Magzter Gold (Sitewide AU)

Magzter Gold (Sitewide AU)

Digital Delivery

Landbou Boerekos May 25th, 2020 Digital Back Issue Cover

Landbou Boerekos (Digital)

(Write a Review)

Single Digital Issue

Lente & Somer 2024

$2.72

Powered By Zinio

Zinio

Satisfaction Guaranteed

Instant Start

Also available on ZINIO Unlimited logo

Get unlimited access to Landbou Boerekos (Digital) & 5000+ other magazines

1-month free trial

Renews at $8.99/month after trial.
Cancel anytime.

Get unlimited access to Landbou Boerekos (Digital) & 5000+ other magazines. Renews at just $8.99/month after trial. Cancel anytime.

Start Trial Learn more

40 Articles

MEER AS NET KOS

Of ditnou’nsoelvroegaand-Kersete is wat ek nooit weer met my oorlede ouers sal geniet nie, of ’n onverbeterlike tuna-pasta-enmayonnaise-sameflansing wat ek uit een pot met my broers langs ’n forelstroom by Barkly-Oos deel, ofmiskiengebraaide netvet en lewer onder ’n oorhang-sandsteenkrans saam met my seuns op ’n snerpende wintersjag – dit is altyd kos wat eers die ervarings, en dan die herinneringe saamsnoer. Die goue draad wat die onthou teen die verganklikheid van tyd vaswerk. ’n Noodsaaklikheid wat ons boere oor generasies heen op hul plase verbou, in daardie oeroue rieldans waarin hulle seisoen ná seisoen met die natuur tree. Soos hulle haar paai, vlei, probeer oortuig en dan soebat om van haar goedheid en oorvloed met hulle te deel. ’n Diep en belangrike tradisie wat so mooi in hierdie uitgawe van Boerekos gevier…

MEER AS NET KOS

Só sê ons lesers

WENBRIEF Lynette Strydom van Gqeberha wen ’n geskenkpak met tafeldekor van Tafel Stijl ter waarde van R1 085 met haar brief. Geniet dit, Lynette! ’n Nostalgiese reis Met die eerste oogopslag van die herfs/winteruitgawe is dit die woorde “Op die plaas” en “Ons hou basaar” wat my onmiddellik huis toe dwing om op die stoep meegevoer te raak met die lekker leesstof. Die hoofredakteur se inleidingsparagraaf laat my regop sit. Wanneer dit by die platteland kom, sal ek seker altyd my ore spits en met heimwee luister. Dit voel asof ek die pad saamstap tot by Danie se plaas by die skouspelagtige Reitz, en elke oomblik saam beleef. Skielik verlang ek na my pa. Kleintyd was ek altyd aan my pa se sy en is saam na baie vetveeveilings. Menige keer het ek trots die…

Só sê ons lesers

Vandat ek ’n mes en vurk kon vashou, was my sitplek met etenstye langs my eerste held aan ons kombuistafel op die plaas. As hy sy groot, bruingebrande hande na weerskante uitgehou het, was dit die teken vir ons om op te hou gesels en ons oë toe te maak vir die kort tafelgebed wat in ál my pa se jare op aarde nooit verander het nie. “Here, ons vra U seën met die gebruik van hierdie liefdesgawe. Maak ons asseblief opreg dankbaar daarvoor.” Ek het eintlik eers as grootmens nagedink oor die woorde van sy gebed. Spesifiek oor die woord liefdesgawe met verwysing na die kos op die tafel voor ons. En oor die opregte dankbaarheid wat ons, wat elke dag genoeg kos het om te eet, behoort te voel. As ’n…

Plekvanmelk enheuning

Aan die voet van die Swartberg, in die betowerende Klein-Karoo, lê Doornkraal, ’n plaas wat gul is met sy gawes, amper soos die spreekwoordelike land van melk en heuning. Hier verfyn die gasvrye Le Roux-familie al sedert die 1800’s die kuns om van die werf na die tafel te leef. “In die winter is dit koesterkos, in die somer kuierkos,” vertel Julia oor hul seisoenale eetgewoontes, en praat mens sommer honger oor die bloedrooi tamaties, soet vrugte en kreunende Kerstafel wat die warm seisoen bring. Sy is een die legendariese Swepie le Roux (87) se sewe kinders, wat uit ’n trotse bloedlyn van kosliefhebbers afstam. Swepie se oupagrootjie PM (Piet) het sy seun, wat begin ernstig raak het oor die buurman se dogter, destyds gewaarsku dat hy dalk die apteek op Oudtshoorn sal…

Plekvanmelk enheuning

‘Ons is wat ons eet’

Sy pa, Hennie, het graag om die Sondagtafel vir gaste vertel dat die aartappels van die plaas kom. Só ook die Bonsmarasteak en die groente uit die tuin. En eendag, het hy bygevoeg, gaan die wyn ook van die plaas af kom. “Ek was baie klein, maar dit het vir my so ’n lekker gevoel gegee,” vertel Bertie Coetzee, wie se groep, Zinkplaat, ’n dekade gelede stil geraak het toe die vier rockers die verhoog verruil het vir onder meer die hofsaal (Beitel van der Merwe is ’n advokaat) en die kassie (Beer Adriaanse is ’n akteur). (Basson Laubscher is darem nog ’n heeltydse musikant.) Vir Bertie en sy vrou, Alette, was dit die roepstem van die familieplaas, Lowerland, naby Prieska. Of soos Bertie sê: “Daar waar die Bo-Karoo hom disnis loop…

‘Ons is wat ons eet’

Gesondheid uit die grond uit

Jy verwag nie sommer om te sien hoe ’n groot Vrystaatse boer ’n traan wegvee nie, maar Danie Slabbert van Reitz kan nie help om deur emosie oorweldig te word wanneer hy vertel hoe mense – selfs kinders – reageer as hulle behoorlike veldvleis van gehalte eet nie. “Mense skrik eintlik as hulle die eerste keer weer natuurlike vleis eet, want dit het smáák. Dis amper soos wyn. ’n Regte wynconnoisseur praat van die pH van die grond en die omgewing, die helling en die humiditeit. Daardie refleksie van die omgewing en die grond en die plantegroei moet jy ook in vleis kan proe,” vertel Danie, wat al bykans kultusstatus as herlewingsboer in Suid-Afrika geniet. “Ek het so vyftien jaar gelede die ahaoomblik gehad waarvan die Amerikaners so graag praat. Ek het…

