Magzter Gold (Sitewide AU)

Magzter Gold (Sitewide AU)

Digital Delivery

Huisgenoot: Het jy Geweet? July 4th, 2019 Digital Back Issue Cover

Huisgenoot: Het jy Geweet? Magazine (Digital)

(0)

Single Digital Issue

Huisgenoot: Het jy Geweet? 2019

$3.08

Powered By Zinio

Zinio

Satisfaction Guaranteed

Instant Start

Also available on ZINIO Unlimited logo

Get unlimited access to Huisgenoot: Het jy Geweet? Magazine (Digital) & 5000+ other magazines

1-month free trial

Renews at $8.99/month after trial.
Cancel anytime.

Get unlimited access to Huisgenoot: Het jy Geweet? Magazine (Digital) & 5000+ other magazines. Renews at just $8.99/month after trial. Cancel anytime.

Start Trial Learn more

49 Articles

VAN DIE REDAKTEUR

HET JY GEWEET? DIS al Huisgenoot se derde uitgawe van Het Jy Geweet? en met elke tydskrif besef ek opnuut hoe min ons eintlik oor die fassinerende wêreld om ons weet en hoe lekker dit is om iets nuuts te leer. En die heerlikheid daarvan om nuuskierige kinders te hê, is dat ons saam met hulle slimmer word wanneer ons hul baie vrae oor die wêreld probeer beantwoord. My sewejarige dogtertjie is tans behep met diere. Ons kyk dus gereeld programme oor allerhande gediertes of lees boeke daaroor, en so word die hele gesin amper terloops allerhande interessante feite wys. Ek weet my dogtertjie gaan versot wees op die nuutste uitgawe van Het Jy Geweet?, want dit bevat ’n groot afdeling oor diere. Dit sluit in Groot Diere (wat op bl. 6 begin)…

VAN DIE REDAKTEUR

HULP MET HUISWERK

klaskamer.huisgenoot.com Kry temas in ’n verskeidenheid leerareas, soos: fisiese wetenskappe natuurwetenskappe sosiale wetenskappe tegnologie rekeningkunde wiskunde wiskundige geletterdheid besigheidstudies kuns en kultuur lewensoriëntering NET R10 OF R15 PER ARTIKEL! KOOP DIT SO KIES JOU ARTIKELS Gaan na klaskamer.huisgenoot.com en tik die onderwerpe in waaroor jou kind inligting nodig het. Jy kan eers kyk hoe die artikels lyk. Plaas die aankope in jou mandjie. Elke artikel kos tussen R10 en R15. Beweeg na die betaalpunt. VEILIGE EN BETROUBARE BETAALPROSES Kies of jy met ’n kredietkaart of elektroniese oorplasing (EFT) gaan betaal. As die kredietkaarttransaksie afgehandel is, sal jy die inligting onmiddellik kan aflaai. Jy sal ’n e-pos ontvang met skakels waar jy dit kan aflaai. As jy ’n elektroniese oorplasing doen, sal jy eers jou aankope ontvang wanneer die betaling in ons rekening wys. Jy sal…

HULP MET HUISWERK

HOEWEL alle olifante dalk vir jou dieselfde lyk, word hulle in twee hoofgroepe verdeel: Afrika- en Asiatiese olifante. Die Afrikaolifant is groter as die Asiatiese olifant en het groter ore en meer hare op sy lyf. Olifante word dikwels as aggressiewe diere beskou, maar hulle is eintlik sagmoedige reuse en baie emosionele wesens. Dis die enigste dier wat rou oor die dood en hy trompetter wanneer hy huil of ontsteld is. Die Afrika-olifant is die grootste soogdier op land en kan tot sowat 70 jaar oud word, amper so oud soos die gemiddelde mens. WAAR KOM HULLE VOOR? Daar is twee soorte Afrika-olifant. Die Afrikabosolifant kom op die grasvlaktes van Afrika suid van die Sahara voor. Hulle is heelwat groter as die Afrika-woudolifante, wat in die sentrale en westelike dele van Afrika…

LEEUS is die naasgrootste lede van die katfamilie; net tiers is groter. Tog word die leeu in fabels en legendes dikwels koning van die oerwoud genoem. Byna alle leeus kom in die gebied suid van die Sahara voor, maar daar is ook ’n klein bevolking in ’n beboste gebied in Asië. Die Asiatiese leeu is kleiner as die Afrika-leeu. Ons kyk hier na die bou en lewe van die Afrika-leeu. WAAR IN AFRIKA KOM HULLE VOOR? Afrika-leeus word aangetref in Suid-Afrika, Angola, Botswana, Mosambiek, Tanzanië, Suid-Soedan en ander dele van Sentraal-Afrika suid van die Sahara-woestyn. HOE GROOT IS DIÉ KATTE? Leeus weeg gewoonlik tussen 120 en 190 kg en is van kop tot stert sowat 3 m lank. Die wyfies is effens kleiner en word 2,1 m lank. DIE WELPIES Jong leeutjies word welpies genoem. Hulle…

KAMEELPERDE bestee meer as die helfte van hul dag aan eet – wat nie verrassend is nie as ’n mens in ag neem dat hulle nie net een nie, maar vier kamers in hul maag moet vol kry. Dié pragtige diere moet ver en wyd oor die grasvelde van Afrika swerf om genoeg kos op te spoor om hul groot lyf te voed. Ons kyk na die langste soogdier ter wêreld en sy fassinerende eetgewoontes. WAT EET HULLE? Kameelperde is herbivore, wat beteken hulle eet net plante. Omdat hul nek so lank is, eet dié soogdiere hoofsaaklik blare en botsels in hoë bome – en akasiablare is ’n gunsteling. ’n Kameelperd eet gemiddeld sowat 30 kg kos per dag. Omdat hulle so baie eet, moet hulle gewoonlik ver stap om kos te…

VANWEË rolprente soos King Kong is ons geneig om aan gorillas as gewelddadig te dink, maar mense is vir hulle ’n veel groter gevaar as wat hulle ooit vir ons kan wees. Party spesies word bedreig deur jag, ontbossing en mensesiektes. Daar is twee spesies: die westelike gorilla en die oostelike gorilla. Elke spesie het twee subspesies, en die berggorilla is ’n subspesie van die oostelike gorilla. Dis die kalant wat ons hier bekyk. DIE BERGGORILLA Van al die gorillaspesies is berggorillas die meeste bedreig, maar danksy bewaring het hul getalle toegeneem van 786 in 2010 tot 1 004 in 2018. Hulle kom op net twee plekke voor: hoog in die Virunga-berge wat aan die Demokratiese Republiek van die Kongo, Rwanda en Uganda grens, en in die Bwindi Ondeurdringbare Nasionale Park in…

