaslike omgewings te reageer, soos tuiniers dikwels doen. Die mens het deur die geskiedenis in permanente wisselwerking met die sigbare wêreld geleef. Namate die oprigting van stede wêreldwyd in die 20ste eeu voorrang geniet het, is dié wisselwerking algaande afgesny, wat ŉ uitwerking op mense se gesondheid en welsyn gehad het. Biofiliese ontwerp, ŉ beginsel wat deur argitekte en bouers oor die wêreld heen gebruik word, probeer die bou van stedelike gebiede in lyn bring met ons ingebore verlange en behoefte om in die natuur te wees. Die term is slegs onlangs ingevoer, maar die konsep self het baie beginsels…

Die Grondbeginsels van Biofiliese Ontwerp

’n Veerkragtige roostuin

Soos alle ander sektore in die tuinbedryf het rooskwekers hulle vir ŉ gifvrye tuin beywer, en dit lyk of die oomblik aangebreek het. Dit het in 2009 begin met die bekendstelling van siektebestande rose PLANT FEATURE soos die Eco-Chic-reeks, en meer onlangs die Stamina-rose, wat deur Ludwig’s Roses A poison-free rose garden as sterk groeiers met sterk wortels en taai blare geselekteer is om veranderlike weer TEXT Alice Spenser-Higgs sowel as siekte te oorleef. Plae was egter nog maar altyd ŉ Like all other sectors in the garden probleem, veral dié soos blaaspootjies wat blomme beskadig en nuwe groei misvorm, en rooispinmyt wat ŉ roos kan ontblaar as dit onbeteueld gelaat word, wat dit vir It started with the introduction of terugsterwing vatbaar maak. Halmar Taschner het in ŉ soeke na plaasvervangers met…

’n Veerkragtige roostuin

Kleurryke bukse

Verwagtings loop altyd hoog vir plante wat in ŉ klein tuintjie met beperkte ruimte en verskillende sonpatrone groei. ŉ Mens kan dit nie bekostig om die verkeerde plante te kies nie tensy jy die energie en hulpbronne het om herhaaldelik weer te plant… Die oplossing is in die koffiefamilie te vinde en meer bepaald by dwerg-coprosma-hibriede wat uit Coprosma repens (spieëlplant) geteel is. Benewens hul blink kleurryke bont blare wat in die koel seisoene intensiveer, hou ons van hierdie plante omdat hulle so maklik is om te kweek, heeljaar mooi lyk, by baie klimate (buiten die koudste en dié met baie ryp) aanpasbaar is, uiters bestand teen plae en siektes is en lyk of niks hulle ooit vreet of lastig val nie. Nog ŉ bonus is dat hulle bitter min water…

Kleurryke bukse

Dis kief om kos te kweek! S

o, dit wil voorkom of een van die positiewe byvoordele van Covid is dat meer onder 35 hul eie groente kweek, en besef dis ŉ uitstekende manier om van stres ontslae te raak. Die Garden Media Group, wat dikwels in die kol is met die raaksien van neigings, haal ŉ navorsingstudie in die Verenigde State van Amerika aan wat toon dat agt uit elke 10 jong mense dink tuinmaak is kief, en eerder na ŉ tuinsentrum as na ŉ nagklub toe sal gaan. As in ag geneem word dat nagklubs superverspreidingsplekke is terwyl tuinsentrums vars lug en ruimte bied, maak dit sin! Aan ons eie volgende geslag tuiniers: Moenie dat min of geen tuinmaakervaring jou keer om aan die gang te kom nie. YouTube is uitstekend om wenke te kry, maar die…

Dis kief om kos te kweek! S

Uit Liefde vir Lobelias

Wat is daar aan die lobelia om nie van te hou nie? Dis ŉ moeitevrye en uitsonderlik lonende klein plantjie, en as jy op soek is na blomkrag, is lobelia net die regte plant. Dit verleen die finale afronding aan enige plantskema. Lobelias se rankgroeiwyse maak daarvan ŉ besonder goeie vullerplant vir hangmandjies en potte. In blombeddings skep dit ŉ pragtige sagte rand. As lobelias in ŉ massa geplant is, tref dit sterk. Hoewel die kleure oorwegend blou is – pers, middernagblou, middelblou en hemelblou – sal jy ook roos, lila, pienk en wit op die beskikbare palet vind. Sommige is effe kleure, maar die meeste het ŉ klein wit ogie, wat ŉ lieflike kontras met die donkerder kleure vorm. Die loofkleur wissel van donkerbrons tot heldergroen na gelang van die variëteit. Plant…