Gesondheid uit die grond uit

Gelukkige varke vir goeie vleis

Simon Goble is as Engelsman Elsenburg-landboukollege toe, maar drie jaar later het hy so Afrikaans soos boeretroos en beskuit daar uitgestap – al kan nie een van sy ouers Afrikaans praat nie en is sy tweede naam “England”. “Ek is ’n stadsjapie van Rondebosch, maar kon nooit verstaan hoekom ek altyd in die buitelug wou wees toe ek jonger was nie. My pa het op ’n suikerrietplaas in KwaZulu-Natal grootgeword, en ek het uiteindelik besef dis die boerdery wat my lok,” vertel hy oor ’n koppie koffie op Stellenbosch, waar hy by sy meisie, Michelle, kuier. By ’n akwakultuurkursus wat hy op Stellenbosch gevolg het, het Simon twee dinge agtergekom: “Ek het besef visboerdery is nie volhoubaar in die Wes-Kaap nie en ook dat ek Elsenburg-landboukollege toe moet gaan en ’n diploma…

Gelukkige varke vir goeie vleis

Die laaste misterie in die lewe

Hy het net soveel in die Overberg grootgeword as in Kaapstad, want hulle het elke vakansie op Waenhuiskrans deurgebring en oor die jare heelwat van die distrik se boere leer ken, soos die Humans, Albertyns, Pratts, Van der Byls en Van Bredas, vertel die wynboer Bruce Jack van die plaas Appelsdrift by Napier. “Ek is al van jongs af gefassineer deur kos en het van alles gehou. As kinders op Waenhuiskrans sou ons mossels van die rotste haal en ek het visgevang vir die braai. “Tot vandag toe is kos die middelpunt van ons daaglikse bestaan. Ons hou daarvan om as familie saam te kook en te eet, met ál die geterg en mooipratery wat daarmee saamgaan. Maaltye is belangrik – nie vir die kos nie, maar vir die kameraadskap, die argumente,…

Die laaste misterie in die lewe

Sitrus met siel

Wanneer Paul Marais tussen sy sitrusboorde in die Sondagsriviervallei stap, is daar ’n ander gevoel in die lug as 22 jaar gelede. “Jy sien verkleurmannetjies en liewenheersbesies in die bome en jy kry die indruk van gesonde balans,” vertel Paul, wat op die plase Olifantskop, Hippo Pools en Valencia Farms boer, en ook SOGA Organic bestuur. Dis iets wat hy baie jare lank begeer het terwyl hy as bankier in Johannesburg gewerk het. “Ek het op Wellington, ’n dorp in die Boland, grootgeword. My pa het ’n kleinhoewe gehad, maar ook ’n besigheid op die dorp. Hy het nie tyd gehad vir boer nie en dit meestal aan my en my broer oorgelaat om ná skool dinge te doen soos mis uit die kraal in die wingerde in te werk,” vertel Paul…

Sitrus met siel

MIELIE-EN-TAMATIE-BRAAISLAAI Die kombinasie in hierdie heerlike slaai pas by enige braaivleis. 6 groenmielies, heel gekook tot net gaar Olyfolie, vir smeer 4 groot, ryp tamaties, gehalveer, pitte verwyder en in blokkies gesny 150 g spinasie, goed skoongemaak en fyn gesny 60 ml gekapte pietersielie 30 ml gekapte vars kruisement 2 wiele fetakaas, fyn gekrummel Sout en varsgemaalde swartpeper Olyfolie en wit druiweasyn om oor te sprinkel Smeer die mielies met olyfolie en braai dit vinnig oor die kole of in ’n droë pan tot goudbruin. Laat effens afkoel en sny die pitte van die stronke af. Meng die mieliepitte met die res van die slaaibestanddele. Drup ’n bietjie olyfolie en asyn na smaak oor en sit dadelik voor. Lewer 6 porsies. BROS MIELIEKOEKIES Kook mielies tot net gaar, sny die pitte af en gebruik…

Die vierde geslag van die Otto’s het hom onlangs by die res van die familie op die plaas Secrabje in die Waterpoort-omgewing aangesluit. Vertel ons meer van jul boerdery se lang geskiedenis? My oupa, Fanie Otto, het in 1911 hier gekoop en begin boer. Secrabje is ’n Sothowoord vir ’n versameling van water. Hier is ’n natuurlike pan onder op die plaas wat in ’n kwaai reënjaar, gewoonlik so elke tien tot vyftien jaar, vol raak. My pa, Bertus, het in 1964 die boerdery oorgeneem, en tussen 1996 en 2001 het ek en my twee broers, Stefanus en Bertus, plaas toe gekom en die stokkie aangevat. Ons belangstelling in die boerdery het al in ons grootwordjare op die plaas ontstaan, en ons al drie is later landboukollege toe, want dit was eenvoudig ons…

GEROOSTERDE GROENTESLAAI MET ROKET EN BEESVLEIS Groente 1 rooi-ui, in wiggies gesny 1 rooi soetrissie, in repe gesny 1 geel soetrissie, in repe gesny 125 g liggaar groenbone 45 ml olyfolie 2 knoffelhuisies, fyngedruk Sout en peper na smaak Vleis 200 g beesfilet 10 ml dijonmosterd Sout en varsgemaalde swartpeper na smaak 30 ml olyfolie Vars suurlemoensap Slaai 375 ml gemengde slaaiblare, roket en mikrokruie Jogurtslaaisous 60 ml natuurlike jogurt 30 ml water 15 ml mayonnaise 1 knoffelhuisie, fyngedruk Mespunt dijonmosterd Sout, peper en ’n knippie strooisuiker Voorverhit die oond tot 190 °C en voer twee bakplate met foelie uit. Rangskik die ui, soetrissies en groenbone op die een bakplaat. Meng die olyfolie en knoffel en drup oor die groente. Geur met sout en peper en oondrooster tot die groente gaar is, met donker puntjies. Vryf…