SLANGE is óf giftig óf niegiftig. Die giftiges pik hul prooi om dit te verlam of dood te maak, terwyl die niegiftiges hul prooi inmekaardruk. Die wêreld se grootste slang, die groen anakonda, gebruik laasgenoemde metode. Hy draai sy lyf om sy prooi, druk dit hard genoeg om dit dood te maak en sluk dit dan heel in. Anakondas kan groot diere soos varke, takbokke en katagtige roofdiere vreet. Maar hoe rek dié reptiel sy bek en maag so groot? Kom ons vind uit. WAAR WOON HULLE? •Groen anakondas hou in tropiese reënwoude in Suid-Amerika, maar hulle woon nie net in bome nie. •Die wetenskaplike naam vir die groen anakonda is Eunectes murinus. Eunectes beteken “goeie swemmer” in Grieks en murinus beteken “muise” in Latyn, wat verwys na een van die dinge wat…

KEER SO DAT ’N SPINNEKOP JOU BYT ● Skud altyd jou skoene en klere uit voor jy dit aantrek.● Kyk eers jou beddegoed en handdoeke goed deur voor jy dit gebruik, veral op ’n kampeerterrein.● Dra handskoene wanneer jy vuurmaakhout of klippe hanteer.● Moenie bokse en ander artikels onder jou bed bêre nie.● Baie spinnekoppe maak hulle tuis by buiteligte wat saans aan is, want dit lok insekte. Skakel onnodige ligte af.● Moenie hout buite teen die muur pak nie.● Verwyder ou klere, houers, afval en ander ongewenste artikels in en om die huis. GIFTIGE SPINNEKOPPE IN SUID-AFRIKA KNOPIESPINNEKOPPE WAAR Van die 32 spesies knopiespinnekop in die wêreld kom ses in Suid-Afrika voor. Hierdie spinnekoppe word in twee groepe verdeel: vier swart spesies (hulle is giftiger) en twee bruin soorte. VOORKOMS Die swart knopiespinnekop is…

TARANTULA-JAGTERS

SPINNEKOPJAGTERS Tarantulajagters is ’n soort spinnekopjagter in die familie Pompilidae in die orde Hymenoptera. Hierdie perdeby jag dikwels spinnekoppe groter as hy self. Hy vreet nie aan die spinnekoppe nie (hy verkies nektar en plante), maar gebruik hulle as broeikas en voedsel vir larwes. Wêreldwyd is daar 4 200 spesies. Tarantulajagters kom voor in Noord- en Suid-Amerika, Afrika, Suidoos-Asië en Australië. VOORTPLANTING Dié alleenlopers paar net een keer in hul leeftyd. Die wyfies ontwikkel uit bevrugte eiers en die mannetjies uit onbevrugtes. Nadat sy gepaar het, bewaar die wyfie die saad vir wanneer sy ’n eier wil bevrug om ’n wyfieperdeby voort te bring. Sodra sy gereed is om ’n eier te lê, gaan soek die wyfie ’n tarantula. Sy is nie kieskeurig nie en sal ’n mannetjie of wyfie van verskeie spesies…

TARANTULA-JAGTERS

VERKLEURMANNETJIES

DIE verkleurmannetjie of trapsuutjies is om meer as een rede ’n besonder interessante reptiel, maar veral omdat hy in ’n kits van kleur kan verander. Daar is sowat 160 verkleurmannetjiespesies waarvan die meeste in Afrika suid van die Sahara en op die eiland Madagaskar voorkom. KLEURVERANDERING ’n Verkleurmannetjie verander sy kleur deur spesiale kristalle in sy selle aan te pas sodat dit verskillende kleurskakerings weerkaats. Party kan hulle in al die kleure van die reënboog omtower asook pienk, swart en bruin. Paartyd, die verkleurmannetjie se gemoedstoestand en die temperatuur van sy omgewing speel ’n rol in kleurverandering. Dit help hom ook om hom te kamoefleer sodat vyande soos voëls en slange hom nie raaksien nie. Sy kleure word helderder wanneer hy en ’n ander verkleurmannetjie veg. VOORKOMS Die kop is smal met uitpeul-oë aan…

VERKLEURMANNETJIES

DAAR is duisende slaksoorte in die wêreld. Party kom in die see voor, ander in varswatermere en riviere, sekeres op land in die natuur en ander in jul tuin – laasgenoemde is die soort wat ons almal ken en wat ons hier van naderby bekyk. ’n Mens kry ook eetbare slakke (voorgesit as die gereg escargots), maar dis nie die slakke wat in jul tuin voorkom nie. Slakke sonder ’n dop word naakslakke genoem. OPERKULUM Baie slakke, veral seeslakke, het ’n harde, dekselagtige struktuur, die operkulum, wat die slak kan gebruik om hom in die skulp te verseël. Dit bied beskerming teen vyande en uitdroging. Die slak het ’n oop bloedstelsel. Dit beteken bloed verlaat die bloedvate en kom regstreeks met die weefsels en organe in aanraking. DIE VOET Die gespierde slymvoet stel die slak…

NAALDEKOKERS begin hul lewe in water en word dus dikwels naby damme, mere, kanale, strome, riviere en vleilande aangetref. Sowat 5 000 spesies naaldekoker en waterjuffer (albei behoort tot die insekorde Odonata) is bekend, maar wetenskaplikes dink daar kan tot 6 500 spesies wees. ’n Volwasse naaldekoker lewe sowat twee maande. OË Naaldekokers sien beter as die meeste ander insekte. Hul kop bestaan omtrent net uit twee reuse-saamgestelde oë. Elke oog lyk soos ’n tralienetwerk, want dit het tot 30 000 lense. ’n Naaldekoker gebruik sowat 80 persent van sy brein om al hierdie visuele inligting te verwerk. Hulle kan meer kleure as mense sien. HULLE HET AMPER Omdat hulle so te sê agter hulle kan sien, kan hulle die bewegings van ander insekte oplet en botsings in die lug vermy. PARING Die meeste naaldekokermannetjies kan…

DIT is nie net diere wat hul prooi jag nie – sommige plante doen dit ook! Die plant kry van sy voedingstowwe in deur insekte te verteer. Hulle gebruik ’n paar maniere om insekte vas te trek, soos die beker- en vliegpapiermetode. Met die bekermetode land die insek op ’n bekervormige plant, gly op die glibberige rand en val binnetoe. Die Venusvlieëvanger gebruik die vliegpapiermetode. Dié plant is inheems aan Noord- en Suid-Carolina in Amerika, maar kom nou wêreldwyd voor omdat hulle mense so fassineer. So gaan die Venus-vlieëvanger te werk. 1 LOK PROOI Die prooi word deur die plant se soet nektar nader gelok en land op die blaar, onbewus van sy lot. Net as die prooi beweeg, sal die blare heeltemal sluit – dit help die plant om energie te…

