Digital Delivery

Lééf December 1st, 2016 Digital Back Issue Cover

Lééf December 2016 (Digital)

(Write a Review)

Single Digital Issue

December 2016

$2.29

Powered By Zinio

Zinio

Satisfaction Guaranteed

Instant Start

Also available on ZINIO Unlimited logo

Get unlimited access to Lééf (Digital) + Back Issues & 5000+ other magazines

1-month free trial

Renews at $8.99/month after trial.
Cancel anytime.

Get unlimited access to Lééf (Digital) + Back Issues & 5000+ other magazines. Renews at just $8.99/month after trial. Cancel anytime.

Start Trial Learn more

38 Articles

“Moenie bang wees nie!” het hy gesê. “Ek bring vir julle goeie nuus wat groot blydskap vir almal inhou! Die Verlosser – ja, die Messias, die Here – is vannag in Betlehem, die tuisdorp van Dawid, gebore!” (Lukas 2:10-11) Ná ’n paar dae se lekker buie somerreën, is die stad skoongewas en is die tuin weer in lieflike skakerings van groen getooi. Vir die eerste keer in weke voel ek hoe ek vry asemhaal en ’n groot stuk hoop weer in my hart begin posvat. Die Kerstyd is op ons. Ter voorbereiding op die Kaapse span se besoek aan Johannesburg, word die groot kartondose met Kersversierings van die boonste rak in die waskamer gehaal en uitgepak. Van die versierings is al jare oud, maar vir my steeds bekoorlik. Daar’s geverfde…

sit jou hart op papier

Wenbrief! Die krag van musiek Ek besit ’n musieksentrum op Bothaville en is tans 13 weke swanger. Wat ’n voorreg om my baba elke dag die beste stimulasie te kan gee terwyl ek werk. Liedere – van Bach, Beethoven en Chopin tot Die eensame herder van James Last en moderne musiek soos David Foster se komposisie St Elmo’s fire – sorg dat ek en my baba rustigheid het oor die lewe. Omdat musiek jou gemoedstoestand kan verander, is dit maklik om elke dag in ’n vrolike stemming te leef en die mooi in die lewe te sien en hoor. Gebruik musiek, dit is daar vir ons, want selfs al bespeel jy nie self ’n instrument nie, het ons die tegnologie tot ons beskikking. Laat ons dus God se Naam loof…

sit jou hart op papier

A an die einde van ’n jaar erken baie mense hulle het nou eers genoeg gehad. Jy hét probeer keer, maar jou voete begin sleep. Sat geloop oor die skerptes van menswees en al die werk en kwelvrae. Ons raak “te klip om te boom”, lui die titel van ’n D.J. Opperman-gedig. In die lig hiervan verras ’n onlangse skrywe van ’n vriendin wie se siekte haar nie veel genade betoon nie my des te meer: “Ek het mos ’n avokadoboom wat ons nie uitgeroei kry nie,” vertel sy. “Al alles probeer. Ek sê vir my broer ek voel soos ’n moordenaar. Die boom is gemaak om te groei en vrugte te dra en dis al wat hy verstaan. “Maar my erf het nie ’n grensdraad nie en so het…

‘U is die bron van die lewe, deur U lig lewe ons’ PSALM 36:10 ‘U is waarlik die seun van God’ MATTEUS 14:33B ‘Die Advent maak mense núwe mense’ DIETRICH BONHOEFFER ‘Die krag van geloof skyn dikwels die blinkste in ’n brose mens’ AUGUSTUS HARE ‘Sy heerskappy sal uitbrei, en Hy sal vir altyd vrede en voorspoed bring’ JESAJA 9:6 ‘Solank ons in ons hart weet wat Kersfees behoort te wees, sal daar Kersfees wees’ ERIC SEVAREID Dagboek 24 Nov.-2 Des.Geniet plattelandse gasvryheid en kies pragtige geskenke by die Kersmark van die Volle Evangelie kerk op Louis Trichardt. Toe-gang is gratis met volop veilige parkering. Bel Heleen by 072 550 4614 of besoek www.krismiskous.co.za 8 Des.-8 Jan. Die Witsand-Kersmark in die historiese wolskuur op die Breedezichtlandgoed het vanjaar sowat 150…

‘Baie mense vertel ná ’n vertoning hulle kan sien hoe lief ons mekaar het. Dáárin lê ons persoonlike getuienis’ Anders as soveel ander glanspaartjies kies Wynand en Chereé Strydom om hul gesin ver van die stadsgewoel groot te maak. Dit beteken wel baie ure op ’n vliegtuig, maar nie een van hulle sou dit anders wou hê nie. “Kyk, dis baie makliker om in die stad te woon,” sê Chereé (37), “veral in Pretoria, wat die hart van die bedryf is, maar ons vertonings is dwarsoor Suid-Afrika, so reis moet jy reis. Dis dalk moeiliker op die platteland, maar ons sal dit vir niks verruil nie.” Wynand (41), of Wynie, soos Chereé liefderyk na hom verwys, stem saam. “Ons is net ’n vlug weg van enige vertoning.” Die Strydoms woon…