Uit Liefde vir Lobelias

Blomme sonder ophou

Of jy hulle nou Dipladenia of Mandevilla noem, maak nie werklik saak nie – wat wel saak maak, is die ‘sanderi’-deel van die naam. Dit is die stukkie wat jy moet onthou omdat dit op plante dui wat soos masjiene blom en wat jou roep om potte en hangmandjies te vul met al die nuutste variëteite wat jy kan vind. Blomkleure sluit in wit, lila, verskillende pienke en helder tot dieprooie. Nog ŉ feit wat goed is om te weet, is dat hulle verrassend min water verlang, en dat hul helder blomme nie deur die son verbleik word nie. Groei hulle oral? Mandevillas verdra ligte ryp in gematigde klimaatstreke, maar ŉ beter plan is om hulle êrens met beskutting te plant en om potplante in die winter met rypdoek te bedek. Hulle hou…

Blomme sonder ophou

As jy dié tyd van die jaar deur die Kaapse platteland reis, sien jy talle pragtige dames wat vir jou waai in die enorme ou dorpstuine. Hulle is die inheemse Amaryllis belladonna, wat ook as die Maartlelie of belladonna bekend staan, en wanneer jy die blomstingels van dié bol uit die kaal grond sien verskyn, weet dat hulle vir jou die teken gee dat die somer in die Wes-Kaap ten einde loop. Groot trosse van tot 12 trompet-vormige pienk blomme met ŉ sagte geur word aan skraal stingels van tot 50 cm hoog gedra. Hierdie blomme met hul prominente gekromde helmknoppe wys altyd in die rigting met die meeste son. Lintvormige blare verskyn na blom, bly heelwinter groen en sterf dan terug in die somer wanneer die bolle rustend raak. Maartlelies verkies…

Verdikking van die bas – ander metodes

In my vorige artikel het ek twee redelik gewone metodes behandel om die onderstam van ŉ bonsai te verdik. Die Uitgroeimetode behels die afkeer van die voedingstowwe na óf die kante óf die kroondak van ŉ boom deur oordeelkundige snoei. Die Offertakmetode vereis dat die kweker bykomende takke laat groei op plekke wat verdik moet word en daarna verwyder, wat klein letsels laat wat hopelik redelik vinnig toegroei. Hier volg nog ŉ paar metodes waarvan sommige met groot sorg uitgevoer moet word: Daar moet op gewys word dat die eenvoudigste manier om enige bonsai of potensai (ŉ bonsai wat opgelei word) groter te maak, is om dit in die grond of in ŉ baie groot pot te plant. Hoe meer plek daar vir die wortels is om te ontwikkel, hoe sterker sal…

Verdikking van die bas – ander metodes

Maak fuchsia-steggies

Jy het nodig ŉ Fuchsia-plant Growwe riviersand Palmveen ŉ Voortplantingspot Steekpenne ŉ Plastieksak ŉ Snoeiskêr Stappe 1. Sny jong groeipunte van 5 cm tot 10 cm lank van ŉ gesonde fuchsia-plant af. 2. Berei ŉ grondmengsel van gelyke dele growwe riviersand en palmveen en maak ŉ pot vol. 3. Sny die onderste blare van die steggie af en sny die stingel onder effens korter. 4. Doop die steggie in water en dan in bewortelingshormoonpoeier. 5. Maak ŉ gat met ŉ steekpen of potlood in die pot, steek die steggie in en druk die grond vas. Lugholtes om die steggie is ongewens. 6. Sny groter blare in die helfte deur om waterstres te verminder. 7. Maak goed nat. 8. Steek drie houtpenne in, bedek met ŉ plastieksak om ŉ tent en ekostelsel te vorm. Bring die plantnaam en datum aan. Hou op…