EEN van die bekendste fynbosplante is die skouspelagtige koningsprotea, wat sedert 1976 Suid-Afrika se nasionale blom is. Dit het die grootste blomkop in die proteafamilie. Maar die koningsprotea is maar net een van die meer as 1 000 proteasoorte wat ’n verskeidenheid groottes en vorms het! Een van die dinge wat die koningsprotea so fassinerend maak, is dat dit tegnies nie ’n enkele blom is nie, maar ’n blomhofie wat bestaan uit honderde individuele blommetjies wat saamgegroepeer is. Wat soos die kroonblare lyk, is eintlik ’n soort blaar wat as skutblare bekendstaan. GEREELDE BESOEKERS Nektardrinkende voëls soos suikerbekkies en suikervoëltjies drink graag die protea se soet stroop. Om by die nektar uit te kom, moet die voël sy snawel tot in die blomhofie druk – en kry hy in die proses ’n gesig vol…

DIE sonneblom kom oorspronklik van Noord- en Sentraal-Amerika af en daar is sowat 70 spesies. Nie alle sonneblomme is geel nie; party is bruin, oranje, rooi en selfs Die Inheemse Amerikaners het omstreeks 3 000 v.C. al sonneblomme begin kweek en ontwikkel tot ’n plant met ’n enkele kop en ’n verskeidenheid gekleurde saad. Die Spanjaarde het die blomme waarskynlik in die 1500’s uit Mexiko na Europa geneem. Deesdae is die sonneblom in baie wêrelddele ’n waardevolle landbougewas. In Suid-Afrika word sonneblomme veral in Limpopo, Mpumalanga, Noordwes en die Vrystaat verbou. Dit is die nasionale blom van die Oekraïne, wat ook in 2017/’18 die topprodusent van sonneblomme ter wêreld was, met Rusland die tweede grootste. Ons gebruik die olie uit die saad vir alles van kookolie tot margarien. Die sade is ook ’n gesonde…

MIELIES is ’n belangrike bron van voedsel in Suid-Afrika en een van die belangrikste onderdele van ons landbousektor. Mieliepap is ’n eg Suid-Afrikaanse gereg wat ons vir ontbyt of saam met braaivleis eet. Omdat Suid-Afrikaners so baie mielies eet, word dit as ’n stapelvoedsel beskou. Stapelvoedsel is kos wat in groot hoeveelhede deur ’n sekere nasie of bevolkingsgroep gekweek en geëet word. ’n Stapelvoedsel is betreklik goedkoop, maklik beskikbaar en voorsien in een of meer belangrike voedingstowwe. Mense eet al eeue lank mielies. Dié graangewas is eers in Sentraal-Amerika verbou en het daarna deur die Amerikaanse vastelande versprei. Nadat daar in die laat 15de eeu ál meer kontak tussen Europa en die Amerikas was, het mielies wêreldwyd versprei. Die woord “mielie” kom van die Middelnederlandse woord milie, wat “Turkse koring” beteken. Dit herinner…

DIE welwitschia is dalk nie mooi nie, maar dis ’n ongewone plant wat al eeue lank in die Namibwoestyn in Namibië en Angola oorleef. Dit is aangepas om in droë toestande te groei waar die reënval minder as 100 mm per jaar is. Die grootste deel van die plant kruip diep onder die grond weg. Tydens droogtes kou wildsbokke en renosters aan die blare om vog uit die plantsappe te kry. KORT STAM EN KEËLS Die bopunt van ’n ou plant se stam kan tot 50 cm hoog en tot 1 m breed wees, maar groter plante is al gevind. Die plante is manlik of vroulik en dra verskillende kleure keëls. Hierdie plant is manlik omdat dit pienkerige keëls het. BLARE Dit lyk dalk of die welwitschia baie blare het, maar eintlik het dit…

FOTOSINTESE is die proses waardeur plante hul eie kos vervaardig en, as ’n bonus, ook die suurstof wat ons nodig het om te lewe. Mense, diere en plante kan nie sonder mekaar klaarkom nie. Ons asem die suurstof in wat plante “uitasem”, en plante “asem” weer die koolstofdioksied in wat ons uitasem! DIE FOTOSINTESE-FORMULE Ligenergie word gebruik om koolstofdioksied (CO2) en water (H2O) in voedsel te omskep. As ’n neweproduk word suurstof vrygestel. SONLIG+CO2 +H2O + CHLOROFIL In ’n neutedop werk fotosintese so: 1. Sonlig skyn op die plant. 2. In die plant is daar ’n stof wat chlorofil genoem word. Die chlorofil absorbeer die energie uit die sonlig en berg dit. (Chlorofil word ook bladgroen genoem want dit gee aan plante hul groen kleur.) 3. Die plant gebruik dié energie om water (wat hy uit die…

S OWAT 70 persent van die aarde is met water bedek, maar dit bly nie op een plek nie. Water word gedurig oor die planeet heen versprei. Alle water beweeg in ’n reusekringloop wat ons die waterkringloop of watersiklus noem. Die water verdamp uit watermassas en die grond, kondenseer om wolke te vorm, val terug aarde toe in die vorm van reën, sneeu of hael en vloei dan terug in die watermassas of die grond. WAT IS TRANSPIRASIE? Transpirasie is die verdamping van grondwater uit plante. Die plant se wortels neem water uit die grond op, van waar dit deur die plant tot by huidmondjies (openinkies) op die blare beweeg. Van daar af verdamp dit in die atmosfeer. WAT IS KONDENSASIE? Kondensasie vind plaas wanneer waterdamp afkoel en van ’n gas in ’n vloeistof…

DIÉ natuurramp behels ’n reeks reusagtige vloedgolwe wat gewoonlik veroorsaak word deur ’n aardbewing, grondverskuiwing of vulkaniese uitbarsting onder die see. As dit tot by die kus voortstorm, kan die gevolge rampspoedig wees. Op 26 Desember 2004 is meer as 200 000 mense dood toe tsoenami’s lande in die Stille Oseaan se Ring van Vuur (kyk regs) getref het. In Maart 2011 het duisende mense in Japan omgekom nadat ’n aardbewing daar ’n tsoenami veroorsaak het, en in Oktober 2018 is Indonesië deur ’n vloedgolf getref wat die dood van honderde slagoffers veroorsaak het. Die branders is dikwels hoër as 30 M ’n Tsoenami se branders kan stelselmatig ál groter word. Branders kan voortjaag teen ’n snelheid van meer as 800 KM/H – byna so vinnig soos ’n straalvliegtuig SO ONTSTAAN ’N TSOENAMI Groot aardbewings of…