Om ons Kers tafel

Dis ’n sondeurdrenkte somersdag. ’n Briesie speel in die koeltebome. ’n Duif kom neem klein slukkies by die waterfontein agter die laventelbos. Die tuin weerklink met voëlgesang. Die Lééf-span kon nie ’n mooier dag bestel het vir ’n luilekker kuier om ’n langtafel op die stoep van redakteur Christine Ferreira nie. Van vroeg af woel dit in huis en tuin, laaste voorbereidings en grimeersessies, spelende kinders en honde wat saam poseer vir foto’s. Die redaksionele bestuurder, Veronika van den Berg, se spruite, Kara (1) en Lia (3), is siervol getooi met bloekomblaarkrone. Almal dra wit. Want dis Feestyd, Christustyd, en die span kan uitspan en vergeet van spertye. “Ontspan” nooi ’n gebuigde draadwoord voor ’n pot in ’n hoekie in die tuin. Peace en Joy weerskante van die skuifdeure eggo…

Om ons Kers tafel

Ná ’n lang rit deur die Klein-Karoo draai ons naby Ladismith in by ’n groot reklamebord wat sê: Touwsberg-wild-en-natuurreservaat. Die motor hou stil by die leiklipgrys huisie in die middel van die veld. By die voordeur staan die naam van die huis in groot letters: Kyknet. Dit is wat ’n mens hier doen: Jy kyk… Reg rondom die huisie lê die Karoo roerloos soos ’n skildery. Ek kyk rondom my. Eers dink ek ál wat daar is om te sien, is die bar, stil aardkom met bruingroen Karookoppe reg rondom uitgepak. Maar dan kom ’n kwikkie aangewip. ’n Veldmuis woerts oor die grondpad. Plek-plek hurk groot wit klippe tussen die Karoobossies. ’n Witkruissperwer met die mooi ander naam kleinsingvalk sit op die sementdam se wal. Hy kyk ver en stip.…

…en skenk ons weer die hoop dat die toekoms aan U behoort en dat selfs die wêreld U nie altyd vir ons sal kan wegsteek nie In die vroegte van ’n oggend ry ek een jaar met twee slapende seuntjies agter in die kar deur die Tsitsikamma. Verfris deur die goedheid en guns van ’n plaaskuier in dié geweste beleef ek hoe die dag begin breek. “Morning has broken like the first morning,” sing The King’s Singers in helder, skoon klanke wat die kar saam met die lig van ’n nuwe dag vul. “You are the new Day…” klink die woorde van die profete van ouds ook by herinnering op. Die musiek verplaas my na die Een wat oor die diep waters gesweef het toe die donker aarde nog heeltemal…

MOOI SOOS ’N BEMINDE

‘Vir die son en die somer wil ek U dank, omdat U my daarin standhoudende goedheid laat sien wat ek begeer en wat ek slegs kan kry wannneer U Woord my soos die son belig. Maak my lewe vir ander soos die son en somer, Here, maak my stralend en helder; maak my so dat ander soos plantjies in my warmte kan groei, maak my menswees ’n lafenis’ MARETHA MAARTENS…

MOOI SOOS ’N BEMINDE

Daar is niks wat jou voorkoms so vinnig ’n hupstoot gee as ’n nuwe haarstyl en die regte grimering nie. Estée Lauder het geglo dat skoonheid binne elke vrou se bereik is en het haar dus daarvoor beywer om te sorg dat alle vroue met Estée Lauder-produkte op hul beste kan lyk. Deur jou vel met voedende produkte te versorg skep jy die perfekte skilderdoek vir treffende grimering. Voeg hierby ’n spuitjie lieflike parfuum en jy voel sommer soos ’n nuwe mens! Jou lipvorm bepaal die diepte van die kleur wat jy behoort te dra Treffend Heleen se vel is geneig tot rooierigheid en daarom is ’n langblywende onderlaag in ’n skakering wat perfek by haar velkleur pas ’n moet. Die grimeerkunstenaar Roslyn Draai, die hoof-streeksgrimeerkunstenaar van Estée Lauder, het…

’n Blosende vel

Sonder genoeg water kan jou selle hulself nie vernuwe nie H et jy geweet jou koskas is die sleutel tot ’n pragtige gesonde vel? Vergeet van die perfekte onderlaag! Niks lyk so goed soos ’n vel wat gloei en gesondheid uitstraal nie. Die geheim van ’n pragtige vel lê nie noodwendig opgesluit in jou gunsteling-skoonheidsprodukte nie, maar eerder in ’n goeie gebalanseerde dieet – ’n noodsaaklike voorskrif vir ’n gesonde vel. Die vel is immers die liggaam se grootste orgaan. ’n Volwassene se vel weeg vyf kilogram en beslaan ’n oppervlakte van ongeveer 22 m2 . Geen ander orgaan in die liggaam word blootgestel aan soveel skade of siekte van buite soos besering, sonlig, rook of omgewingsbesoedeling nie. Terselfdertyd weerspieël dit baie van die emosies aan jou binnekant. Om die…