Maak fuchsia-steggies

Donsige beerpootjies

Cotyledon is ŉ klein genus van sowat12 spesies wat tot die Crassulaceae-familie behoort. Hulle word oor die algemeen varkoorplakkies genoem en word in Suid-Afrika aangetref met sommige spesies wat tot in Eswatini, Mosambiek, Zimbabwe en Namibië strek. Die plante word gekenmerk deur afwisselend gepaarde blare al met die lengte van die stingel langs en geel tot oranje en rooi buisblomme – ŉ fees vir die suikerbekkies. Hierdie oulike Cotyledon tomentosa, met donsagtige blare wat as beerpootjies bekend staan, is ŉ spesie wat in die Oos-en Wes-Kaap van Suid-Afrika bekend is. Anders as die ander uiters sukkulentstammige spesies groei Cotyledon tomentosa betreklik stadig en het dun, houterige stingels. Die spesienaam is afgelei van die Latynse woord“tomentosus” wat“met hare bedek” beteken, ŉ beskrywende naam vir die sagte donsige blaartekstuur van hierdie spesie, wat…

Donsige beerpootjies

HOE OM Jou plante te bemes

Blaarvoeding Blaarvoeding beteken om ŉ wateroplosbare misstof met ŉ spuitbottel of rugsakspuit direk op die plantblare toe te dien. Die beste tyd om bemesting volgens dié metode toe te dien is vroeg-tot midoggend of laatnamiddag op ŉ windlose dag omdat die opname deur die plant se huidmondjies (openinkies in die epidermis van blare en stingels) plaasvind. Blaarvoedsel of wateroplosbare misstowwe is ryk aan spoorelemente wat help om sterk selstrukture in plante te ontwikkel, wat op sy beurt plante help om teen plae bestand te wees. Die meeste wateroplosbare misstowwe het ŉ seewiermengsel as basis. Hoe om dit toe te dien: Meng die misstof in water volgens die aanwysings op die verpakking. Spuit egalig op die plant asook onder die blare en op die stingels. Plante wat sal baat vind: Jong saailinge, groente Deurweking of…

HOE OM Jou plante te bemes

Vurige rooihartjie

Een van die wydverspreidste inheemse heide of erikas is Erica cerinthoides wat algemeen as die klipheide of rooihartjie bekend staan. Die feit dat dit so taai en moeitevry is, maak dit vir tuiniers oral in die land moontlik om dit óf in die tuin óf in ŉ pot te plant. In die natuur kan dit ŉ veelvormige spesie wees vanweë sy veelsoortige natuurlike habitats, maar moenie bekommerd wees nie omdat kommersieel gekweekte posbusrooi klipheide wat by tuinsentrums oor die land te kry is, almal dieselfde lyk en ŉ lang tyd in die tuin sal oorleef. Kweeknotas • Plant dit in goed dreinerende suur grond in volson.• Hoewel dit deel van die fynbosfamilie is wat nie misstowwe verdra nie, sal die ligte toediening van ŉ organiese misstof met ŉ seewierbasis nie skadelik wees nie.•…

Vurige rooihartjie

By-en skoenlapperbos

Jy kan op Buddleja saligna staatmaak om bye, skoenlappers en besies na die tuin te lok, en met al dié insekaktiwiteit sal ŉ menigte insekvretende voëls ook kom. Die boom, wat vanweë sy lang olyfagtige blare algemeen as die witolienhout bekend staan, vorm ŉ struik, of selfs ŉ klein boompie van tot 8 m hoog. Dit maak gewoonlik ŉ bos van 4 m by 3 m wat verder gesnoei kan word om dit klein te hou, of formeel gesnoei kan word om ŉ heining te vorm. Die struik is van Oktober tot April vol trosse piepklein, geurige roomkleurige blommetjies wat nektarryk is vir al dié honger insekte. Plant dié geharde en droogtebestande immergroen boom in volson as windskerm. Werk volop kompos in enige grondsoort in vir die beste resultate. Vetplante binnenshuis Vetplante hou…

By-en skoenlapperbos

Wat om nou te snoei

Met die lang somermaande wat stadigaan in koeler en kalm herfsdae oorgaan, is dit tyd om jou tuin in oënskou te neem met jou snoeigereedskap byderhand. Nou is die tyd om te kyk wat netjies gemaak, gevorm, ingekort of aangemoedig moet word om nog ŉ blommedrag te gee omdat die meeste plante sterk gegroei het en bolangs gesnoei of skoongesny moet word. Snoei die immergroenes – dit beteken om vormplante en formele immergroen heinings reg te knip. Deur plante met ŉ formele vorm toe te laat om dit te verloor, ontneem hulle van hul kwaliteit en verlangde digtheid. Deur hierdie taak af te skeep en dan drasties te probeer regstel, verydel die doel van die oefening. Versorg die beskadigdes – hael-en somerstormskade veroorsaak geskeurde en gebreekte takke, wat tot siekte kan lei.…