Om kalmte tussen beeste te vind

Hoe het jy op Meijers Rust beland? Ek het in Zoeloeland grootgeword, maar was op Oudtshoorn in die weermag, en het verlief geraak op die omgewing. Ons moes vasbyte stap in die weermag en een jaar het ons oor hierdie plaas in Meiringspoort gestap. Die natuurskoon was ongelooflik. Ek het 35 jaar in Kalifornië gebly waar ek eers as tuinier gewerk en toe ’n erdwurmplaas besit het. Wanneer ek Suid-Afrika toe gekom het, het ek altyd verby die plaas gery. In 2002 het dit op die mark gekom en het ek dit gekoop. Dis ’n voorreg om sedert 2010 hier te bly. ‘Die boerderygemeenskap het eintlik die goedkoopste oplossing vir klimaatsverandering, maar ons gaan dit nie hokslaan tensy ons ons boerderymetodes na herlewingslandbou verander nie. Was jy altyd ’n aanhanger van herlewingslandbou? Ek het eers…

Om kalmte tussen beeste te vind

OONDGEBAKTE FRANSE ROOSTERBROODSKOTTEL MET PEKANNEUTE EN KANEEL ’n Makliker bederfontbyt kry jy nie! 4 broodrolletjies van ’n dag oud 4 ekstragroot eiers 125 ml melk 125 ml room 60 ml strooisuiker 5 ml fyn kaneel Vulsel 125 ml fyngekapte pekanneute 30 ml donkerbruinsuiker ’n Knippie seesoutvlokkies Heuning of gouestroop, om af te rond Sny ’n diep kruis in die bokant van elke broodrolletjie en pak die rolletjies teen mekaar in ’n oondbak waarin hulle knus pas. Klits die eiers, melk, room, suiker en kaneel saam en giet oor die rolletjies. Laat staan vir 15-20 minute sodat die brood soveel moontlik van die eiervla kan absorbeer. Voorverhit die oond tot 160 °C. Meng die neute, bruinsuiker en seesoutvlokkies. Maak die broodrolletjies liggies oop waar jy die kruise gesny het en skep ’n groot lepel of…

‘Kos is medisyne’

Hoewel Angus op ’n beesplaas in KwaZulu-Natal grootgeword het, het hy bestuursrekeningkunde geswot en toe in die korporatiewe sektor, by onder meer Goldman Sachs in Londen, gewerk. Wat het jou teruggelok na die boerdery? Dit was darem nie so romanties dat ek die aandelemakelary gelos het om te gaan boer nie. My vorige maatskappy wou my Japan toe stuur, maar ons wou nie ons jong kinders in Tokio grootmaak nie. Ek en my vrou het toe die geleentheid gekry om ’n plaashuis van natuurlike materiale op die plaas Spier naby Stellenbosch te bou, en het baie geleer oor omgewingsvriendelike boumetodes. ‘Ek dink die vraag na goeie, voedsame kos neem toe. Ál meer mense besef dis nie waar dat ’n pil alles kan regmaak nie. Dan stel hulle ondersoek in en ontdek hulle hoe…

‘Kos is medisyne’

GEVULDE ONTBYTTAMATIES Almal se gunsteling-onbytkombinasie – tamatie, eier en bros spekvleis – maar op ’n ander manier voorgesit. 6 groot tamaties Olyfolie Sout en varsgemaalde swartpeper 30 ml sondroëtamatie-pesto 1 pak (200 g) repiespek 6 jumbo eiers Voorverhit die oond tot 190 °C. Sny ’n klein deel aan die bokant van elke tamatie af (hou dit eenkant, dit word later weer gebruik). Gebruik ’n teelepel met ’n skerp rand en skep die vlees en pitte uit die tamatie. Bedruip die binnekant van elke tamatie liggies met olyfolie en geur met sout en peper. Draai een of twee repe spek om elke tamatie en steek vas met ’n peuselstokkie om die spek in plek te hou. Breek ’n eier in elke tamatie. Geur bo-op met sout en peper en sit die tamaties se…

Kosbare kleinode propvol geur

Plomp, gestreep, selfs pers of swart en soms met aardige fatsoene, is dié tamaties met hul onverbeterlike geur gewoonlik die ster van enige slaai. Hoe het jul erfenistamatie-boerdery tot stand gekom? Ons het in Desember 2021, wat baie laat in die seisoen is, daarmee begin. Ek moes inderhaas ons dinge agtermekaar kry om twee tonnels vol tamaties en komkommers te plant. Dit was ’n eksperimentele jaar, en die jaar daarna het ons tonnelproduksie baie toegeneem. Vandag boer ons in 44 tonnels! Buiten die tamaties, plant ons ook gewasse soos eiervrugte, kruie, murgpampoentjies, pampoen, soetrissies en brandrissies, boontjies, waatlemoen, borrie, gemmer en snyblomme. Ons het verlede jaar selfs katoen gekweek! Ons eksperimenteer ook met meer as vyftig soorte erfenistamaties. Ek het soveel moontlik soorte in verskillende kategorieë (jy kry geles, groenes, oranjes, rooies…

Kosbare kleinode propvol geur

RICOTTA-ONTBYTPLAATKOEKIES Ricotta gee aan hierdie plaatkoekies ’n ligte tekstuur en ’n baie lekker geur. 250 ml koekmeel 5 ml bakpoeier 20 ml strooisuiker 1 ml sout 180 ml melk 2 ekstragroot eiers 2 ml vanieljegeursel 250 ml ricotta Botter en olie, vir braai Meng die droë bestanddele in ’n mengbak. Klits die melk, eiers, vanieljegeursel en ricotta saam en voeg by die droë bestanddele. Roer liggies tot net-net gemeng. Verhit ’n bietjie botter en olie oor matige hitte in ’n pan. Skep eetlepels vol van die beslag in die pan en braai tot goudbruin aan albei kante en deurgaar. Sit die plaatkoekies voor met heuning en bros spekvleis. Lewer 24 plaatkoekies. VOLGRAAN-KARRINGMELK-EN-KLAPPERBESKUIT My familie se gunsteling-ontbytbeskuit – al die lekkerte van karringmelk en geurige klapper, met die goedheid van vesel. 1 kg volkoringmeel 500…