’n Blosende vel

TYD VIR JOUSELF

1 Vinolia Sandalwood Hand Wash. R35. 2 YSL Multi Usage Palette Collector Sparkle Clash Edition. R935. 3 YSL La Laque Couture no 7. R390. 4 Garnier SkinActive Micellar Oil-infused Cleansing Water. R89,95. 5 LPG Anti-Ageing Renewal Serum. R1 600. 6 La Mer The After Sun Enhancer. R1 600. 7 Dove Purely Pampering Nourishing Body Wash. R37,99. 8 Urban Decay Naked Ultimate Basics. R850. 9 Eucerin Elasticity Filler Facial Oil. R399,99. 10 Estée Lauder Advanced Night Cleansing Foam. R495. 11 Clarins Mascara Supra Volume. R295. 12 Justine A-Firm Platinum Anti-Ageing Day Cream SPF 25. R550. 13 Elizabeth Arden Ceramide Overnight Firming Mask. R685. 14 Justine Premiere Luxe Gold Blush Eau de Parfum. R479 vir 50 ml. 15 Giorgio Armani Sì Le Parfum. R1 485 vir 50 ml. 16 Tom Ford Soleil…

TYD VIR JOUSELF

Klein, rond, gesond

Ek onthou die konsentrasie op die twee sonroombesmeerde kindergesigte goed: Die oudste met ’n ernstige frons onder sy hoed, die jongste se oë pieringgroot van skok en trots oor die dubbeldoor wat omhoog gehou is. Die bakkies in hul hande oorlopens toe vol, maar met plek vir nog net één aarbei… en nog een. Bessies is storieboekvruggies. Digterlik mooi, stroopsoet en plomp soos dié in kindergediggies en soms onheilspellend gevaarlik soos ’n bitterbessie. In The life and adventures of Martin Chuzzlewit skryf Charles Dickens: “Op die beweginglose takke van party bome hang herfsbessies soos trosse koraalkrale, soos in daardie fabelagtige boorde waar die vrugte juwele was…” Bessies ontlok emosie – van ’n bessiepluk-ervaring by Red-berry Farm buite George tot aarbeie-en-room op Wimbledon. Van die moerbei-besmeerde lagbekkie van ’n kleuter tot…

Klein, rond, gesond

My lewe in ’n plakboek

Langs ’n fontein trek ’n knus boetiekwinkel dadelik die aandag. Binne flikker kerse gewyd in ’n spierwit ruimte waar die geestelike en die estetiese ontmoet. Madonna & Child is die delikate droom van ’n ma-en-dogter-span, Bea (Beatrice, 50) en Jeanne (23) Emslie. Oor die ingang pryk ’n portet van die Maagd en haar Kind, dubbel in goud geraam. Teen twee houtlere word lieflike lappe uitgestal. Die keurprodukte sluit in handgeborduurde kussingslope, bedkussings, hekelwerkversierings, luukse badsepe, Royal Doulton-teestelle, teesakkiehouers, tafeldoeke, serpe, skinkbordlappies en komberse. Bea, ’n versamelaar van pragtige linne, se huis in Warmbad (Bela-Bela) word bevolk deur haar versameling honderde Madonnas van regoor die wêreld. In haar nagraadse verhandeling het sy op die verhouding tussen kuns en die heilige gefokus. “My liefde vir linne het by my ouma Beatrice begin,”…

My lewe in ’n plakboek

Jesus se Nasaret

Dis ’n woestynwarm dag in die Heilige Land wanneer die trein stadig uit die Mahla-stasie in Jerusalem beweeg. Ek dink aan Nasaret, my bestemming. Vandag is dié stad die hoofstad van Israel se noordelike streek en dit staan ook bekend as die Arabiese hoofstad. Tog word daar oor die naam van Jesus se grootworddorp gesê dit verwys in die eerste plek na Jesaja 11:1. “ ’n Takkie sal uitspruit uit die stomp van Isai, ’n loot uit sy wortels sal vrugte dra.” Die Hebreeus vir takkie is “ne-ser”… Jesus van Nasaret. Wat kan ’n mens te wagte wees van die plek waarheen Josef, Maria en die Kind teruggekeer het nadat hulle voor Herodus moes vlug? Sou daar nog iets te beleef wees van die dorpie waar Jesus se aardse wortels…

Jesus se Nasaret

Maandag Maak lig! Koop sewe kerse. Steek elke dag hierdie week een aan vir ’n geliefde of vriendin of iemand wat swaarkry. Bid dan vir dié mense. Dink daaraan dat Christus gekom het om lig te maak in ons donker wêreld. Bid dat jy ’n draer van Sy Lig sal wees. Dinsdag Goud! Goud was een van die Wyse Manne se heel kosbaarste, duurste geskenke aan die Christuskind. Die Kerstyd herinner jou om jou beste vir Christus te gee: Gee jouself. Doen alles voluit. Wanneer jy vir iemand anders die goeie gee, gee jy dit aan Hom. Woensdag Silwer! In Spreuke 8:10 is die Wysheid aan die woord: “Aanvaar wat Ek julle leer, dit is meer werd as silwer…” Maak seker dat jou woorde hierdie Feestyd soos kosbare silwer sal…