Wat om nou te snoei

‘Golden Penny’ is ŉ blomryke en ongelooflik gesonde roos wat“goue pennies” in die vorm van mooi gevormde kopergoudkleurige blomme dra. Hierdie landskapsroos word tot heuphoogte en vertoon die beste as drie of meer saamgeplant word. Dit is ook ŉ goeie plukroos, en ŉ bak van dié goudkleurige blomme sal die huis opvrolik en ophelder. Roostake vir Maart • Maak minstens weekliks diep nat.• Hou aan met die verwydering van ou blomme om nuwes aan te moedig.• Swaarder dou soggens kan tot swartvlek lei. Spuit voorkomend met Chronos wat met Ludwig’s Insect Spray gemeng is of gebruik Rose Protector. Wissel die twee behandelings af.• Bemes einde Maart met Vigorosa.• As jy verrimpelde blare en misvormde blomknoppe opmerk wat deur blaaspootjiebesmetting veroorsaak word, spuit met Plant Care of deurweek met Koinor. Dit sal ook…

Sny-, pitlose en piekelkomkommers

lant een komkommersaad in die lente of somer, en na sowat 50 tot 90 dae kan jy van die rankplant begin oes. Hierdie verfrissende, koel, bros groente (wat botanies as bessie geklassifiseer word) word vars in slaaie, geskil en gesny vir komkommertoebroodjies, of gerasper saam met ander bestanddele gebruik om die geurigheid van kerries in ŉ raita te versag. Dit maak in tzatziki ook die perfekte metgesel vir geroosterde lamsvleis uit. Ook is daar diegene wat heeltemal op komkommersnye staatmaak om sakke onder die oë te verminder en die vel te rehidreer, hoewel dit waarskynlik as gevolg van sy 95%-waterinhoud eerder as enige wonderbestanddeel is. Die verskillende soorte Ons weet almal dat die beste manier om komkommers te preserveer is om hulle te piekel en agurkies, of as jy windmaker wil wees,…

Sny-, pitlose en piekelkomkommers

Saaigids vir Maart

Hoëveld en KwaZulu-Natalse Middellande Beet, blaarslaai, blomkool, Chinese kool, koolraap, preie, radyse, rape, spinasie en snybeet, uie, witwortels en wortels Middelveld (Pretoria en ander gebiede met minder ryp) Beet, blaarslaai, blomkool, Chinese kool, kool, koolraap, preie, radyse, rape, seldery, spinasie en snybeet, uie, witwortels en wortels Oos-Kaap en Klein-Karoo Blaarslaai, blomkool, Chinese kool, kool, koolraap, preie, radyse, rape, seldery, snybeet, uie, witwortels en wortels Wes-Kaap (en Suid-Kaapse kus) Beet, blaarslaai, blomkool, Chinese kool, kool, koolraap, preie, radyse, rape, seldery, spinasie en snybeet, witwortels en wortels Noord-Kaap en Groot-Karoo Beet, blaarslaai, Chinese kool, koolraap, radyse, rape, snybeet, spinasie, uie, witwortels en wortels Laeveld en KwaZulu-Natalse kus Beet, blaarslaai, blomkool, bos-en rankskorsies, eiervrugte, groenertjies, komkommer, kool, koolraap, pampoen en Hubbard-pampoen, preie, rabarber, radyse, rankbone, rape, seldery, soeten brandrissies, spinasie en snybeet, stambone, tamaties, uie, witwortels en wortels…