WEERLIG is ’n natuurlike bron van elektrisiteit wat tydens donderstorms deur wolke vervaardig word. Dis skouspelagtig om dop te hou, maar kan ook uiters gevaarlik wees – ’n weerligstraal kan genoeg energie bevat om meer as ’n week lank krag aan ’n huis te verskaf! WAT VEROORSAAK DONDERWEER? ’n Donderslag ontstaan wanneer ’n weerligstraal wat van ’n wolk af na die grond beweeg, ’n lugholte oopmaak wat ’n kanaal genoem word. Die weerlig verhit die lug, wat dit laat uitsit. Die lug wat aan die uitsit is, reageer op die omringende koeler lug teen spoed vinniger as klank. Dit veroorsaak skokgolwe wat as donderslae gehoor word. Die rede waarom ons weerlig sien voor ons ’n donderslag hoor, is dat lig vinniger as klank beweeg. BINNEBLITSE Die elektriese veld binne-in die wolk is baie sterker as die veld…

FOSSIELE is baie skaars. Vir elke dier wat doodgaan, is die kans een uit ’n miljoen dat dit ’n fossiel sal word. ’n Aantal stappe moet in die regte volgorde plaasvind sodat ’n fossiel suksesvol kan vorm. As net een van dié stappe nie plaasvind nie, sal die oorblyfsels van die oeroue plant of dier nie behoue bly om duisende jare later ontdek te word nie. Fossiele vorm wanneer minerale soos kalsiumkarbonaat die bene en ander organiese materiaal van ’n plant of dier vervang en laat versteen. Dié klip bly dan duisende en selfs miljoene jare onveranderd. Deur die eeue word die fossiele met nuwe lae klip en afsaksel bedek. Natuurlike prosesse soos erosie en aardbewings of menslike aktiwiteite soos die ontginning van kalksteen kan fossiele skielik blootlê en ons ’n kykie…

RUSLAND Rusland het voorheen 11 tydsones gehad, die meeste van enige land, maar dit is nou tot “net” nege verminder. CHINA China is so groot, dit moes eintlik vyf tydsones gehad het, maar die hele land gebruik net een tyd. INDIË Indië strek oor meer as een tydsone, maar het ’n tyd halfpad tussen die twee sones aan weerskante gekies sodat die hele land dieselfde tyd kan gebruik. AUSTRALIË Dis al aand in Australië! Omdat die aarde bolvormig is en sonlig net aan die een kant skyn, is dit dag aan die een kant en nag aan die ander. Dus kan die tyd nie oral op alle horlosies ooreenstem nie. TYDSONES volg gewoonlik meridiane (denkbeeldige lyne wat van pool tot pool strek), maar plek-plek word dit geskuif, byvoorbeeld sodat ’n hele land in een tydsone kan pas. Daar…

DIE piramides van Giza is waarskynlik die bekendste baken in Egipte, maar dit is nie die ou Egiptenare se enigste ongelooflike ingenieursprestasie nie. Daar is ook die twee rotstempels by Aboe Simbel, wat in 1244 v.C. deur farao Ramses II laat bou is. Hierdie wêrelderfenisterrein is in die 1960’s van sy oorspronklike plek geskuif! DIE GROOT TEMPEL 1. DIE GROOT SAAL Vier reusebeelde van Ramses II wat die dubbelkroon van Bo- en Benede-Egipte dra, sit weerskante van die tempelingang. Daar is ook kleiner standbeelde van sy gunstelingvrou, Nefertari, sy ma, Tuya, sy twee oudste seuns en sy ses oudste dogters. Een van die beelde is tydens Ramses II se bewind deur ’n aardbewing beskadig. Die beeld se kop en bolyf lê nou by sy voete. 2. DIE SUILESAAL Die hoofsaal van die Groot Tempel word deur…

DIÉ buitengewone gebou is meer as 800 jaar gelede (tussen 1200 en 1330) in Djenné gebou op die vloedvlakte van die Banirivier in Mali. Dis nie van gewone sement en stene gebou nie, maar van modder! Dié Wêrelderfenisgebied is eers as ’n paleis gebruik voor dit eindelik in ’n moskee verander is. Die in daardie stadium verwaarloosde moskee is in 1907 deur die Franse herbou. HET JY GEWEET? Elke jaar kom die hele gemeenskap van Djenné bymekaar vir ’n fees waartydens enige reën- en hitteskade aan die moskee herstel word. Daar is ook kos en musiek. ANDER GEBOUE VAN MODDER EN KLEI LARABANGA-MOSKEE, GHANA Dit is in 1421 gebou met plaaslike boutegnieke en materiaal, soos modder en biesies. AGADEZ-MOSKEE, NIGER Dit is in 1515 van klei gebou en is in 1844 gerestoureer. VINNIGE VRAE 1 Hoe word die moskee…

DIE Groot Muur van China bestaan inderwaarheid uit ’n reeks mure en versterkings. Die eerste mure is deur onafhanklike koninkryke gebou om hul grense te verdedig. Dis later saamgevoeg onder bevel van Qin Shi Huang, die eerste keiser van ’n verenigde China, om die land teen aanvalle van stamme uit die noorde te verdedig. Die indrukwekkendste en bes bewaarde dele van die muur is tydens die Ming-dinastie gebou. Groot dele van die muur is vernietig of verweer. BEWAKING VAN DIE MUUR Tydens die Ming-dinastie is die muur in sy lengte deur minstens ’n miljoen soldate verdedig. Die meeste van hulle het in bousels binnein die muur self gewoon. WIE HET DIE MUUR GEBOU? Die Tydperk van Lente en Herfs en die Tydperk van die Strydende State (771-221 v.C.) Die oudste bestaande deel van die muur…

DIE bouwerk aan die Hagia Sophiabasiliek (kerk) in Turkye het byna ses jaar geduur en is in 537 afgehandel. Istanbul was sedert omstreeks 660 v.C. as Bisantium en sedert 330 n.C. as Konstantinopel bekend, en het sy huidige naam ná die Turkse verowering in 1453 gekry. Die Hagia Sophia was eers ’n Grieks-Ortodokse katedraal, later ’n moskee en is nou ’n museum. Dit is in 1985 tot ’n Unesco-Wêrelderfenisgebied verklaar en is ’n gewilde toeriste-aantreklikheid. GESKIEDENIS LIGGING Istanbul, Turkye BOUWERK Dit is tydens die heerskappy van keiser Justinianus I gebou. Hy was van 527 tot 565 die heerser van die Oos-Romeinse Ryk. Sy argitekte, Isidorus en Anthemius het die opdrag uitgevoer. BOUSTYL Die gebou word beskou as een van die beste voorbeelde van die Bisantynse argitektuur (die argitektuur van die Bisantynse Ryk, wat deur die Romeinse en…