Wees vandag vrygewig

Só het ons die spoor byster geraak: Dit gaan net oor ons en oor my. Ons gesin. Ons probleme. Ons uitdagings. Ons begeertes. Ons gemak. Ons swaarkry. Ons suksesse. My geluk. My gemak. My kant. My reputasie. My mening. Daarom is Filippense 4:5 een van die verse wat my op die oomblik na aan die hart lê. Dit lui: “Julle harte behoort oor te loop van blydskap omdat julle aan die Here behoort. Ek sê weer, julle moet baie bly wees. Moenie vergeet om almal mooi te behandel nie. Die Here kom mos binnekort terug.” Die Ou Vertaling omskryf dit so: “Laat julle vriendelikheid aan alle mense bekend word. Die Here is naby.” Praat ander oor jou vrygewigheid, onselfsugtigheid, sagmoedigheid, verdraagsaamheid en geduld? Hier herinner die Woord ons om regtig…

Wees vandag vrygewig

musiek dissipel

DIE NUWELINGSANGER REFENTSE (19) VAN VEREENIGING WIL DIE WÊRELD MET SY MUSIEK VERENIG EN PROBEER ELKE DAG JESUS SE VOORBEELD VOLG. Jy het in net meer as ’n jaar gevorder van hoërskoolleerder tot internetsensasie met ’n platinum-album. Voel jy soms oorweldig deur jou vinnige opgang in die bedryf? Alles het baie gou gebeur, ja, maar ek is baie dankbaar en opgewonde daaroor. Al moet ek soms myself knyp, geniet ek elke oomblik. Hoe het jou lewe verander sedert Cecilia Marchionna in 2015 ’n video van jou gemaak en dit op Facebook geplaas het? My lewe het drasties verander. Ek het van die normale roetine van my skoollewe gegaan na ’n lewe op die pad. Elke dag is opwindend. Ek maak planne en het ’n baie vol dagboek, maar enigiets…

musiek dissipel

Dink nuut oor Kersfees!

Ek kan nie besluit hoe ek regtig oor Kersfees voel nie. Sien ek uit of sien ek op? Die partytjies, die feestelikheid, die versierings, die musiek en die saamwees is wonderlik, maar is dit régtig waaroor die Feestyd gaan? Wanneer ek vir my twee jong seuns vra: “Manne, wat beteken Kersfees nou eintlik vir ons?” is hulle gou om die Sondagskool-antwoord te gee. En dis seker waar deel van die probleem lê, want nes hulle, ken die meeste van ons die “regte” antwoord: Dit gaan mos oor die Baba in die stal, dan nie? Dalk sal ons selfs ’n uur of wat afstaan en te midde van die chaos van geskenke onder die boom rangskik en ’n Kerstafel wat gedek moet word, die baba Jesus aanbid. Net om dan weer…

Dink nuut oor Kersfees!

siel van ’n Vrou

Daar is so baie dinge wat ons vrede steel. Nie net is die nuus op TV, radio en die internet swanger aan ontstellende gebeure nie, ook hier in ons eie huise vertel die hoofopskrifte soms van bomme wat ontplof. Ander kere bekruip die onvrede ons hart sonder rede en op onverklaarbare maniere. Miskien moet ons begin deur te sê dat vrede nie die gebrek aan onrus is nie, maar ’n diep gevoel van vervulling wat ons ervaar ten spyte van baie dinge. Dit is die sagte koestering wat ons beleef wanneer ons bewus word van Sy Gees ín ons. Dis die berusting wat ons ervaar wanneer ons die regte dinge doen en dis die tevredenheid wat ons geniet wanneer ons in liefde teenoor ander leef. Vrede is nie ’n groot…

siel van ’n Vrou

Dit is hier in die rustige woonbuurt Durbanville met sy groot bome waar San-Marie Vogel (43), haar suster Gretha Bester (40) en hul gesinne elke jaar Oukersaand vier. Met ses niggies en nefies tussen die ouderdom van 6 en 23 jaar is dit ’n behoorlike feestelikheid. En ’n Kersboom en geskenke is uiteraard ’n groot prioriteit vir die jongklomp. Vir die twee susters is die groot bederf om elke jaar by dieselfde huis Kersfees te vier – Oukersaand altyd by San-Marie en Kersdag altyd by Gretha in die Paarl sowat 35 km van Durbanville af. “As kinders kon ons nooit regtig wortel skiet nie omdat ons vanweë ons pa se politieke loopbaan byna elke jaar op ’n ander dorp in ’n ander provinsie gewoon het,” vertel San-Marie. “Dit was maar…

’n Skuilte vir die siel

Die goeie Herder – Psalm 23 “Die Here is my Herder, ek kom niks kort nie. Hy laat my rus in groen weivelde. Hy bring my by waters waar daar vrede is” (Psalm 23:1-2). Het jy al ooit gedink: Hoe vreemd! Die hoofkarakter in Dawid se Psalm 23 is ’n pratende skaap. En tog, as enigiemand skape verstaan het, was dit Dawid. Hy het sy vormingsjare as skaapwagter in die ooptes van Judea deurgebring. In dié tyd het hy geleer dat skape dikwels afdwaal en met tye nogal hardkoppig kan wees. Hy het ook goed vertroud geraak met dié wollerige diere se behoeftes en swak punte, soos dat hulle veral kwesbaar is in uitermatige hitte en stofstorms, en dat slange en wilde diere hul vyand is. Dawid het maar alte…