‘Onsgloindienatuur’

Met al die koring wat in die Wes-Kaap verbou word, kan dit gesien word as die land se broodmandjie. Hoekom aard koring so goed hier? Die vorige geslagte sal vir jou sê ons is nie koringwêreld nie – dis die Swartland se gewas. Hulle het geglo koring maak dit nie in ’n droë jaar by ons nie, maar gars is soos ’n onkruid, jy kan dit enige tyd plant. Danksy bewaringsboerdery het ons nou soveel meer ondergrondse vog dat ons meer vertroud raak met koring. Die koringkultivars het ook beter geraak en kan droogte beter hanteer. Hoe lank boer julle al op Vlakkloof? Ek is die vyfde geslag. My oupa (ook Niel) was ’n Merino-stoetboer, maar my pa, Daniel, het dit verander na Dohne-Merino’s. Ek het ontslae geraak van die vee, want die somme…

‘Onsgloindienatuur’

Plaasvars vir jou FEESTAFEL

ANDREW EMSLIE TAMATIEBOER Julle is voorstanders van herlewingslandbou. Hoe pas julle dit toe? Al ons afvalmateriaal, soos tamatieblare, groeimedium en afvalwater, word herwin en op grasweidings vir vee gebruik. Ons verbeter mikrobiologiese lewe in die grond met biologiese produkte en kies chemikalieë met ’n lae impak, maar hoop om na ’n stelsel oor te skakel waar ons drasties minder chemikalieë kan gebruik. Dis nie ’n eenvoudige proses nie en verg proewe op kleiner skaal voor ons dit in werking stel. Dis ’n opwindende, nuwe veld, maar ’n duur proses, want ’n mens leer deur te probeer. Hoekom is dit belangrik dat tamaties aan die rankie ryp word? Hoe langer die vrugte aan die rankie is, hoe beter is die geur. As dit sonder die kelk en nie op die rankie gepluk word nie, is…

Plaasvars vir jou FEESTAFEL

Meesterklas oor ’n koppie tee

Ek was bevoorreg om Peter Veldsman my vriend te noem. Ons het mekaar amper 25 jaar gelede ontmoet toe ek in kosjoernalistiek begin werk het, maar die eerste klompie jaar het ek hom net van ’n afstand af bewonder. In my wêreld van resepte, kostydskrifte en kookboeke het Peter op die hoogste sport gestaan. Heel bo. Ek dink terug aan ontmoetings met hom deur die jare. By die jaarlikse Galliovakosskrywerstoekennings, mediafunksies by nuwe restaurante en boekbekendstellings. Peter was altyd die middelpunt, ’n sjarmante gentleman wat met enigiemand oor enigiets kon praat. Ons vriendskap het verdiep toe ek my ma drie jaar gelede verloor het, en my pa nie lank daarna nie. Peter was daar om te troos, en in my grootste kosheld het ek iemand gevind by wie daardie vreeslike verlange…

Meesterklas oor ’n koppie tee

Jan Hendrik – kosheld geanker insy komvandaan

Dit is laat in Julie, hoogsomer in Europa en die Olimpiese Spele in Parys is in volle swang. Frankryk krioel van die toeriste en eetplekke bars uit hul nate. Nogtans laat weet Jan Hendrik hy sal graag tyd maak vir ’n onderhoud. Hy verskyn vroegoggend op my rekenaarskerm met ’n koppie koffie in die hand, so gaaf, eg en sonder pretensie soos jy jou ’n plaaskind uit Middelburg sal voorstel; nie Suid-Afrika se suksesvolste uitvoerproduk in die kosbedryf nie. “Die hele Frankryk is nou vol Suid-Afrikaners en hulle het eenvoudig nie einde nie!” gesels hy laggend oor die vorige aand se laat kuier saam met gaste by sy Michelinster-restaurant, JAN, in die Franse kusstad Nice. ‘OUMAS IS ALLES’ Elke storie het ’n begin. Jan Hendrik s’n begin aan die tafels van sy ma…

Jan Hendrik – kosheld geanker insy komvandaan

’n Mondvol soet vir die feestyd

KOEKIES VIR KERSFEES FUDGE-BISCOTTI Perfekte klein bros happies om ná ete saam met koffie of soetwyn voor te sit, maar net so lekker om in jou koffie of tee te doop. Dié biscotti het ’n subtiele speserygeur. 1 ekstragroot eier 1 ekstragroot eierwit 125 ml kookolie 200 ml suiker 5 ml vanieljegeursel 180 ml grof gekrummelde fudge 400 ml koekmeel 2 ml gemengde speserye 4 ml kaneel 1 ml sout 7 ml bakpoeier Klits die eier, eierwit, olie, suiker en vanieljegeursel saam. Voeg die gekrummelde fudge, meel, gemengde speserye, kaneel, sout en bakpoeier by en meng tot ’n deeg vorm. Bedek en verkoel vir 2 uur. Voorverhit die oond tot 180 °C en voer ’n groot bakplaat met bakpapier uit. Spuit liggies met kleefwerende kossproei. Verdeel die deeg in twee en vorm in…

’n Mondvol soet vir die feestyd

Veels geluk, Pinotage!

“Pino Fin (pa) x Hermitage 10e stok van bo self,” lees prof. Abraham Izak Perold se tweede inskrywing op 17 November 1924 oor die sewe wingerdkruisings wat hy daardie dag op Nietvoorbij naby Stellenbosch gemaak het. In 1925 – vanjaar ’n eeu gelede – het hierdie kruising tussen Pinot noir en Cinsault (destyds bekend as hermitage) belofte begin toon en Perold het dit na die pa en ma (pino-en -tage) genoem. Perold het dalk nie toe besef watter rimpeling dit mettertyd in die plaaslike én internasionale wynbedryf sou veroorsaak nie, maar in sy hart het hy waarskynlik die hoop gekoester om ’n kultivar te skep wat goed aanpas by Suid-Afrikaanse toestande, maar met die lieflike geure van Pinot noir. Perold het die eerste vier Pinotage-stokkies in sy tuin geplant, waar dit so…

Veels geluk, Pinotage!