SKEWE TORING VAN PISA

PISA is ’n Toskaanse stad aan die mond van die Arnorivier, wat ook deur Florence vloei. In die 11de eeu was dit een van die belangrikste seevaartstadstate in Italië en dit is ook die tuiste van ’n beroemde toring. Die bouwerk aan die toring van Pisa het in 1173 begin. Die kloktoring staan skeef, want die fondament is onstabiel en dis op sagte grond gebou. Aan die einde van die vorige eeu is die toring gerestoureer om die oorhelling stop te sit. VEILIGHEIDSKABELS ’n Staalkabelstelsel is geïnstalleer om te keer dat die toring tydens restourasie omval. Italiaanse ingenieurs skat die toring sal vir nog 200 jaar stabiel wees. DIE SYFERS ● Die toring is een van vier geboue wat ’n katedraalkompleks vorm. Dit staan as die Piazza dei Miracoli (Plein van Wonders) bekend. Dis eintlik…

SKEWE TORING VAN PISA

HOEVEEL MENSE IS TYDENS SY HEERSKAPPY DOOD? Dis onseker, maar dis tussen 70 000 en ’n hele paar miljoen. ALEXANDER DIE GROTE VEROWERDE GEBIEDE OP DIE KAART BEGIN IN ATHENE LEWE Gebore in Griekeland. Leef van 356-323 v.C. HEERS 332-323 v.C. VEROWER Die Griekse stadstate, die Persiese Ryk en ou Egipte. Op die hoogtepunt van sy heerskappy het sy ryk oor 5 miljoen km2 gestrek – van Griekeland tot by die Himalajas. WAARVOOR IS HY BEKEND? Hy was een van die mees uitgeslape militêre bevelvoerders ooit en het saam met sy troepe geveg. KEISER AUGUSTUS VEROWERDE GEBIEDE OP DIE KAART BEGIN IN ROME GEBORE AS Gaius Oktavius in Rome. Augustus beteken “die roemryke” en is ’n titel wat hy van die Romeinse senaat gekry het. LEWE 63 v.C.-14 n.C. HEERS 31 v.C-14 n.C. VEROWER Die Mediterreense streke en Wes-Europa WAARVOOR IS HY BEKEND? Baie van die Romeinse Ryk se rykdom en kulturele suksesse word aan…

JY HET seker al van Cleopatra gehoor. Stories oor haar word vandag nog vertel – selfs die beroemde Britse skrywer William Shakespeare het ’n drama, Anthony and Cleopatra, oor haar geskryf. Sy was bekend weens haar skoonheid en liefdeslewe, maar feitlik alles wat ons van haar weet, is neergepen deur Romeinse skrywers wat haar wou afkraak omdat sy die vyand van die Romeinse keiser Augustus was. Kom ons vind meer uit oor hierdie fassinerende vrou. Wie was Cleopatra? Cleopatra VII Thea Philopator was die laaste onafhanklike heerser van Egipte. Haar familie was egter Grieks en van die streek Masedonië. Sy was lid van ’n dinastie wat deur Ptolemeus gestig is. Hy was ’n generaal onder Alexander die Grote van Masedonië wat Egipte in 332 v.C. verower het. Cleopatra is in 70 of…

LEONARDO DA VINCI

AL IS hy die bekendste vir sy kuns, onder meer twee van die beroemdste skilderye ter wêreld, het Leonardo da Vinci (1452-1519) ook in baie ander studievelde uitgeblink en uiteenlopende belangstellings gehad. So het hy die term “Renaissance-mens” vergestalt. Die wêreld het Leonardo gefassineer. Hy was nuuskierig om uit te vind hoe dinge werk. Hy het sy kunsaanleg gebruik om te boekstaaf wat hy sien, en tientalle notaboeke gevul met sketse van liggaamsbou, geboue en natuurlike prosesse soos die vloei van water en die vlug van voëls. Hy het sy wetenskapkennis in sy skilderkuns gebruik om die mense en landskappe lewensgetrou te maak, terwyl dit hom ook geïnspireer het om masjiene uit te vind wat sy tyd ver vooruit was. WAT IS DIE RENAISSANCE? Die Franse woord “renaissance” beteken “herlewing” en verwys na…

LEONARDO DA VINCI

VINCENT VAN GOGH

VANDAG word die post-impressionistiese skilder Vincent van Gogh (1853-1890) as die grootste Nederlandse kunstenaar sedert Rembrandt en een van die belangrikste figure in Westerse kuns beskou. Dis baie hartseer om te dink mislukking en verwerping het hom in sy lewe oorweldig, want sy werk het eers in die jaar ná sy dood kenners se aandag begin trek. Nou is sy skilderye van die duurstes ter wêreld. Sy bekendste skildery, Die Sterrenag (1889), word in die museum van moderne kuns in New York uitgestal. Hy het in Julie 1890 gesterf aan ’n skietwond in sy maag. Dis nie duidelik wie hom geskiet het nie. Hy was 37 jaar oud. SY DUURSTE SKILDERYE PORTRET VAN DR. GACHET (1890) Dié skildery is van die dokter wat Vincent in sy laaste maande versorg het. In 1990 vir $82…

VINCENT VAN GOGH

INTERESSANTE FEITE Gandhi het die eretitel Mahatma ontvang. Dit is ’n Sanskrit-woord wat “die groot siel” beteken. Hy het ses sluipmoordpogings beleef. Hy is vyf keer vir die Nobelvredesprys benoem, maar is nooit daarmee vereer nie. Sy leringe het mense soos die menseregteaktiviste Martin Luther King jr. en oudpres. Nelson Mandela geïnspireer. Hy het die Soutmars gelei om protes daarteen aan te teken dat Brittanje Indiërs belas het vir die produksie van sout in hul eie land. Duisende Indiërs het hom gevolg. Hulle het sowat 386 km afgelê. MY LAND, MY KLEED Gandhi het elke dag gespin. Dit was ’n boodskap aan ander Indiërs om waarde te heg aan handearbeid en selfstandigheid. KLERE Gandhi het meestal ’n lungi (’n lang stuk katoendoek) gedra. Later het hy ’n dhoti (soort broek) en ’n tulband begin…