’n Skuilte vir die siel

glo soos’n kind

Díé oggend word Dawid agterstevoor wakker. Sommer uit die bloute trek hy dwars en sien ek in sy vyfjarige kyk dat sy hartseer diep lê. Hy systap ons almal wat soekend vra wat fout is. Wil hy dalk warmsjokolade hê? Het hy dalk sleg gedroom? Niks. Hy bly bot. Sy gesiggie bly op ’n plooi getrek en sy arms is beskermend om sy dun lyfie gevou. Hy wil wegloop, kondig hy formeel by die ontbyttafel aan. Ons almal kyk verbaas op. “Hoekom dan nou, Boeta?” vra pa Jan besorg. “Waarheen wil jy nogal wegloop, hè?” terg sy boetie met ’n mond vol eier. “Los vir Dawid,” sê ek streng. “Hy mag voel soos hy wil. En Darius, kan jy onthou dat jy ook op ’n tyd wou wegloop?” Darius se…

glo soos’n kind

Liefdes liggies

Ons maak Koninkrykskinders groot wat van die wêreld ’n beter plek kan maak Die kosbaarste geskenke wat ’n ma vir haar kinders onder die Kersboom kan neersit, is nie dié in die blinkste papier of dié wat die meeste gekos het nie. Nee, die beste geskenke is dié wat soos lanterntjies aan die Kersboom flikker. Dis hulle wat aanhou gloei en bly lig gee op die kind se onbekende lewenspad. Wanneer ’n ma met haar weerlose vars bondeltjie in die arms sit, is liefhê nog maklik. Die wonder van die lewe staan in hoofletters oor alles geskryf. Daar is nog geen ander aansprake as om net lief te hê en te versorg nie. Met verloop van tyd ontluik ’n unieke mensie – een met ’n eie “ja” en “nee” en…

Liefdes liggies

My hart se punt

‘Daar is ’n sonnetjie onder my voet, Ouma’ Dis ’n loom vroegoggend by die see. Kinders en kleinkinders kom slaperig uit hul kamers, en nefies en niggies uit buurstrandhuise kom soek ’n eerste knaagdingetjie terwyl die grootmense nog vir oulaas indommel. Dis vakansie en niks kan ons aanjaag nie. Ons kuier langbeen op die stoep – sommerso plat op die teëls, met ons eerste tee en koffie in bont bekers en die beskuitblikke tussen ons. Ek skreef my oë teen die skerp oggendlig wat in breë, helder strepe op die rivier daar ver onder ons uitwaaier. Die son tintel op my vel en ek voel hoe ek stadig begin ontdooi vir die nuwe dag met al sy heerlike moontlikhede. Die oggend kruie lui-lui aan. Die stoepsitters kom en gaan. Die…

My hart se punt

Lééf in oorwinning

Lisa beveg die saak van kinders, soos die enetjie wat agter ’n munisipale drom ingekruip het Baie mense ken haar as omroeper op Tygerberg 104FM in die Kaap. Maar die lewendige, byderwetse predikantsvrou Lisa Truter se werk by Straatwerk, ’n uitreikbediening na mense in nood, strek baie wyer. Sy behartig tans die kommunikasieafdeling by dié organisasie. Dis eintlik dun woorde vir die taak van iemand wat al 22 jaar meestal net doen wat haar hand vind om te doen in die skemerwêreld van haweloses, verslaafdes en mense vasgevang in prostitusie en pornografie. Benewens voorkomingsveldtogte teen seksuele misbruik en uitreike na die naglopers van Kaapstad is sy reeds sewe jaar betrokke by It’s Amazing! – Zoe Trust. “Ek is onder meer die programbestuurder,” vertel sy. “Ons het ’n huisie in Badsberg…

Lééf in oorwinning

Die taal van liefde

‘Kersfees is liefde in aksie. Elke keer wat ons liefhet, elke keer wanneer ons gee,is dit Kersfees’ DALE EVANS ’N REDE VIR ’N FEES Ons lewe in ’n gemaklike tyd. ’n Era wat tradisionele praktyke afskryf eerder as om dit te omhels, veral wat aanbidding en godsdiensfeeste betref. Dit is dus vir ons maklik om te vergeet wat werklik belangrik is. Ons wil nie pretensieus oorkom nie. Ons wil nie vitterig wees nie. Ons wil nie materialisties oorkom nie. Dan is daar nog die oorweldigende stukrag van die moderne lewe wat ons kwalik laat stadiger stap, dieper asemhaal en met verwonderde oë laat sien. Maar midde dié kwynende formaliteit van feesvieringe verloor ons die wete dat daar baie dinge is om oor fees te vier. Sommige geleenthede – troues,…