Omdat my ouers albei gewerk het, het ek vir die grootste deel van my voorskoolse jare op Knuyswagendrift, my oupa Cilliers se plaas aan die voet van die Elandsberg, gebly. Die opstal was ’n groot Edwardianse H, met stoepe aan weerskante en net so ’n groot solder bo-op. Onderdak was ’n ingangsportaal, voorhuis, ses slaapkamers, brekfiskamer, spens en kombuis. Gedurende my kinderjare was daar nie ’n badkamer nie, maar elke slaapkamer het ’n kom en beker gehad waarmee jy jou kon was, terwyl ’n draagbare bad en skottels kookwater as badkamer diens gedoen het. Daar was ook geen lopende water nie. Water is van die watersloot so 100 meter van die woonhuis af, in emmers aangedra. Die water is in die boiler van die groot houtstoof gegooi en in wasbekers getap.…

Ek het so lekker gekyk na al julle plaasdierfoto’s, en veral die stories wat julle daarby geskryf het baie geniet. Een van ons LandbouKIND-lesers, Janca Ritter, het ná die sluitingsdatum van die plaasdierfotokompetisie vir my ’n boodskap gestuur om te vra of ons weer ’n fotokompetisie kan hou. Sy wil so graag ’n foto van haar bababoerboel, Jessie, instuur, want sy glo dis die mooiste hondjie op aarde. En toe dink ek: Hoekom nooi ek nie sommer julle almal uit om vir my te skryf en foto’s van julle troeteldiere te stuur nie? Vra jou ma of pa om te help en stuur jou foto’s na aduplessis@landbou.com. Laat weet wat jou troeteldiere se name is en vertel vir my iets oor elkeen. Dan deel ons in die volgende uitgawe van…

ONS HOU HIERVAN

KOEL KOSBLIKKE Vanessa Gardner, ’n Kaapstadse ma van drie, het ontsettend gefrustreerd geraak met die daaglikse taak van kosblikke pak. Hoe hou ’n mens alles mooi, vars en uit mekaar? Hoe keer jy dat jou kinders se skoolkos teen pousetyd ’n onaantreklike mengelmoes is? Sy het begin planne maak om self met ’n oplossing vorendag te kom – die resultaat was Crunchbox, ’n sterk, lekvrye kosblik met kompartemente wat goeie porsiebeheer bevorder. Dit is te kry in ’n magdom ontwerpe en kleure vir kinders van alle ouderdomme. Op www.mycrunchbox.co.za kan jy jou eie kosblik ontwerp teen R449. Talle bykomstighede soos waterbottels (R370), asook koelsakke (R349) is op die webtuiste beskikbaar. SUPERSJOKOLADEMELK NOMU is bekend vir geriefskosprodukte van uitstekende gehalte. Hul nuwe NOMU Chocmilk is geen uitsondering nie. Hierdie sjokolademelkpoeier bevat 45% minder suiker as enige…

ONS HOU HIERVAN

Geskenke uit die kombuis

VIR DIE SOETTANDE Sjokolade-en-malvalekkerfudge 500 ml ligbruinsuiker 3 ml sout 120 g botter of volvetmargarien 750 ml fyngesnipperde malvalekkers 250 ml room 500 g melk-of donkersjokolade, gekap Smeer ’n koekpan van 30 x 15 cm goed en voer uit met ’n vel bakpapier. Verhit die suiker, sout, botter, malvalekkers en room saam en roer aanhoudend tot die suiker en malvalekkers gesmelt is. Verhit tot kookpunt en prut vir vyf minute terwyl steeds geroer word. Verwyder van die hitte en roer die sjokolade by tot die mengsel glad is. Giet in die voorbereide pan en laat staan oornag tot ferm. Sny in skywe of blokkies. Voer ’n mooi boksie met sneespapier uit en verpak die fudge daarin. Lewer 50 blokkies. Vir dié fluweelgladde fudge het jy nie ’n suikertermometer of enige ingewikkelde kouewatertoetse nodig…

Geskenke uit die kombuis

Tuis in die kombuis

So al geselsende berei Lara hoenderfilette voor vir die burgers wat ons wil afneem. Dié talentvolle graad 7-leerder aan die Laerskool Hugo Rust in Wellington is so gemaklik in die kombuis dat ’n span grootmense, onder wie ’n fotograaf, haar nie van stryk bring nie. “Kosmaak is in ons bloed. My oumas én my ma maak baie lekker kos, en my ma se suster het haar eie restaurant. So ek het grootgeword met mense wat kosmaak,” vertel sy terwyl sy behendig ’n paar eiers skei vir pavlova. “My pa is ook lief vir kos, maar meer om lekker kos te eet!” sê sy laggend. Haar eintlike liefde is om te bak. Sy vertel hoe sy sommer vroeg op laerskoolal sjokoladekolwyntjies gebak het om te verkoop. “Toe ek begin het, het my kolwyntjies…

Tuis in die kombuis

LAAT WAAI MET ’N LUGBRAAIER!

ONTBYT Franse roosterbrood met graanvlokkiekors Lewer 4 porsies. WAT JY NODIG HET 4 eiers 30 ml strooisuiker 45 ml melk 4-6 snye witbrood 625 ml graanvlokkies Heuning, om voor te sit VOOR JY BEGIN Voorverhit die lugbraaier tot 170 ˚C. 1 Klits die eiers, strooisuiker en melk goed saam en giet in ’n vlak bak. Week die brood vir ongeveer 30 sekondes aan elke kant in die eiermengsel. 2 Maak die graanvlokkies fyn met jou vingerpunte (of skep dit in ’n sak wat kan seël en rol daaroor met ’n koekroller om dit fyn te maak). Haal die brood uit die eier en bedek aan elke kant met die fyn graanvlokkies. 3 Pak twee snye brood op ’n slag (mits jy dit in ’n enkellaag langs mekaarkaninpas) indielugbraaier se mandjie. Lugbraai vir 4 minute tot goudbruin en bros.…

LAAT WAAI MET ’N LUGBRAAIER!