STOWWE MET GROOT WAARDE

BAIE mense dink die waardevolste grondstof op aarde is goud. Maar al is dit in die top-15, is ’n hele paar ander stowwe duurder, en van party het jy dalk nog nie eens gehoor nie. Dié stowwe is so duur omdat dit skaars is of moeilik om te vervaardig of te ontgin. Ons verskaf die prys van wat ’n gram van elke stof kos. DIAMANT Al is dit nie die seldsaamste edelsteen nie, is diamante die duurste, want dit is gesog vir verloofringe en ander juweliersware. Dit word diep onder die aarde se kors gevorm deur intense druk en hitte wat koolstofmolekules omskakel in die hardste stof wat natuurlik voorkom. Omdat diamante so sterk is, gebruik die outomobiel-, mynbou-, militêre en ander bedrywe sae en bore wat gemaak is van die edelsteen…

STOWWE MET GROOT WAARDE

MINERALE VAN SA

GOUD WAAR KOM DIT VOOR? Gouderts kom in die Witwatersrandgebied in Gauteng voor. Dit was die inspirasie vir Johannesburg se bynaam “Egoli”, wat “stad van goud” beteken. Goud word ook in die Vrystaat gemyn. GEBRUIKE Buiten vir juweliersware word goud gebruik om tandstopsels mee te maak en elektrisiteit in ruimtevoertuie en na selfone en televisies te gelei. VERMIKULIET WAAR KOM DIT VOOR? Vermikuliet kom in die rotsformasie genaamd die Palabora-stollingskompleks voor en word naby Phalaborwa in Limpopo ontgin. GEBRUIKE Dit word gebruik om borde te maak wat in kaggels en akoestiese panele gebruik word. Dit word ook in motorremvoerings en as potgrond en verpakkingsmateriaal gebruik. DIAMANT WAAR KOM DIT VOOR? Suid-Afrika lewer 10 persent van die wêreld se diamante. Dit word naby Lime Acres, 160 km noordwes van Kimberley, in die Noord-Kaap en naby Alldays in Limpopo…

MINERALE VAN SA

CULLINAN-DIAMANT

DIE Cullinan-diamant, die grootste heel diamant wat al ontdek is, is in 1905 in die Premiermyn by die dorpie Cullinan oos van Pretoria gevind. Dit het ’n allemintige 3 106,75 karaat – 621,35 g – geweeg en was swaarder as ’n sokkerbal! Die Cullinan is in 1907 aan koning Edward VII van Brittanje vir sy 66ste verjaardag gegee. Nege groot stene, onder meer die Groot Ster van Afrika, is daaruit gesny. Dit is nou óf deel van die Britse kroonjuwele óf in die persoonlike besit van die koninklike familie. DIE NAAM Die diamant is genoem na sir Thomas Cullinan, eienaar van die Premiermyn waarin dit gevind is. Van die grootste diamante in die wêreld is in dié myn ontdek. Dit is die derde rykste diamantmyn in die land. ONDER BEWAKING IN DIE LONDENSE…

CULLINAN-DIAMANT

KIMBERLEY SE GROOT GAT

DIE terrein van die Groot Gat was byna 150 jaar gelede net ’n plat heuwel. Toe die woord versprei dat diamante daar ontdek is, het duisende fortuinsoekers met niks meer nie as pikke, grawe en hoop op die gebied toegesak en die grootste handgegrawe gat ter wêreld geskep. Die dorp Kimberley het om die terrein ontstaan. Die Kimberley-myn is die grootste gat wat met die hand uitgegrawe is en is in die Noord-Kaap geleë. Die myn word ook die “Groot Gat” of “Oop Myn” genoem. Dis nou ook ’n toeristebestemming waar besoekers kan leer oor die ontginning van ongeslypte diamante en alles oor die blink juweel wat in vandag se juweliersware gevind word. WATER IN DIE GAT Toe daar met skagmynbou begin is, was die Groot Gat 240 m diep. Vandag is dit…

KIMBERLEY SE GROOT GAT

DAAR is agt planete in ons sonnestelsel, maar die Aarde is ál een met die regte toestande waarop lewe kan bestaan. Die rede daarvoor het alles met die son te doen. Die Aarde lê in wat die son se Gouelokkiessone (of bewoonbare sone) genoem word – dis nie te naby en nie te ver nie. Die son is eintlik ’n ster, en soos alle sterre stel dit ’n reusehoeveelheid energie in die vorm van lig en hitte vry. Ons maak op die son se ongelooflike energie staat om lewe op Aarde te onderhou. Daarsonder is daar geen lig, warmte of lewe nie. WAAR KOM DIE SON SE ENERGIE VANDAAN? Die son is basies ’n groot bal gas – waterstof – wat deur sy enorme swaartekrag bymekaargehou word. In die son se kern is…

WETENSKAPLIKES meen die maan was lank gelede deel van die Aarde. Hul teorie is dat ’n groot voorwerp sowat 4 miljard jaar gelede teen die Aarde gebots en groot rotse laat afbreek het, wat eindelik weer saamgesmelt het om die maan te vorm. Dit is ook die Aarde se enigste natuurlike satelliet (enige hemelliggaam wat om ’n ander groter hemelliggaam beweeg, word ’n satelliet genoem). Die swaartekrag op die maan is sowat ’n vyfde van die Aarde s’n. Ruimtevaarders moet spesiale klere aantrek om te keer dat hulle die ruimte in wegdryf! Dis ook hoekom jy sowat ses keer ligter op die maan as op die Aarde sal weeg. Belangstelling in die maan het die afgelope ruk toegeneem en heelparty lande en ook privaat maatskappye het aangedui hulle wil binne die volgende…

NAAS die Aarde is Mars die mees bewoonbare plek vir mense in ons sonnestelsel. Met dié dat die Aarde se bronne ál meer kwyn en die bevolking ál meer toeneem, kan die mensdom dalk oorleef deur op Mars te gaan woon. Kom ons kyk wat ’n lewe op die Rooi Planeet vereis … 1 KOS Mars-boere sal vrugte en groente moet verbou om voedsel te verskaf. Omdat Mars se atmosfeer uit 95 persent koolsuurgas (koolstofdioksied) bestaan en die grond arm aan voedingstowwe is, sal plante gekweek moet word in spesiale drukbeheerde kweekhuise wat hulle ook teen ysige temperature en hewige stofstorms kan beskerm. Gelukkig is daar genoeg sonlig. DRUKRUIMTEPA Om die gebrek aan lugdruk en suurstof en die koue te oorleef, sal mense ’n spesiale drukbeheerde ruimtepak moet dra wanneer hulle uitgaan. (Lees meer…