Die taal van liefde

‘ Bak begin vir my met kindertydherinneringe van ’n spens vol tuisgebakte lekkernye. As kinders was ek en my suster nie bekend met gekoopte lekkergoed nie, want as ons iets wou hê, moes ons dit self maak,” onthou Jackie Cameron, veelbekroonde sjef wat haar eie kookskool – die Jackie Cameron School of Food – bedryf en bekend is vir verskynings op Top Chef, Masterchef South Africa en Ultimate Braai Master. “Gevolglik kon ons ’n koek binne minute saamslaan. Op drie het ek begin leer hoe om brood te bak. Ek was piepklein waar ek op ’n stoel gestaan het en skaars die toonbank kon bykom om deeg te knie!” Albei haar oumas het kosmaak geniet, en sy glo haar ouma Kay se Yorkshire-poeding was wêreldklas. Jackie se eerste resepteboek was…

Geknoop in goud

‘Wanneer jy in geloof skep, raak jou kuns ’n vorm van aanbidding. In verbintenis met God kry dit ’n suiwerheid’ Op 29 is Katherine-Mary Pichulik van Kaapstad dinamies, verrassend, kleurryk en tog toeganklik en warm. Die een oomblik reguit, die volgende weer skalks met ’n tikkie geheimsinnigheid. Baie soos die juweliersware waarmee sy sedert September 2012 vroue tooi en bemagtig. In ’n gesprek met haar bespeur jy dis nie net haar hande wat weet wat om te doen nie; sy is ewe rats met woorde. Oor haar handelsmerk, Pichulik, sê sy: “As Pichulik ’n mens was, sou sy ’n aweregse sin vir humor en ’n sterk, inspirerende teenwoordigheid gehad het. Met vriendelike, wyse oë wat iets verklap van reise na veraf lande. Sy sou die geur hê van jasmyn in…

Geknoop in goud

1 Vir die kranige kok. Besoek Le Creuset se webtuiste vir ’n verskeidenheid lekker resepte vir jou Kerstafel, soos dié pavlova met pruime. www.lecreuset.co.za 2 Vir jou Kersboom. Dié oulike vilt-engeltjie van Bulembu Arts and Crafts kos R35. www.bulembo.org 3 Anna Rosholt se kreatiewe en ongewone juwele is te koop by shop.kamersvol.com. Die bytjie-ring is van vergulde silwer en kos R850. Die stapelringe kos vanaf R280 tot R770. 4 Die Yswara Tea Room in die Maboneng-distrik in Johannesburg is ’n belewenis. Die kuierplek is op die grondvloer van die Cosmopolitan-gebou op die hoek van Commissioner- en Albrechtstraat. www.yswara.com 5 Tintswalo at Waterfall in Midrand is ’n boetiekhotel wat luukse verblyf en uitstekende fasiliteite vir die moeë reisiger bied. Bespreek vir jou uitspantyd by res@waterfall.tintswalo.com. 6 Die perfekte pakkie vir ’n…

1795 deur D. Sleigh (Tafelberg, R320) Nog ’n epiese verhaal deur die veelbekroonde skrywer van Eilande – ’n diep en genuanseerde roman wat jou heel vakansie besig sal hou. Dan Sleigh het in Eilande die Kaapse pionierstyd tydloos verwoord. In 1795, wat laas jaar die Groot Romankompetisie gewen het, sien ons die laaste maande onder die VOC-vlag. William van Reede van Oudtshoorn is ’n goewerneur se seun met ’n belangrike plek in die Kaapse regering. Sy ordelike lewe word verfomfaai deur politieke storms en die liefde. William verloor veel wat hy gedink het syne is, behalwe sy volgehoue verset teen verraad en vreemde oorheersing. ‘Die hemel behoed dié arme land as diamante of goud hier ontdek sou word. Hulle sal dit soos wildehonde bestorm, dit soos leeus en aasvoëls uitmekaar…

Sielsbemoediging

Oopgebreek In The Broken Way moedig Ann Voskamp jou aan om jou emosionele en fisieke letsels te sien as bewyse van God se volgehoue liefde vir jou. Kan daar ’n doel en betekenis wees in wonde? Daar is geen geestelike groei sonder verandering nie; geen verandering sonder oorgawe nie; geen oorgawe sonder wonde nie. Wonde breek die siel oop sodat sade van groei geplant kan word. Miskien gee die diepste wonde aanleiding tot die meeste wysheid. Hoekom is ons bang vir lyding? Sê nou ons kan net in die gebrokenheid van lyding oorvloedige gemeenskap vind, want God leef in lyding? Lyding is waar God die meeste genesende intimiteit gee. Jy sê ons moet ons gevoelens ervaar en na God toe neem. Dis oukei om sleg te…