WAT IS JOU NOMMER?

Kry al die resepte wat jy nodig het vir plaatkoek, versiersel en ander lekkernye by Lambert of Samuel in hierdie afdeling. ’n Langbeen vir EEN ’n Kameelperd met vier lang bene en ’n ellelange nek is net die regte kalant vir ’n eersteverjaardag-koek. KAMEELPERDKOEK BESTANDDELE 1 plaatkoek 750 ml ligpers botterversiersel 250 ml oranje botterversiersel 80 ml groen botterversiersel 20 ml swart botterversiersel 80 ml-mengsel van groot geel en oranje Astro’s 4 groot pers Astro’s 60 ml-mengsel van geel, oranje en pers mini-Astro’s 1 sjokolade-wafelbeskuitjie ANDER BENODIGDHEDE Skerp tandjiesmes Gladde paletmes Sosatiestokkie 1 groot spuitsak 2 klein spuitsakke Geroosterde klapper of fyngekrummelde koekies, om koekbord te bedek Verjaardagkersie MAAK SÓ: 1 Sny ’n groot syfer een uit die plaatkoek met ’n skerp tandjiesmes (hou afvalstukke koek eenkant vir ander lekkernye – lees Samuel se wenk regs onder). 2…

WAT IS JOU NOMMER?

DOEN-DIT-SELF HANDWERK

Versierdit feestelik! Gebruik die vakansie om jou eie geskenkpapier en Kersklappers te maak met herwinbare papierrolletjies. Dit sal jou familie se Kersfees behoorlik opvrolik. WAT JY NODIG HET Papierrolletjies in verskillende lengtes (soos dié waarom toilet-of kombuispapier gedraai word) Ongedrukte koerantpapier en skuimpapierplakkers Akrielverf en ’n vlak bakkie Lekkernye en geskenkies Sneespapier in Kerskleure Tou, lint en kristalkrale Gomstiffie, maskeerband, kleeflint en skêr VERFROLLER Plak skuimpapierplakkers in ’n eweredige patroon op lang papierrolle. As jy nie plakkers het nie, sny jou eie vorms uit skuimpapier en plak dit met sterk gom vas. KERSKLAPPERS Vul leë papierrolletjies met allerhande lekkernye en geskenkies – een vir elke gas aan jul Kerstafel. Knip sneespapiervelle in kwarte. Lê twee lae papier bo-op mekaar neer. GESKENKPAPIER Vou die ongedrukte koerantpapier plat oop op ’n tafelblad. Rol jou verfroller deur die…

DOEN-DIT-SELF HANDWERK

SO LYK ONS PLAASDIERFOTO’S!

SO LYK ONS PLAASDIERFOTO’S!

Baie geluk aan ons twee wenners, Lleyton en Markus! Julle elkeen wen ’n vet kontantprys van R1 000 met die komplimente van ons vriende by SENWES. Snaakse plaasdierfoto ‘Ek proe net gou of dit lekker genoeg is, Spice!’ Lleyton vertel: Ek is Lleyton van der Haer en woon in die Oos-Vrystaat. Ek is al van kleins af ’n ware boerseun. Ek is baie lief vir die plaaslewe, veral vir die diere. Ons boer met gewasse soos mielies, sonneblomme, sojabone en koring, en ons het baie plaasdiere. My gunsteling-plaasdier is my perd, Spice. Sy is regtig my beste maatjie. As dit voertyd is, sal Spice wortels uit my mond eet! As my mamma dit sou toelaat, sou ek vir Spice in ons huis laat bly en haar saam met my op my bed laat slaap…

Dorperskape en haar perde maak Janelda gelukkig

Sy is gek na die plaaslewe, en daar is niks anders wat sy eerder wil doen as om te boer nie, vertel Janelda. “Ek maak éérs tyd vir my diere en dán my huiswerk,” sê sy ernstig. Haar ouma, Nellie Bester, wat saamgesels, sê sy dink Janelda se gunstelingvak is pouse. “Dis vir haar baie lekkerder om buite te wees as vasgekeer tussen die vier mure van ’n klaskamer.” Dit kan ook nie anders nie, want Janelda volg van kleins af in haar oupa, Willie Bester, se voetspore. Hy boer met Dorpers op die plaas Mexico, tussen Vryburg en Stella in Noordwes. Dit is oupa Willie wat ’n liefde vir perdry by haar gekweek het, vertel Janelda. “My oupa boer ook met Hackney-perde en ons skou hulle in die Kaap. Een…

Dorperskape en haar perde maak Janelda gelukkig

Derrick wil net trekker ry en boer

Toe ons uiteindelik ’n kans kry om te gesels, hoor ’n mens die rustigheid van die plaas in sy stem en manier van praat. Hy vertel spontaan dat hy graag elke dag tyd maak om net in die natuur te sit en die sonsondergang te bewonder. “Ek is op my gelukkigste as ek net die stilte en die mooi van die natuur kan geniet,” sê Derrick. Hy woon saam met sy gesin op ’n kleinhoewe naby Vanderbijlpark. Hier het Derrick sy eie skape en plant hy saam met sy oupa, Derrick Delport, voer vir die skape aan. Hulle huur ook heelwat landerye om voer op te plant. Waar kom sy liefde vir boerdery vandaan? Dit het begin by ’n oupa wat vir ’n klein knapie ’n groot uitdaging gestel het. “Toe ek vyf…

Derrick wil net trekker ry en boer

KOPKRAPPERS, WOORDSPELETJIES, GRAPPIES EN ’N LEESFEES!