DIE SUPERRUIMTEPAK

DIE WANDELPAK Die Extravehicular Mobility Unit (EMU) is sedert 1981 in gebruik en word steeds deur ruimtevaarders op die Internasionale Ruimtestasie gedra. Die EMU bestaan uit: 1 Onderklere 2 Harde bolyfstuk 3 Armstukke 4 Handskoene 5 Sagte onderlyfstuk 6 Helm-en-skerm-stuk 7 Hoof-lewensondersteuningspak Die EMU se 13 lae materiaal bestaan uit: ● ’n Onderstuk van 2 lae met ingeboude pypies waardeur water sirkuleer om die lyf koel te hou,● ’n Druk-kledingstuk van 2 lae wat die pak met lug gevul hou,● ’n Verwarmde kledingstuk met 8 lae vir beskerming teen ruimtestof en ander voorwerpe, en● 1 waterdigte en brandbestande buitelaag. VRAE WAT PLA Waarom is die ruimtepak wit? Wit help om die son se hitte te weerkaats. In die ruimte kan die temperatuur in direkte sonlig meer as 135 ºC wees. Waarom het die pak ’n rooi streep? Party het ’n horisontale rooi streep, ander het skuins…

DIE SUPERRUIMTEPAK

TOE Lottie Williams ’n klompie jare gelede laatnag deur ’n straat in die Amerikaanse deelstaat Oklahoma stap, het sy skielik ’n ligstreep in die naghemel gewaar en kort daarna iets teen haar skouer voel val. Dit was ’n stukkie van ’n ou vuurpyl wat uit die ruimte op haar neergestort het! Gelukkig het Lottie nie seergekry nie en is sy tot dusver die enigste mens van wie ons weet wat deur ’n stuk ruimterommel getref is. In die meer as 60 jaar wat mense al dinge in die ruimte opstuur, het ons soveel gemors daar gelaat dat dit ons almal in gevaar stel. Ruimterommel kan ook ’n duur satelliet of ’n ruimtewandelaar tref. Die Internasionale Ruimtestasie moes al van posisie verander om uit die pad van gevaarlike rommel te kom, en…

KWEEKHUISE dateer van die Romeinse Ryk. In 30 n.C. is keiser Tiberius deur ’n dokter aangeraai om ter wille van sy gesondheid heel jaar lank Armeense komkommer te eet, al is dit net in die somermaande verbou. Die keiser se tuiniers het toe ’n omhulde struktuur geskep wat die groeiende plante kon beskerm. In die wintermaande is vure buite die klipmure van die struktuur aangesteek om die binnekant warm te hou. Die dak is vervaardig van ’n dun materiaal, mika, wat die sonlig kon deurlaat. Deesdae is kweekhuise veel meer gevorderd en word dit gewoonlik van glas of plastiek gebou om sonlig deur te laat. Die hitte van die son bly binne-in die kweekhuis en sorg dat dit selfs op koue winterdae warm is. So word ’n waterkringloop in die kweekhuis geskep en is…

KOMPOS is organiese materiaal wat ontbind het. In jou tuin werk dit soos bemesting, want dit plaas die voedingstowwe terug wat plante uit die grond opgeneem het. Kompos help ook om vog uit die lug op te neem en vas te hou, wat water spaar. As jy jou eie kompos maak, slaan jy ’n slag vir herwinning én gooi jy minder vullis weg. Vra ’n grootmens om jou met ons komposaanwysings te help. WAT JY NODIG HET 2 HOUERS ’n Plastiekhouer met ’n deksel waarin jy die kompos bymekaar kan maak en ’n vlak houer met ’n effens groter basis. ’N BOOR Lug moet deur die houer sirkuleer sodat die kompos kan ontbind. Daar sal dus gate in die houer geboor moet word. OORSKIETKOS Die meeste oorskietkos uit die kombuis kan jy op jou komposhoop pak. KOERANTPAPIER Jy kan…

JY HET seker al gesien hoe die weervoorspeller aan die einde van die TVnuus vertel teen watter spoed wind oor die land heen gaan waai. ’n Anemometer (windmeter) is die instrument wat meteoroloë (wetenskaplikes wat die wind bestudeer) gebruik om te meet wat die spoed van wind is. Die naam kom van die Griekse woord “anemos”, wat wind beteken. ’n Stormsterk wind is byvoorbeeld een wat teen 50 tot 102 km/h waai. Dis genoeg om jou van jou voete te lig, bome om te waai en skade aan jou huis aan te rig! Kom ons kyk hoe jy ’n anemometer kan bou om self windsnelheid te meet. GEBRUIK JOU WINDMETER SO STAP 1: STEL JOU BASISSPOED VAS Vra ’n volwassene om op ’n windstil dag teen 10 km per uur met jou straataf te ry.…

KOERANTE Die koerantpapier isoleer jou oond sodat dit meer hitte behou. Rol die velle koerantpapier styf op en plak dit met kleeflint vas sodat dit ’n rand om die kookarea (swart papier) vorm. Die deksel moet kan toemaak sodat die hitte nie ontsnap nie. KLEEFPLASTIEK Die vasgeplakte kleefplastiek verskaf isolering om die hitte binne te hou. Dit moet deurskynend wees sodat die lig kan deurgaan. TINFOELIE Die foelie is weer-kaatsend en fokus die son se strale in die boks. Jy kan die hoek van die flap verstel sodat meer van die son se strale tot in die boks weerkaats. HOEKOM SWART PAPIER? Swart absorbeer al die lig wat dit tref en help so dat die kos vinniger verhit. HOE WARM WORD DIT? Jou sonoond kan op ’n warm dag amper 100 grade C bereik en dit kan 45-60 minute…

BOU JOU EIE BILTONGMAKER STAP1 Vra ’n grootmens om jou hiermee te help. Maak ’n houtkas (jy kan selfs ’n karton-boks gebrulk van sowat 1 m hoog, 60 cm breed en 60 cm diep. Sny versigtig ’n deur aan die een kant. STAP 2 Plaas ’n houtafskorting sowat 30 cm van onder in die boks. Dit moet hoog genoeg wees sodat ’n gloeilamp aan die onderkant van die afskorting kan inpas. STAP 3 Vra ’n volwassene om gate met ’n deursnee van 1-2 cm in die kas te boor. Maak sowat twee sulke gate aan elke kant, vier bo en ses in die afskorting. STAP 4 Heg ’n paar houtpenne (A) aan die binnekant van die boks, sowat 5 cm van bo af. Sorg dat jy hulle 7-10 cm uitmekaar spasieer. Probeer die penne so vasmaak dat jy…