Sielsbemoediging

Inkopiesakke het van dwarsoor die land ingestroom vir ons jaarlikse handwerkwedstryd, en om die toptien finaliste en uiteindelike wenner aan te wys het ure se kyk, voel, dink en behoorlike kopkrap geverg. Ons wenner kry ’n Bernina 330-naaldwerkmasjien ter waarde van R22 670 plus ’n Winon-Fortune II-stomer ter waarde van R2 590! Die twee naaswenners wen elkeen ’n Winon-Fortune II-stomer asook ’n Clarins-bederfpak ter waarde van R4 205. Die oorblywende sewe finaliste wen elk ’n Winon-Fortune II-stomer. WENNER Ons algehele wenner is Zanie Swart van Bultfontein 2DE PLEK Magrietha de Klerk van Calvinia 3DE PLEK Jeannine Cronje van Viljoenskroon FINALISTE Bo, van links: Vicky Munkelt van Worcester, Peet Grundlingh van Pretoria, Gertruida Scholtz van Somerset-Wes. Onder, van links: Rita Nel van Jan Kempdorp, Coreen King van Steynsburg, Delmarie Groenewald van Bloemfontein, Corrie…

Die dekor in die plastiese chirurg se spreekkamer is minimalisties. ’n Hipermoderne bank en drie stoele in monotone taankleure. ’n Tafeltjie met drie Time-tydskrifte en drie glanskostydskrifte. Langsaan is ’n houer met pamflette oor kosmetiese prosedures en ’n lêer* met die herhalende golfpatrone van ’n sampioen se onderkant op die voorblad. Ek is bang om die lêer oop te maak, bang dit gaan voor- en ná-foto’s bevat van vroue wat ’n mastektomie ondergaan het. Ek skuif die lêer buite bereik. Ek verlang na my en die seeman se ou houtmeubels. Die roesemoes van kleur en tekstuur as ’n mens deur die stories van ons optelgoed dwaal. Daarom fokus ek eerder op ’n foto van reusagtige bloeisels wat een hele muur bedek. Die spreekkamerdeur langs die reusebloeisels gaan oop. ’n Lang…

TEKEN IN & KRY 35% AFSLAG plus

2 lekkerleesboeke vir 45 lesers! Teken in op Lééf – met hart & siel vir Kersfees en kry 35% afslag – dis slegs R35,50 per uitgawe (posgeld ingesluit). +45 gelukkige lesers sal elk ’n geskenkpak met twee boeke van Lux Verbi ontvang. In Ligdans vertel Jeanne Els hoe sy in ’n maalkolk van depressie beland het. Danksy genade, geloof, mediese hulp en geliefdes se bystand kon sy weer met passie begin leef. Sy verweef haar verhaal met 16 ander depressievegters se vertellings. ’n Psigiater, sielkundige, dokter en berader beskryf presies wat aan depressie gedoen kan word. Gebede vir elke vrou gee jou die ideale gebed vir elke situasie – of jy nou hartseer, bekommerd, eensaam of siek is. Daar is ook gebede vir jou huwelik, jou kinders en vriendskap. Van…

TEKEN IN & KRY 35% AFSLAG plus

‘Mens verloor dalk jou krag vir Kersfees. Maar Kersfees verloor nie sy Krag vir ons nie!’ JACQUELINE LEUVENNINK ‘E er aan God in die hoogste hemele en vrede op aarde, in die mense ’n welbehae!’ (Lukas 2:14). Jare gelede was ons verras om ’n kunssinnige vriendin se stylvolle Kersboom te sien wat met slegs silwer versierings versier was. Ek was verbaas: Is ’n Kersboom dan nie noodwendig ’n bont, blink gedoente wat soos, wel, ’n ware “Krismisboom” moet lyk nie? Sommige jare haal sy die goue versierings uit, maar sy werk altyd met net een kleur. Sedertdien het ons ook afgeskaal en werk nou net met groen en rooi, en silwer en goud – en wit liggies. Dis meer tradisioneel en veel rustiger! Mutti se Kersboom was altyd ’n egte…

Soos ’n gedagte het 2016 verbygesnel. Die Psalmdigter praat van dae wat soos rook verdwyn. Inderdaad. Maar nou, die wêreldwoelinge ten spyt, bring die vooruitsig van Advent ons harte tot rus. Vanoggend lees ek in Jesaja waar Adonai sy Verbondsvolk oor bloedvergieting en oproer in die land aanspreek. “Julle land is verwoes,” sê Hy, “Sion het verlate agtergebly soos ’n skermpie in ’n wingerd en soos die hut van ’n wagter in ’n komkommertuin.” Ek sug by die gedagte aan my eie land… Dat die Ewige die aarde skud, is geen geheim nie. Maar die pro-feet het ook ’n blyer boodskap. “God sal oordeel tussen die nasies, regspreek oor baie volke. Hulle sal van hul swaarde ploegskare smee en van hul spiese snoeiskêre. Die een nasie sal nie meer die…

Gebedskalender vir Desember 2016

1 Donderdag ONDER SY VOET Here Jesus, U is die Saad van Eva wat die slang se kop vermorsel. Ek staan in U Naam op teen die vyand, wat leed veroorsaak. Amen. 2 Vrydag TOTDAT SILO KOM Here Jesus, U is die Silo wat rus bring. Ek betree vandag U rus, ek ontspan, ek gee oor. Ek het genoeg van die onrus en stryd gehad. Amen. 3 Saterdag ’N STER KOM OP Here Jesus, U is die Ster, die Septer wat uit Israel opkom. Ek onderwerp my aan U regering. Stig U ryk in my hart. Amen. 4 Sondag GOD MET ONS Here Jesus, U is Immanuel, God met ons, wat onder ons kom woon het. Ek bid dat U vandag werklik in my hart en woning tuis sal wees.…