Saaigids vir Maart

Hoe om rape in houers te kweek

Net soos kool en broccoli behoort rape tot die geslag Brassica, maar word nie so groot of neem nie soveel ruimte in beslag nie, wat dit maklik maak om in houers te kweek. Dit is vinniger oesgereed as ander koolgewasse, en die lowwe sowel as die wortel is eetbaar. Eet rape rou (gekerf of gekap), gerooster, gestoom, gekook en fyngemaak soos aartappels, of voeg dit by soppe en stowegeregte. Hoe jonger rape is, hoe soeter is die geur. Berei die lowwe soos spinasie voor. Vir houergekweekte rape het jy nodig: • ŉ diep bak (minstens 30 cm diep), ŉ kweeksak of pot van tussen 30 cm en 60 cm diep met dreineergate; en• gehaltepotgrond, of jou eie mengsel van een deel kompos, een deel veen/klapperveen, een deel perliet en ŉ stadig vrystellende misstof. Saai: •…

Hoe om rape in houers te kweek

Oreganum is ŉ pikante, geurige kruid vir stadig gekookte winterfeeste, wat beteken jy moet dit nou aan die gang kry vir ŉ goeie voorraad blare vanaf Junie. Gelukkig is dit rypgehard. Wyn, tamaties, knoffel en ui is bestanddele wat goed met origanum saamgaan, veral as lam-of beessnitte stadig gaargemaak word. Dis ŉ geurkombinasie wat aan Italiaanse en Griekse kookkuns herinner. Hoenderliefhebbers kan dit met suurlemoensap, olyfolie en knoffel rooster, en oreganum, roosmaryn en ŉ knippie rooipeper vir ekstra geur byvoeg. Vars of gedroog? Interessant genoeg droog oreganum uiters goed en het ŉ sterker geur as die vars blare. Hoekom nie ŉ deel van jou oes droog en met growwe seesout of Himalaja-sout meng nie? Dit verleen hope geur as dit oor roostergroente gemaal word. Droog takkies sowat drie weke op papier in ŉ koel kamer…

Blomme van die wind

Eriocapitella hupehensis (sinoniem: Anemone hupehensis) en ander spesies en hibriede word op groot skaal in Japan geteel en gekweek, hoewel dié plante inheems in China is. Dis ŉ genus in die ranonkelfamilie (Ranunculaceae), en is ook algemeen bekend as windblomme. Hierdie langblywende meerjariges kan gou groot kolonies maak met ŉ polvormende groeiwyse wat deur ondergrondse wortelstokke versprei word. Hul blomtyd is laatsomer en veral in die herfs, met blomme meestal in skakerings van pienk, lila en spierwit, na gelang van die variëteit. Die delikate blomme aan lang, dun stingels is goeie snyblomme waarvan die skoenlappers ook hou. Die beste plek om windblomme te plant, is in ŉ kol met oggendson en namiddagskadu, soos aan die suidekant van die huis. Hulle groei ook in volson, maar het dan meer water nodig omdat hulle…

Blomme van die wind

MAART se doenlys

Saai dié nou op die plek in goed voorbereide grond: Kaliforniese papawers, Shirley-papawers, nemesias, heuningblomme, vergeet-my-nietjies, Engelse madeliefies, gousblomme, koringblomme, skeefblomme, Namakwalandse madeliefies, bokbaaivygies en weeskindertjies. Moenie toelaat dat sitrusbome uitdroog nie – hulle het vog nodig terwyl die vrugte swel. Dun van die vrugte uit as die drag te swaar lyk en die takke begin buig. Begin behandel konifere voorkomend teen Italiaanse sipresluis met ŉ sistemiese insekdoder soos Koinor. Maak ŉ paar laaste steggies van rypgevoelige plante soos plectranthus, begonias en coleus. Hou hulle goed beskut in die winter. Hou aan om tradisionele“somersaailinge” soos dianthus en petunias te plant omdat hulle ook heelwinter kleur sal gee. Verdeel daglelies sodra hul hoofsomerblommedrag verby is. Haal die plante met ŉ tuinvurk uit en verdeel dit in afsonderlike stukke. Sny die loof terug sodat elke plant ongeveer…

MAART se doenlys

Voëls van Eenderse Vere

ns tuine is die uiteindelike toevlugsoord vir plaaslike voëllewe. Of hulle nou ŉ tuiste in ŉ boom vind of aan bessies vreet voor hulle die pad vat, kan jou tuinontwerp en-inhoud van groot hulp raak vir hierdie noodsaaklike tuinvriende vir wie dit al moeiliker is om tuistes te vind namate stadsruimtes uitbrei. En daar is geen beter manier om voëls na die tuin te lok, en daar te hou, as met ŉ voëlvoerder nie. Met soveel voordele vir jou tuin, vir jou en die voëls self is dit nie moeilik om in te sien hoekom elke tuin minstens een voëlvoerder moet hê nie. Plaagbeheer Plae versuur elke tuinier se lewe. Plantluise, slakke, ruspes en ŉ verskeidenheid ander insekte verwoes jou plante – veral in die groentetuin. Dit is te begrype dat jy…

Voëls van Eenderse Vere

Vir die voëls!