SKUIF DIE LETTERS DIERE & VOËLS Kyk of jy die letters in die regte volgorde kan kry om te sien watter 20 soorte diere en voëls kruip hier weg. WOORDSOEK WOORDSOEK 1 BY DIE SEE Soek op, soek af, soek kruis en dwars . . . Lees van links na regs en terug . . . en kyk of jy al 30 WOORDE kan opspoor wat iets met DIE SEE te doen het! WOORDSOEK 2 IN DIE TUIN Nou raak dit heelwat moeiliker! Kyk of jy al 50 TUINWOORDE kan kry wat tussen die blokkies wegkruip. 1. KUNSMIS 2. MOS 3. SPROEIER 4. SLAKKE 5. ONKRUID 6. BLOMBOLLE 7. WORTELS 8. TUINSLANG 9. WILGERBOOM 10. ERDWURMS 11. GIETER 12. KRUIWA 13. GRAAF 14. PYPE 15. BEDDING 16. GRONDBEDEKKING 17. GRASSNYER 18. HARK 19. PLANTJIES 20. VETPLANT 21. BLOMME 22. WATERWYS 23. KOMPOS 24. HIDROPONIKA 25. GROND 26. SPINNERAK 27. WATERTENK 28. MOL 29. POTTE 30. TUINIER 31. BYE 32. GRUISKLIPPIES 33. RANKPLANTE 34. LELIES 35. BOOMBAS 36. ROSE 37. TOR 38. BLARE 39. KRIEKE 40. GRASSAAD 41. INSEKTE 42.…

KOPKRAPPERS, WOORDSPELETJIES, GRAPPIES EN ’N LEESFEES!

Lekkerleesboeke vir die lang vakansie

MY HART IS OPPI PLAAS Wendy Maartens (met illustrasies deur Linki Brand), Lapa Uitgewers R110 Kry al jou inkleurpotlode bymekaar, soek ’n lekker plek onder ’n boom of op ’n baal en begin inkleur! My hart is oppi plaas is egter baie meer as net ’n inkleurboek. Dit bevat ook 22 eg Afrikaanse gesegdes en idiome en interessante feite oor plaasdiere. Dis die perfekte boek om te leer terwyl jy speel. JANI JONKER GLOEI IN DIE DONKER Fanie Viljoen, Lapa Uitgewers R160 Een aand, terwyl Jani Jonker vuurvliegies jag, verras ’n besonder helder vliegie haar. Maar toe die vuurvliegie haar byt, is sy minder beïndruk. Daardie aand in die bed gebeur ’n vreemde ding: Jani begin in die donker glim! Sy besef sy gaan die bespotting van die skool wees. Hoe gaan sy die geheim…

Lekkerleesboeke vir die lang vakansie

LAG ′N BIETJIE!

DIEREMANIERE Wat doen koeie graag in hul vrye tyd? Gaan kyk ’n mooooovie! Watter kant van ’n hoender het die meeste vere? Die buitekant. Wat noem jy ’n vlieg sonder vlerke? ’n Loop. Watter soort hoender is die snaaksste? ’n Komedi-haan! Waar het die twee verliefde visse ontmoet? Aanlyn. Watter soort kat kroek altyd as jy teen hom Monopoly speel? ’n Cheetah! Hoekom swem haaie net in soutwater? Want peper laat hulle nies. Hoekom is olifante so gekreukel? Want dit vat te lank om hulle te stryk! Wat is ’n towenaar se gunstelingsoort hond? ’n Labrakadabrador! Wat moet jy doen om vriende te maak met ’n eekhoring? Maak of jy ’n akker is. KAN JY RAAI…? Wat gebruik die wetenskap onderwyseres om haar asem vars te hou? Eksperi-mente. Wat is die beste manier om met ’n reus te praat? Gebruik groot woorde. Hoekom is…

LAG ′N BIETJIE!

AL DIE ANTWOORDE

SKUIF DIE LETTERS Bladsy 47 1. Gemsbok 2. Bakoorjakkals 3. Jagluiperd 4. Volstruis 5. Bosvark 6. Bergskilpad 7. Akkedis 8. Boerbok 9. Skaaphond 10. Kameelperd 11. Kokketiel 12. Arend 13. Lemoenduif 14. Wildehond 15. Springbok 16. Hoender 17. Pikkewyn 18. Olifant 19. Pofadder 20. Tarentaal VASVRA Bladsy 50-51 HOOFSTEDE 1. Gaborone 2. Tokio 3. Athene 4. Helsinki 5. Nairobi 6. Kopenhagen 7. Jerusalem 8. Parys 9. Bangkok 10. Windhoek BEROEPE 1. Argitek 2. Bloemis 3. Astronoom 4. Paneelklopper 5. Chirurg 6. Smous 7. Psigiater 8. Petroljoggie 9. Onderwyser 10. Pediater BLOKKIESRAAISEL Bladsy 52-53 SPROKIESLAND DWARS (3) Gouelokkies (4) Dwergies (7) Aspoestertjie (10) Raponsie (11) Skoonlief (13) Rooikappie AF (1) Hansie (2) Repelsteeltjie (5) Klere (6) Brolloks (8) Jan (9) Ertjie (12) Wolf (14) Prins DIERETUIN DWARS (4) Olifant (5) Meerkat (8) Krokodille (10) Volstruis (12) Kameelperd (13) Koalabeer (15) Jagluiperd (18) Panda AF (1) Kokketiel (2) Flamink (3) Vlermuis (6) Bergskilpad (7) Tier (9) Wolf (11) Seekoei (14) Gorilla (16) Luislang (17) Pikkewyn SUDOKU 1 Bladsy 54 2 Bladsy 55…