Gebedskalender vir Desember 2016

In This Issue

Description

Details

Reviews

Recent Digital Issues Browse all

Recent Lééf Digital Issues Browse all back issues

Lééf (Digital) Subscription May 16th, 2016 Issue

Lééf (Digital) June 2016: $2.29

Lééf (Digital) Subscription April 18th, 2016 Issue

Lééf (Digital) May 2016: $2.29

Lééf (Digital) Subscription March 14th, 2016 Issue

Lééf (Digital) April 2016: $2.29

Lééf (Digital) Subscription February 15th, 2016 Issue

Lééf (Digital) March 2016: $2.29

Lééf (Digital) Subscription December 1st, 2016 Issue

Lééf (Digital) December 2016: $2.29

Lééf (Digital) Subscription November 1st, 2016 Issue

Lééf (Digital) November 2016: $2.29

Lééf (Digital) Subscription October 1st, 2016 Issue

Lééf (Digital) October 2016: $2.29

Lééf (Digital) Subscription August 14th, 2016 Issue

Lééf (Digital) September 2016: $2.29

Lééf (Digital) Subscription July 18th, 2016 Issue

Lééf (Digital) August 2016: $2.29

Lééf (Digital) Subscription June 13th, 2016 Issue

Lééf (Digital) July 2016: $2.29

Lééf (Digital) Subscription May 16th, 2016 Issue

Lééf (Digital) June 2016: $2.29

Lééf (Digital) Subscription April 18th, 2016 Issue

Lééf (Digital) May 2016: $2.29

Lééf (Digital) Subscription March 14th, 2016 Issue

Lééf (Digital) April 2016: $2.29

Lééf (Digital) Subscription February 15th, 2016 Issue

Lééf (Digital) March 2016: $2.29

Lééf (Digital) Subscription December 1st, 2016 Issue

Lééf (Digital) December 2016: $2.29

Lééf (Digital) Subscription November 1st, 2016 Issue

Lééf (Digital) November 2016: $2.29

Lééf (Digital) Subscription October 1st, 2016 Issue

Lééf (Digital) October 2016: $2.29

Lééf (Digital) Subscription August 14th, 2016 Issue

Lééf (Digital) September 2016: $2.29

Customers Also Viewed

CommonWealth Special issue 天下雜誌特刊 (Digital) Subscription April 7th, 2020 Issue

CommonWealth Special issue 天下雜誌特刊 (Digital)

No.239: $3.02

ねこ（NEKO） Magazine (Digital) Subscription

ねこ（NEKO） Magazine (Digital)

2 Issues: $13.15 ~~$14.60~~

Golf Digest (Digital) Subscription July 1st, 2020 Issue

Golf Digest (Digital)

(1)

March/April 2025: $6.99

Bikes Etc (Digital) Subscription

Bikes Etc (Digital)

December 2019: $4.16

Lééf (Digital) Subscription January 1st, 2017 Issue

Lééf (Digital)

January 2017: $2.29

Treadlie (Digital) Subscription October 1st, 2019 Issue

Treadlie (Digital)

#25 October 2019: $3.53

Sound + Image Magazine (Digital) Subscription December 1st, 2024 Issue

Sound + Image Magazine (Digital)

8 Issues: $15.79 ~~$20.24~~

Casaviva México (Digital) Subscription

Casaviva México (Digital)

OCTUBRE 2018 No. 90: $2.75

You Play - 10 Minute Puzzles Magazine (Digital) Subscription May 1st, 2016 Issue

You Play - 10 Minute Puzzles Magazine (Digital)

(1)

2016: $1.96

CommonWealth Special issue 天下雜誌特刊 (Digital) Subscription April 7th, 2020 Issue

CommonWealth Special issue 天下雜誌特刊 (Digital)

No.239: $3.02

ねこ（NEKO） Magazine (Digital) Subscription

ねこ（NEKO） Magazine (Digital)

2 Issues: $13.15 ~~$14.60~~

Golf Digest (Digital) Subscription July 1st, 2020 Issue

Golf Digest (Digital)

(1)

March/April 2025: $6.99

Bikes Etc (Digital) Subscription

Bikes Etc (Digital)

December 2019: $4.16

Lééf (Digital) Subscription January 1st, 2017 Issue

Lééf (Digital)

January 2017: $2.29

Treadlie (Digital) Subscription October 1st, 2019 Issue

Treadlie (Digital)

#25 October 2019: $3.53

Sound + Image Magazine (Digital) Subscription December 1st, 2024 Issue

Sound + Image Magazine (Digital)

8 Issues: $15.79 ~~$20.24~~

Casaviva México (Digital) Subscription

Casaviva México (Digital)

OCTUBRE 2018 No. 90: $2.75

Reviews