ENIGEEN wat al beurtkrag in Suid-Afrika ervaar het, sal weet hoe nuttig ’n flits in die donker kan wees. Die flits is in 1899 deur die Brit David Misell bedink. Hy het drie batterye (wat toe pas in 1896 uitgevind is) gepak in ’n buis wat aan ’n elektriese gloeilamp vas was. Dit het ook ’n kontakskakelaar gehad waarmee dit aan- en afgeskakel is. Dit kon nie vir lank lig verskaf nie; dit kon net ’n paar keer flits en dan was die batterykrag gedaan (die naam flits is dus nogal gepas, nè?). Later was batterye meer betroubaar en van die 1920’s af is flitse algemeen gebruik. Vandag is ’n verskeidenheid beskikbaar – van grotes tot piepkleintjies wat aan ’n sleutelring pas en selfs onderwaterflitse. Jy kan natuurlik ’n flits koop, maar sou…

TOETS JOU KENNIS

GROOTDIERE 1 Watter soogdier se ore is in die vorm van die Afrika-kontinent? 2 Wie doen die meeste van die jagwerk, die leeumannetjie of -wyfie? 3 Waar of onwaar? Die doel van ’n gorilla se skerp slagtande is om sy prooi dood te maak. 4 Is die anakonda vinniger op land of in die water? KLEIN DIERTJIES 5 Watter spinnekop is giftiger: die bobbejaanspinnekop of die knopiespinnekop? 6 Wat het ’n verkleurmannetjie nie: ’n tong, ore of oë? 7 Wat gebruik ’n slak om vorentoe te beweeg? PLANTE 8 Wat is Suid-Afrika se nasionale blom? 9 Wat gebeur as die Venus-vlieëvanger se blare om ’n klip toegaan? 10 Hoeveel blare het die welwitschia? WAT IS DIT? 11 Watter land het die meeste tydsones? 12 In watter oseaan is die Ring van Vuur? 13 Wat is die enigste natuurlike stof op Aarde wat as vaste stof, vloeistof…

TOETS JOU KENNIS

In This Issue

Description

Details

Reviews

Recent Digital Issues Browse all

Recent Huisgenoot: Het jy Geweet? Digital Issues Browse all back issues

Huisgenoot: Het jy Geweet? Magazine (Digital) Subscription July 4th, 2019 Issue

Huisgenoot: Het jy Geweet? Magazine (Digital) Huisgenoot: Het jy Geweet? 2017: $3.08

Customers Also Viewed

House & Home Magazine (Digital) Subscription May 1st, 2025 Issue

House & Home Magazine (Digital)

(3)

10 Issues: $17.99 ~~$49.90~~

Houses Magazine (Digital) Subscription April 1st, 2025 Issue

Houses Magazine (Digital)

6 Issues: $28.36 ~~$35.76~~

How To Solder Jewelry (Digital) Subscription November 3rd, 2014 Issue

How To Solder Jewelry (Digital)

Winter 2015: $14.99

Hyper (Digital) Subscription

Hyper (Digital)

Issue 271: $2.94

How It Works Book of Incredible History Magazine (Digital) Subscription March 1st, 2016 Issue

How It Works Book of Incredible History Magazine (Digital)

How It Works Book of Incredible History 6th Edition: $8.99

How It Works Book of the Elements Magazine (Digital) Subscription October 1st, 2016 Issue

How It Works Book of the Elements Magazine (Digital)

How It Works Book of the Elements 5th Edition: $8.00

Improve your Time management Magazine (Digital) Subscription July 3rd, 2013 Issue

Improve your Time management Magazine (Digital)

Improve your Time management: $6.23

Independant and Unofficial Guide to Fortnite Battle Royale Annual 2019 Magazine (Digital) Subscription January 2nd, 2019 Issue

Independant and Unofficial Guide to Fortnite Battle Royale Annual 2019 Magazine (Digital)

Independent and Unofficial Guide to Fortnite Battle Royale Annual 2019: $3.11

id SHOW Magazine (Digital) Subscription March 1st, 2025 Issue

id SHOW Magazine (Digital)

4 Issues: $9.50 ~~$11.92~~

Improve Your Health (Digital) Subscription July 1st, 2021 Issue

Improve Your Health (Digital)

Issue 5: $6.23

House & Home Magazine (Digital) Subscription May 1st, 2025 Issue

House & Home Magazine (Digital)

(3)

10 Issues: $17.99 ~~$49.90~~

Houses Magazine (Digital) Subscription April 1st, 2025 Issue

Houses Magazine (Digital)

6 Issues: $28.36 ~~$35.76~~

How To Solder Jewelry (Digital) Subscription November 3rd, 2014 Issue

How To Solder Jewelry (Digital)

Winter 2015: $14.99

Hyper (Digital) Subscription

Hyper (Digital)

Issue 271: $2.94

How It Works Book of Incredible History Magazine (Digital) Subscription March 1st, 2016 Issue

How It Works Book of Incredible History Magazine (Digital)

How It Works Book of Incredible History 6th Edition: $8.99

How It Works Book of the Elements Magazine (Digital) Subscription October 1st, 2016 Issue

How It Works Book of the Elements Magazine (Digital)

How It Works Book of the Elements 5th Edition: $8.00

Improve your Time management Magazine (Digital) Subscription July 3rd, 2013 Issue

Improve your Time management Magazine (Digital)

Improve your Time management: $6.23

Independant and Unofficial Guide to Fortnite Battle Royale Annual 2019 Magazine (Digital) Subscription January 2nd, 2019 Issue

Independant and Unofficial Guide to Fortnite Battle Royale Annual 2019 Magazine (Digital)

Independent and Unofficial Guide to Fortnite Battle Royale Annual 2019: $3.11

Reviews

0

0

0

0

0

No reviews yet

Ask a Question

Click stars to rate

Please select a rating for the review.

Please enter title for the review.

Please enter content for the review.

Please enter order number.

Please enter your first name and last name.

Only letters allowed for first name and last name.

Please enter your email.

Upload photo

Cancel Submit

Processing...

Thank you for your feedback! Your review has been submitted and will be published soon.

OK

Be the first to ask a question about this product

Please enter content for the question.

Please enter at least 10 characters.

Your question can not be more than 150 characters.

Please enter your first name and last name.

Only letters allowed for first name and last name.

Please enter your email.

Submit Processing...

Thank you for your question! Your question has been submitted and will be published soon.

Answer this question

Please enter content for the answer.

Please enter at least 10 characters.

Please enter your first name and last name.

Only letters allowed for first name and last name.

Please enter your email.

Submit Cancel Processing...

Thank you for your answer! Your answer has been submitted and will be published soon.

OK

×