Terracotta-neskas ’n Pot en ’n paar stukke afvalhout is al wat jy nodig het vir dié koel neskas. Stappe 1. Trek ŉ 160 mm-en ŉ 90 mm-sirkel op die hout en sny dit met die figuursaag uit. 2. Boor ŉ 8 mm-gat in die middel van die 90 mm-skyf. 3. Boor ŉ 35 mm-gat uitmiddelpuntig in die 160 mm-skyf. 4. Boor ŉ 12 mm-gat onder die 35 mm-gat en druk die stuk tappen daarin. Gom dit vas as dit ŉ bietjie los sit. 5. Sit die 90 mm-skyf onderin die pot. Glip ŉ waster op die bout en druk dan die bout deur die gat in die hout en deur die dreineergat van die pot. 6. Boor ŉ gat in die muur waar jy die neskas wil aanbring. (Jy kan dit ook teen ŉ boom aanbring.) 7. Bout die…

ŉ Moderne neskas

Gereedskap: Versteksaag/figuursaag/tafelsaag, boor en 35 mmsilindersaag/Forstnerboorpunt, hamer, verfkwas, skuurder met 180-grint-skuurpapier, doek, maatband en potlood. JY HET NODIG 1 stuk hout van 1,2 m x 160 mm x22 mm soos volg gesny:2 x 250 mm/150 mm x 160 mm (agter-en voorkant)1 x 250 mm x 100 mm, met die een sy ŉ hoek van 30° (sykant)1 x 140 mm x 100 mm (onderkant)1 x 190 mm x 160 mm, met die een sy ŉ hoek van 30° (dak aan die sykant)1 x 255 mm x 160 mm, met die een sy ŉ hoek van 30° (dak bo) Woodoc Water-Borne MARINE Woodoc Colours Brights Green Houtgom 38 mm-paneelspykers Brandspiritus Sleutelgatgleufhanger en skroewe Stappe 1. Sny die hout volgens die verlangde afmetings. Die voor-en agterkant is 160 mm wyd, met een lang sy (250 mm) en een…

ŉ Moderne neskas

Milder Maartweer isideaal om koolgewasse te saai/plant wat van koel weer hou-blaarsoorte soos kool na nuwemaan en blomsoorte soos blomkool naeerste kwartie r. Die oesmaan, die naaste volmaan aan nagewening, isdie merker vir die laaste druiweoes, let dus op "oesdae" tussen nuwe-en volmaan om vet, sappige produkte te pluk. "Oes"dae na volmaan isbeter om produkte te b~re, te droog of te preserveer, en afgeleefdejaarplante op te ruim. Opruiming in die laastekwartierfase is makliker en vi nniger en ook suksesvol op grondvoorbereidi ngsdae is. Deur Ilona Thorndike BESTE DAE VIR MAART…

Julle tyd is verby!

Dit was‘n Suid-Afrikaner genaamd Calie Esterhuyse wat die raserige en uiters mededingende algemene kennis bordspeletjie ontwikkel het wat altyd uitgepluk word na ‘n dop of twee te veel op die stoep, of wanneer die kuiermense begin verveeld raak met net gesels of Monopoly. Dié bordspel verdeel gewoonlik almal teenwoordig, in pare wat óf in ‘n romantiese verhouding is, mekaar net verduur, sibbe van mekaar is, of lewenslange beste vriende is. Twee vreemdelinge saam, (tensy hulle uiters intelligent is of baie van alles af weet), staan nie juis ‘n kans teen pare wat mekaar se lyftaal, knorrige en dreigende eienskappe ken nie, of teen die wat al baie ervarings saam beleef het nie. Die radio omroeper Darren “Whackhead” Simpson van Kfm 94.5 het inderdaad gereken dat hierdie bordspel “naas ontrouheid, die grootste…

Julle tyd is verby!