AL DIE ANTWOORDE

In This Issue

Description

Details

Reviews

Recent Digital Issues Browse all

Recent Landbou Boerekos Digital Issues Browse all back issues

Landbou Boerekos (Digital) Subscription March 1st, 2021 Issue

Landbou Boerekos (Digital) Somer 2021-2022: $2.64

Landbou Boerekos (Digital) Subscription October 22nd, 2020 Issue

Landbou Boerekos (Digital) Somer 2020-2021: $2.64

Landbou Boerekos (Digital) Subscription May 25th, 2020 Issue

Landbou Boerekos (Digital) Winter 2020: $2.64

Landbou Boerekos (Digital) Subscription October 10th, 2019 Issue

Landbou Boerekos (Digital) Somer 2019-2020: $2.64

Landbou Boerekos (Digital) Subscription March 22nd, 2024 Issue

Landbou Boerekos (Digital) Herfs & Winter 2024: $2.72

Landbou Boerekos (Digital) Subscription August 3rd, 2023 Issue

Landbou Boerekos (Digital) Lente & Somer 2023: $2.64

Landbou Boerekos (Digital) Subscription March 24th, 2023 Issue

Landbou Boerekos (Digital) Winter 2023: $2.64

Landbou Boerekos (Digital) Subscription October 18th, 2022 Issue

Landbou Boerekos (Digital) Somer 2022-2023: $2.64

Landbou Boerekos (Digital) Subscription April 29th, 2022 Issue

Landbou Boerekos (Digital) Winter 2022: $2.64

Landbou Boerekos (Digital) Subscription May 10th, 2021 Issue

Landbou Boerekos (Digital) Winter 2021: $2.64

Landbou Boerekos (Digital) Subscription March 1st, 2021 Issue

Landbou Boerekos (Digital) Somer 2021-2022: $2.64

Landbou Boerekos (Digital) Subscription October 22nd, 2020 Issue

Landbou Boerekos (Digital) Somer 2020-2021: $2.64

Landbou Boerekos (Digital) Subscription May 25th, 2020 Issue

Landbou Boerekos (Digital) Winter 2020: $2.64

Landbou Boerekos (Digital) Subscription October 10th, 2019 Issue

Landbou Boerekos (Digital) Somer 2019-2020: $2.64

Landbou Boerekos (Digital) Subscription March 22nd, 2024 Issue

Landbou Boerekos (Digital) Herfs & Winter 2024: $2.72

Landbou Boerekos (Digital) Subscription August 3rd, 2023 Issue

Landbou Boerekos (Digital) Lente & Somer 2023: $2.64

Landbou Boerekos (Digital) Subscription March 24th, 2023 Issue

Landbou Boerekos (Digital) Winter 2023: $2.64

Landbou Boerekos (Digital) Subscription October 18th, 2022 Issue

Landbou Boerekos (Digital) Somer 2022-2023: $2.64

Customers Also Viewed

Landscape Design　ランドスケープデザイン Magazine (Digital) Subscription February 24th, 2025 Issue

Landscape Design　ランドスケープデザイン Magazine (Digital)

6 Issues: $60.42 ~~$64.14~~

Landscape Design Archives　ランドスケープデザイン　アーカイブズ (Digital) Subscription October 9th, 2013 Issue

Landscape Design Archives　ランドスケープデザイン　アーカイブズ (Digital)

Vol.5: $6.34

La Revue du Vin de France Hors-série (Digital) Subscription

La Revue du Vin de France Hors-série (Digital)

HS 35: $6.26

Kindle For Beginners Magazine (Digital) Subscription June 20th, 2013 Issue

Kindle For Beginners Magazine (Digital)

Kindle For Beginners 1st Revised Edition: $8.99

Lättbakat Magazine (Digital) Subscription March 1st, 2020 Issue

Lättbakat Magazine (Digital)

Lättbakat: $2.57

L´Officiel Chile Magazine (Digital) Subscription October 1st, 2024 Issue

L´Officiel Chile Magazine (Digital)

4 Issues: $23.00 ~~$26.00~~

Octane Magazine (Digital) Subscription April 1st, 2025 Issue

Octane Magazine (Digital)

12 Issues: $64.12 ~~$75.24~~

L'Auto-Journal 4x4 Magazine (Digital) Subscription December 20th, 2024 Issue

L'Auto-Journal 4x4 Magazine (Digital)

4 Issues: $19.21 ~~$26.44~~

Le Chasseur Français Magazine (Digital) Subscription February 21st, 2025 Issue

Le Chasseur Français Magazine (Digital)

12 Issues: $23.37 ~~$45.12~~

Le Fana De L'aviation (Digital) Subscription December 1st, 2021 Issue

Le Fana De L'aviation (Digital)

No. 625: $6.74

Landscape Design　ランドスケープデザイン Magazine (Digital) Subscription February 24th, 2025 Issue

Landscape Design　ランドスケープデザイン Magazine (Digital)

6 Issues: $60.42 ~~$64.14~~

Landscape Design Archives　ランドスケープデザイン　アーカイブズ (Digital) Subscription October 9th, 2013 Issue

Landscape Design Archives　ランドスケープデザイン　アーカイブズ (Digital)

Vol.5: $6.34

La Revue du Vin de France Hors-série (Digital) Subscription

La Revue du Vin de France Hors-série (Digital)

HS 35: $6.26

Kindle For Beginners Magazine (Digital) Subscription June 20th, 2013 Issue

Kindle For Beginners Magazine (Digital)

Kindle For Beginners 1st Revised Edition: $8.99

Lättbakat Magazine (Digital) Subscription March 1st, 2020 Issue

Lättbakat Magazine (Digital)

Lättbakat: $2.57

L´Officiel Chile Magazine (Digital) Subscription October 1st, 2024 Issue

L´Officiel Chile Magazine (Digital)

4 Issues: $23.00 ~~$26.00~~

Octane Magazine (Digital) Subscription April 1st, 2025 Issue

Octane Magazine (Digital)

12 Issues: $64.12 ~~$75.24~~

L'Auto-Journal 4x4 Magazine (Digital) Subscription December 20th, 2024 Issue

L'Auto-Journal 4x4 Magazine (Digital)

4 Issues: $19.21 ~~$26.44~~

Reviews

0

0

0

0

0

No reviews yet

Ask a Question

Click stars to rate

Please select a rating for the review.

Please enter title for the review.

Please enter content for the review.

Please enter order number.

Please enter your first name and last name.

Only letters allowed for first name and last name.

Please enter your email.

Cancel Submit

Processing...

Thank you for your feedback! Your review has been submitted and will be published soon.

OK

Be the first to ask a question about this product

Please enter content for the question.

Please enter at least 10 characters.

Your question can not be more than 150 characters.

Please enter your first name and last name.

Only letters allowed for first name and last name.

Please enter your email.

Submit Processing...

Thank you for your question! Your question has been submitted and will be published soon.

Answer this question

Please enter content for the answer.

Please enter at least 10 characters.

Please enter your first name and last name.

Only letters allowed for first name and last name.

Please enter your email.

Submit Cancel Processing...

Thank you for your answer! Your answer has been submitted and will be published soon.

OK

×