In This Issue

Description

Details

Reviews

Recent Digital Issues Browse all

Recent Die Tuinier Tydskrif Digital Issues Browse all back issues

Die Tuinier Tydskrif (Digital) Subscription July 1st, 2024 Issue

Die Tuinier Tydskrif (Digital) July/August 2024: $2.07

Die Tuinier Tydskrif (Digital) Subscription May 1st, 2024 Issue

Die Tuinier Tydskrif (Digital) May/June 2024: $2.07

Die Tuinier Tydskrif (Digital) Subscription April 1st, 2024 Issue

Die Tuinier Tydskrif (Digital) April 2024: $2.07

Die Tuinier Tydskrif (Digital) Subscription March 1st, 2024 Issue

Die Tuinier Tydskrif (Digital) March 2024: $2.07

Die Tuinier Tydskrif (Digital) Subscription March 1st, 2025 Issue

Die Tuinier Tydskrif (Digital) March/April 2025: $1.98

Die Tuinier Tydskrif (Digital) Subscription January 1st, 2025 Issue

Die Tuinier Tydskrif (Digital) January/February 2025: $1.98

Die Tuinier Tydskrif (Digital) Subscription December 1st, 2024 Issue

Die Tuinier Tydskrif (Digital) December 2024: $2.05

Die Tuinier Tydskrif (Digital) Subscription November 1st, 2024 Issue

Die Tuinier Tydskrif (Digital) November 2024: $2.10

Die Tuinier Tydskrif (Digital) Subscription October 1st, 2024 Issue

Die Tuinier Tydskrif (Digital) October 2024: $2.14

Die Tuinier Tydskrif (Digital) Subscription September 1st, 2024 Issue

Die Tuinier Tydskrif (Digital) September 2024: $2.07

Die Tuinier Tydskrif (Digital) Subscription July 1st, 2024 Issue

Die Tuinier Tydskrif (Digital) July/August 2024: $2.07

Die Tuinier Tydskrif (Digital) Subscription May 1st, 2024 Issue

Die Tuinier Tydskrif (Digital) May/June 2024: $2.07

Die Tuinier Tydskrif (Digital) Subscription April 1st, 2024 Issue

Die Tuinier Tydskrif (Digital) April 2024: $2.07

Die Tuinier Tydskrif (Digital) Subscription March 1st, 2024 Issue

Die Tuinier Tydskrif (Digital) March 2024: $2.07

Die Tuinier Tydskrif (Digital) Subscription March 1st, 2025 Issue

Die Tuinier Tydskrif (Digital) March/April 2025: $1.98

Die Tuinier Tydskrif (Digital) Subscription January 1st, 2025 Issue

Die Tuinier Tydskrif (Digital) January/February 2025: $1.98

Die Tuinier Tydskrif (Digital) Subscription December 1st, 2024 Issue

Die Tuinier Tydskrif (Digital) December 2024: $2.05

Die Tuinier Tydskrif (Digital) Subscription November 1st, 2024 Issue

Die Tuinier Tydskrif (Digital) November 2024: $2.10

Customers Also Viewed

Die Tuinier Tydskrif Magazine (Digital) Subscription March 1st, 2025 Issue

Die Tuinier Tydskrif Magazine (Digital)

12 Issues: $16.38 ~~$24.24~~

Reviews

0

0

0

0

0

No reviews yet

Ask a Question

Click stars to rate

Please select a rating for the review.

Please enter title for the review.

Please enter content for the review.

Please enter order number.

Please enter your first name and last name.

Only letters allowed for first name and last name.

Please enter your email.

Upload photo

Cancel Submit

Processing...

Thank you for your feedback! Your review has been submitted and will be published soon.

OK

Be the first to ask a question about this product

Please enter content for the question.

Please enter at least 10 characters.

Your question can not be more than 150 characters.

Please enter your first name and last name.

Only letters allowed for first name and last name.

Please enter your email.

Submit Processing...

Thank you for your question! Your question has been submitted and will be published soon.

Answer this question

Please enter content for the answer.

Please enter at least 10 characters.

Please enter your first name and last name.

Only letters allowed for first name and last name.

Please enter your email.

Submit Cancel Processing...

Thank you for your answer! Your answer has been submitted and will be published soon.

OK

×